Ağdaşda ağır yol qəzası — Müstəntiq həlak oldu

Ağdaşda ağır yol qəzası
09:40
19.02.2018
8676
Hadisə
A
Ötən gün axşam saat 7 radələlərində Bakı-Qazax yolunun Ağdaş rayonunun Ləki kəndi ərazisində "Mercedes" markalı maşının su kanalına düşməsi barədə məlumat vermişdik.

 “Ölkə.Az”-ın xəbərin görə, Naxçıvan şəhər sakini olan, 1990-cı il təvəllüdlü Oruc Mehbalı oğlu Hümmətzadənin idarə etdiyi "Mercedes" markalı avtomobil idarəetmədən çıxaraq yol kənarındakı "Yenicə" adlı su kanalına düşüb.

Hadisə yerinə dərhal Dövlət Yol Polisi əməkdaşları qəza zamanı sürücünün maşında olan 1999-cu il təvəllüdlü həyat yoldaşı Hümmətzadə Məsumə Bəhruz qızı və onun 6 aylıq övladı Hümmətzadə Selcan Oruc qızı sudan çıxardaraq xəstəxanaya aparıblar.

Yaralılar Ağdaş Rayon Mərkəzi Xəstəxanasının Reanimasiya şöbəsinə yerləşdirilib. Xəstəxanadan verilən məlumata görə, yaralıların vəziyyəti stabildir, 6 aylıq körpənin qolu sınıb. 

Sürücü Oruc Hümmətzadə sudan çıxarılsa da, onun həyatını xilas etmək mümkün olmayıb. 

Kanala düşən avtomobil hadisə yerinə cəlb olunan qaldırıcı kran vasitəsi ilə sudan çıxarılıb.

Avtomobil Bakıdan Qazax istiqamətində hərəkətdə olub və Tovuz rayonuna getməli idi. 

Faktla bağlı DİN-in Baş İstintaq və Təhqiqat İdarəsinin Yol-Nəqliyyat Hadisələrinə Dair İşlər üzrə İstintaq və Təhqiqat Şöbəsi tərəfindən cinayət işi başlanıb.  

Araşdırmalarımız zamanı məlum olub ki, dünyasını dəyişən Oruc Hümmətzadə Tovuz rayon prokurorluğunun böyük müstəntiqi olub və ailəsi ilə birgə Bakıdan iş yerinə qayıdırmış. Qeyd edək ki, O.Hümmətzadə bir müddət əvvəl İmişli rayon prokurorluğundan Tovuz rayon prokurorluğuna ezam olunub.
Qeyd edək ki, Tovuz rayon prokurorluğu faktı "Ölkə.Az"a təsdiqləyib.

ŞƏRH YAZ
0

“Milliön”dən 122 min manat oğurlayan şəxs tutuldu — FOTO

“Milliön”dən 122 min manat oğurlayan şəxs tutuldu
11:08
Bu gün
142
Hadisə
A
Bakı şəhər Baş Polis İdarəsinin (BŞBPİ) Cinayət Axtarış İdarəsi əməkdaşlarının keçirdiyi uğurlu əməliyyat-axtarış tədbirləri nəticəsində oğurluq əməlini törətməkdə şübhəli bilinən 1985-ci ildə Gürcüstan Respublikasında anadan olan, Bakı şəhəri Xəzər rayonu Şağan qəsəbəsində yaşayan, ali təhsilli Əlixanov İlqar Novruz oğlu müəyyən olunaraq tutulub.

Bu barədə “Ölkə.Az”a BŞBPİ-dən məlumat verilib.

İdarəyə daxil olan əməliyyat məlumatı əsasında müəyyən olunub ki, müvafiq olaraq işlədiyi şirkətin inkasatr vəzifəsində çalışan İ.Əlixanov paytaxtın və respublikanın müxtəlif rayon və şəhərlərində olan “Milliön” ödəmə terminallarından ayırı-ayırı vaxtlarda gizli yolla 122 min 742 manat və 1200 ABŞ dollarını talayıb.

İctimai təhülükəli əməldə şübhəli bilinən şəxs ətrafında davam etdirilən əməliyyat tədbirləri ilə onun yaşadağı evinə baxış zamanı müxtəlif vaxtlarda taladığı 42 min 145 manat və 9 min 400 ABŞ dollar aşkarlanaraq maddi subut kimi götürülüb.

Eləcə də onun ictimai təhlükəli əməldə istifadə etdiyi alətlər, müxtəlif təyinatlı geyimlər aşkarlanıb. Müəyyən olunub ki, o, ödəmə terminallarına məxsus açarlarını sürətini çıxamaqla, kustar üsulla hazırladığı yivlərlə 43 epizod üzrə ayrı-ayrı ünvanlarda bu əməlləri törədib.

Ölkə.Az

ŞƏRH YAZ
0

Binəqədidə bağlı qapı arxasında qalan şəxs xilas edilib

Binəqədidə bağlı qapı arxasında qalan şəxs xilas edilib
00:10
Bu gün
834
Hadisə
A
Binəqədidə bağlı qapı arxasında qalan şəxs xilas edilib.

"Ölkə.Az"ın Fövqəladə Hallar Nazirliyinin saytına istinadən məlumatına görə, Bakı şəhərinin Binəqədi rayonunda 1 nəfər mənzildə bağlı qapı arxasında köməksiz vəziyyətdə qalıb.

Çağırış ünvanına cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri mənzilin qapısını açmış və vətəndaşı halsız vəziyyətdə aşkar edərək aidiyyəti üzrə təhvil veriblər.

Əməliyyat başa çatıb.

Ölkə.Az

ŞƏRH YAZ
0
BAĞLA