Ağdaşda tərəvəz sahəsində narkotik yetişdirən qardaşlar — FOTO

Ağdaşda tərəvəz sahəsində narkotik yetişdirən qardaşlar
00:55
20.06.2018
1092
Ölkə
A
Ağdaş rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, satışı və kultivasiyası ilə mübarizə tədbirləri davam etdirilir.

"Ölkə.Az"ın məlumatına gör, Ağdaş Rayon Polis Şöbəsinin baş təhqiqatçısı, polis kapitanı Rəşid Musayev AzərTac-a bildirib ki, daxil olmuş məlumat əsasında keçirilən əməliyyat-axtarış tədbirləri nəticəsində Ağdaş şəhər sakini, 1962-ci il təvəllüdlü Məmmədov Tofiq Məmməd oğlu şübhəli şəxs qismində saxlanılıb. Onun yaşadığı evin həyətyanı sahəsində olan xiyar istixanasında aqrotexniki qaydada qulluq edilmiş ümumi çəkisi 12 kiloqram, uzunluğu 53 santimetrdən 2,15 metrədək olan 13 ədəd çətənə kolu aşkar edilərək götürülüb.

Bundan əlavə, polis əməkdaşları Tofiq Məmmədovun qardaşı, rayonun Malay kənd sakini 1958-ci il təvəllüdlü Məmmədov Tacəddin Məmməd oğlunun yaşadığı evin həyətindəki paxla sahəsinə baxış keçirərkən oradan xüsusi aqrotexniki qaydada qulluq edilərək yetişdirilən və çəkisi 2 kiloqram, uzunluğu 1 metr olan 4 ədəd narkotik tərkibli çətənə kolu aşkar edərək götürüblər. Tofiq Məmmədov narkotik yetişdirdiyinə görə əvvəllər də məhkumluq həyatı yaşayıb.

Faktla bağlı Ağdaş Rayon Polis Şöbəsinin təhqiqat qrupu tərəfindən araşdırma aparılır.

Ölkə.Az

ŞƏRH YAZ
0

Qanunsuz heyvan kəsiminə qarşı reydlər keçirilir

Qanunsuz heyvan kəsiminə qarşı reydlər keçirilir
19:05
Bu gün
97
Ölkə
A
Azərbaycan Qida Təhlükəsizliyi Agentliyi (AQTA) qanunsuz heyvan kəsimi fəaliyyətlərini dayandırmaq üçün reydlərə başlayıb.

Agentlikdən "Ölkə.Az"a verilən məlumata görə, qida təhlükəsizliyi tələblərinə, sanitar-gigiyenik normalara uyğun olmayan heyvan kəsimi məntəqələrinin fəaliyyətini dayandırmaq üçün Daxili İşlər Nazirliyi və yerli icra hakimiyyəti orqanları ilə birlikdə reydlərə başlayıb.

Keçirilən reydlər zamanı qanunsuz heyvan kəsimi ilə məşğul olan şəxslərə qanunvericiliyin tələbləri xatırladılıb və onlara sonuncu xəbərdarlıq edilib.

Qeyd edək ki, “Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 11 iyun 2018-ci il tarixli Sərəncamının icrası ilə əlaqədar Qida Təhlükəsizliyi Agentliyi baytarlıq-sanitariya və gigiyena normalarına cavab verməyən yerlərdə, küçələrdə, yol kənarlarında heyvan kəsimi ilə məşğul olan şəxslərdən qanunsuz fəaliyyətlərini dayandırmağı tələb edir.

Agentlik xəbərdarlıq edir ki, qanunvericiliyin tələblərinə uyğun olaraq Azərbaycan Respublikasının Daxili İşlər Nazirliyi və yerli icra hakimiyyəti orqanları ilə birlikdə bu cür fəaliyyətlərin aradan qaldırılması üçün qanunla müəyyən olunmuş qaydada tədbirlər həyata keçiriləcək.

ŞƏRH YAZ
0

Zakir Həsənov Anjey Kaspşiklə görüşüb

Zakir Həsənov Anjey Kaspşiklə görüşüb
18:50
Bu gün
154
Ölkə
A
Azərbaycan Respublikasının Müdafiə naziri general-polkovnik Zakir Həsənov ATƏT-in fəaliyyətdə olan sədrinin şəxsi nümayəndəsi Anjey Kaspşik ilə görüşüb.

Müdafiə Nazirliyindən "Ölkə.Az"a verilən məlumata görə, görüşdə qoşunların təmas xəttindəki hazırkı vəziyyət, keçirilən monitorinqlərin nəticələri və münaqişənin həllinə dair fikir mübadiləsi aparılıb.

ŞƏRH YAZ
0
BAĞLA