“Ağdamlı Faiq” avtoxuliqanlığı təbliğ edir — VİDEO

“Ağdamlı Faiq” avtoxuliqanlığı təbliğ edir
23:42
21.07.2018
7626
Maraqlı
A
Özünü "Ağdamlı Faiq" kimi təqdim edən şəxs saxta profil vasitəsi ilə "facebook"un canlı yayımında avtoxuliqanlıq edir.

"Ölkə.Az" Xezerxeber.az-a istinadən məlumatına görə, o, canlı yayım zamanı avtomobillərin intensiv hərəkət etdiyi yola çıxaraq təhlükəli manevrlər etməyə başlayır. Üstəlik, saatda 160 kilometrdən artıq sürətlə gedərkən, özünün də dediyi kimi ''bir əlində telefon, bir əlində sükan'' olur.

O, bu hərəkətləri edə-edə izləyicilərinin suallarını da cavablandırır və özünə haqq qazandırmağa çalışır.

"Ağdamlı Faiq" bu hərəkətləri mütəmadi şəkildə etdiyini deyir. Açıq şəkildə avtoxuliqanlığın təbliği ilə məşğul olan şəxsin əsas izləyiciləri isə azyaşlılar və gənclərdir. Gənclərin suallarını cavablayan Faiq öz "məharətindən" ağız dolusu danışır. Hətta bir dəfə canlı yayımda qəza etdiyini də deyir.

Qeyd edək ki, bu görüntülər Ağdamda qeydə alınıb. Ümumiyyətlə isə, son dövrlər bu cür hallara tez-tez rast gəlinir. Özlərini avtoxuliqan zənn edənlər sosial şəbəkələrdə bu hərəkətlərini izləyiciləri ilə paylaşırlar və qanunsuz hərəkətlərini təbliğ edirlər.

Baş Dövlət Yol Polisi İdarəsindən bildirilib ki, bu görüntülər araşdırılacaq, rayon üzrə təhlükəsizlik kameralarına baxış keçiriləcək və qanun çərçivəvində bütün tədbirlər görüləcək.

Mövzu ilə bağlı daha ətraflı videomaterialı təqdim edirik:

ŞƏRH YAZ
1

Rusiya azərbaycanlıları toyda pulu xəzəl kimi səpdilər — VİDEO

Rusiya azərbaycanlıları toyda pulu xəzəl kimi səpdilər
18:41
13.12.2018
18109
Maraqlı
A
Sosial şəbəkələrdə yeni video çarx müxtəlif reaksiyalara səbəb olub.

“Ölkə.Az” xəbər verir ki, video görüntülər bir toyda lentə alınıb. Kadrlarda yerdə xəzəl kimi pul var. Kənardan keçən uşaqların biri pulu qucağına yığıb aparır.

Oynayanlar isə ayaqlarının altındakı pula məhəl belə qoymurlar. Qeyd edək ki, toyda oynayanın başına pul səpmək köhnə adətlərimizdəndir. Bakı toylarında belə adətlərə artıq çox nadir hallarda rast gəlinsə də, Rusiyada yaşayan azərbaycanlılar hələ də bu adəti davam etdirirlər.

Ölkə.Az

ŞƏRH YAZ
0

Mars səmasında uçan obyektlər göründü — FOTOLAR / VİDEO

Mars səmasında uçan obyektlər göründü
18:37
13.12.2018
13115
Maraqlı
A
“The Hidden Underbelly 2.0” paranormal Youtube kanalı Marsın səthi ilə bağlı yeni paylaşım edib.

“Ölkə.Az” xəbər verir ki, video çarx 83 fotodan ibarət, Marsın səthini əks etdirən bir rolikdir. Bütün fotolar 2018-ci ilin 15 iyun tarixində “Curiosity” aparatı ilə lentə alınıb.

Bildirilir ki, fotolar iki həftə Marsda tüğyan edən qum fırtınası zamanı çəkilib. Bu qum fırtınası zamanı Marsın səthində gün işığı görünməyib. Bu səbəbdən kadrlar dumanlıdır.

Amma bununla belə, fotolarda havadan asılı tünd obyektlər görünür. Bu, xırda qum dənələri yox, daha iri obyektlərdir. Çünki obyektlər roverdən 1 mil aralı məsafədən görünür. Onlar ilk baxışdan eynidir və eyni formaya, ölçüyə sahibdir.

Ehtimal edilir ki, bu, uçan obyektlərdir. 

Hikmət Həsənov
Ölkə.Az

ŞƏRH YAZ
0
BAĞLA