Ağdamda kişi avtomobilə görə özünü yandırdı

Ağdamda kişi avtomobilə görə özünü yandırdı
15:30
14.11.2017
920
Hadisə
A
Ağdamda avtomobili cərimə meydançasına salınan rayon sakini özünü yandırıb.

"Ölkə.Az" Trend-ə istinadla xəbər verir ki, hadisə rayonun Xıdırlı kəndində baş verib. 

Kənd sakini, 1970-ci il təvəllüdlü Bəhlul Əmirov avtomobili ilə hərəkət edərkən Ağdam rayon Yol Polisi şöbəsinin əməkdaşları tərəfindən saxlanılıb. Araşdırmalar zamanı məlum olub ki, avtomobilin sənədləri yoxdur və külli miqdarda ödənilməmiş cəriməsi var. Avtomobil B.Əmirovdan alınaraq cərimə meydançasına salınıb.

B.Əmirov avtomobili cərimə meydançasından çıxarmaq istəsə də, mümkün olmayıb. Şöbədən bildiriblər ki, avtomobilin cərimələri ödənilməli və sənədləri qaydasına salınandan sonra sahibinə qaytarılmalıdır.

B.Əmirov isə cəriməni ödəmədən avtomobili almağa cəhd edib. Cəhdləri boşa çıxan B.Əmirov evinə qayıdaraq yaşadığı evin həyətində üzərinə benzin tökərək özünə od vurub. O, ailə üzvlərinin köməyi ilə Ağdam Mərkəzi Rayon Xəstəxanasına çatdırılıb. Xəstəxanada yaralıya 2-ci dərəcəli yanıq xəsarətləri diaqnozu təyin edilib. Hazırda onun vəziyyəti orta ağır qiymətləndirilir.

Ağdam rayon Polis Şöbəsindən bildiriblər ki, B.Əmirovun avtomobili qanunsuz idarə edildiyi üçün cərimə meydançasındadır: "Şikayətçi bununla bağlı Baş Prokurorluğa və Ağdam rayon Prokurorluğuna müraciət edib. Müraciət araşdırılıb və avtomobilin qanun çərçivəsində saxlanıldığı müəyyən edilib".

ŞƏRH YAZ
0

Azərbaycanda daha bir zəlzələ

Azərbaycanda daha bir zəlzələ
09:00
Bu gün
1487
Hadisə
A
Azərbaycanda növbəti dəfə zəlzələ olub.

"Ölkə.Az" AMEA-nın Respublika Seysmoloji Xidmət Mərkəzinə istinadən xəbər verir ki, ilkin məlumatlara əsasən, yerli vaxtla saat 04:02-də Saatlı rayonu ərazisində zəlzələ qeydə alınıb.

Zəlzələnin 3,2 maqnituda gücündə olduğu və hiss edilmədiyi bildirilir. Yeraltı təkanlar 58 km dərinlikdə qeydə alınıb.

ŞƏRH YAZ
0

Azərbaycan sərhədi yaxınlığında baş verən şiddətli atışmanın səbəbi məlum oldu

Azərbaycan sərhədi yaxınlığında baş verən şiddətli atışmanın səbəbi məlum oldu
00:27
Bu gün
2063
Hadisə
A
Dağıstanın Azərbaycanla həmsərhəd Məhərrəmkənd rayonunda baş verən atışmanın səbəbi məlum olub.

“Ölkə.Az” xəbər verir ki, bu barədə Dağıstanın hüquq-mühafizə orqanlarından “RİA Novosti” Agentliyinin əməkdaşlarına bildirilib. Verilən məlumata görə, hadisəyə səbəb  borc pul olub.

“Araşdırmalar zamanı məlum olub ki, atışmada 20 nəfərə yaxın insan iştirak edib. İnsident  borc pul üstündə yaranıb. Baş verən atışma ilə əlaqəli 6 nəfər saxlanılıb, 15 nəfərədək şəxsin axtarışı davam etdirilir”, - deyə məlumatda bildirilib.

Qeyd edək ki, noyabrın 23-də Dağıstanın Azərbaycanla həmsərhəd Məhərrəmkənd rayonunda şiddətli atışma olub. Məhərrəmkəndə rayonunda baş verən atışma zamanı iki nəfər ölüb, 3 nəfər isə yaralanıb. Verilən məlumata görə, ölənlər Eldar Yaraliyev və Salman Ağarcayevdir. Yaralılar isə Telman Serkerov, Vadim Şaxbazov və Edqar Yaraliyevdir.

Ziya Səccad
Ölkə.Az

ŞƏRH YAZ
0
BAĞLA