Agentlik monitorinqlərin nəticələrini açıqladı

Agentlik monitorinqlərin nəticələrini açıqladı
12:37
12.07.2018
1349
Ölkə
A
Azərbaycan Qida Təhlükəsizliyi Agentliyi heyvan kəsimi məntəqələrində aparılan monitorinqlərin nəticələrini açıqlayıb.

Agentlikdən "Ölkə.Az"a verilən məlumata görə, bu ilin may ayından etibarən qida zəncirinin bütün mərhələlərində iştirak edən sahibkarlıq subyektlərində, eyni zamanda heyvan kəsimi məntəqələrində monitorinqlərə başlanılıb.

Monitorinqlər əhalinin sağlam və təhlükəsiz qida məhsulları ilə təmin olunması üçün mövcud vəziyyətin öyrənilməsi və mərkəziləşmiş ət kəsimi fəliyyəti ilə bağlı maarifləndirmə işlərini əhatə edir.

Aparılan monitorinqlər nəticəsində heyvan kəsimi ilə bağlı ölkə ərazisində mövcud vəziyyətin öyrənilməsi ilə yanaşı, regionlar üzrə vətəndaşların gündəlik ət təlabatının həcmi agentlik əməkdaşları tərəfindən araşdırılaraq müəyyən olunub. Araşdırmanın ilkin nəticələrinə uyğun olaraq Bakı, Sumqayıt şəhərlərndə və Abşeron rayonunda heyvan kəsimi üçün yararlı, baytarlıq-sanitariya normalarına cavab verən kəsim məntəqələrinin ünvanları aşağıdakı kimidir:


Bakı şəhəri üzrə heyvan kəsim məntəqələri

1.Fiziki şəxs Ağalarov Elşən Nurəddin oğluna məxsus iri və xırda buynuzlu heyvanların kəsim məntəqəsi

Ünvan: Bakı şəhəri, Binə qəsəbəsi, Xətai küçəsi 7

2. Fiziki şəxs Ucal Ergünə məxsus iri və xırda buynuzlu heyvanların kəsim məntəqəsi

Ünvan: Bakı şəhəri, Nərimanov rayonu, Ə.Əliyev küç.26

3. “Təbriz” kəsim məntəqəsi keşlə bazarının yanı

Ünvan: Bakı şəhəri, Nərimanov rayonu, Ə.Əliyev küç.36 A

4.“Qoc Ət ” Kəndli Fermer Təsərrüfatı MMC

Ünvan: Bakı şəhəri, Qaradağ ray, Lökbatan qəs, Ş.Xəlilov küç, 13

5.“ESE” MMC

Ünvan: Bakı şəhəri, Nizami rayonu, Heydər Əliyev pr. 92

6."AzMeat production " MMC

Ünvan: Bakı şəhəri, Zabrat qəsəbəsi, Babək küç 110

7."Az Protein Food Production" MMC

Ünvan: Bakı şəhəri, Buzovna qəsəbəsi,Albalı massivi

8. Fiziki şəxs Tamara Aslanovaya məxsus heyvan kəsim məntəqəsi “Oazis” restoranının yanı Ünvan : Bakı şəhəri, Cəfər Xəndan 52 c

9.“AzərAqro” MMC

Ünvan: Bakı şəhəri, Nizami rayonu, 8-ci KM qəsəbəsi, Mehdi Abbasov küçəsi

10. “Aqrovest” MMC

Ünvan`: Bakı şəhəri Qaradağ rayonu Binə Ticarət mərkəzinin qarşısı

11. Fiziki şəxs Hüseynov Nəsimiyə məxsus heyvan kəsim məntəqəsi

Ünvan: Nizami rayonu Çobanzadə küc.63

12. Fiziki şəxs Əliyev Hamletə məxsus kəsim məntəqəsi

Ünvan: Bakı şəhəri Səbail rayonuGülbala Əliyev küc.20

Sumqayıt şəhəri üzrə heyvan kəsim məntəqələri


1.Fiziki şəxs Arif Hüseynova məxsus heyvan kəsim məntəqəsi

Ünvan: Sumqayıt şəhəri,Çerkassi küçəsi,46-cı məhəllə

2.”Mərcan” heyvan kəsim məntəqəsi

Ünvan: Sumqayıt şəhəri, Koroğlu prospekti

Abşeron rayonu üzrə hevan kəsim məntəqələri

1." Səhliyalı "MMC

Ünvan: Xırdalan şəhəri, H.Əliyev küçəsi

2.“Zəhmət-Ruzi” MMC-yə məxsus iri və xırda buynuzlu heyvanların kəsim məntəqəsi

Ünvan: Xırdalan şəhəri, Quşçuluq massivi, H.Əliyev küç. 38

3.Fiziki şəxs Rasim Rzaxanova məxsus heyvan kəsim məntəqəsi

Ünvan: Abşeron rayonu, Aşağı Güzdək qəsəbəsi

4. Fiziki şəxs Rafiq Rüstəmova məxsus heyvan kəsim məntəqəsi

Ünvan: Abşeron rayonu,Məhəmmədli kəndi Mürvət Şirinov küç

Qeyd edək ki, hazırda monitorinqlər davam edir və heyvan kəsimi normalarına cavab verən kəsim məntəqələri ilə bağlı məlumatlar mütəmadi olaraq siyahıya əlavə olunacaq, ictimaiyyətin diqqətinə çatdırılacaq.

ŞƏRH YAZ
0

Bu gün İlaxır çərşənbədir

Bu gün İlaxır çərşənbədir
00:01
Bu gün
1055
Ölkə
A
Bu gün Azərbaycanda Novruz bayramı öncəsi ilaxır çərşənbə – Torpaq çərşənbəsi qeyd olunur.

"Ölkə.Az"ın məlumatına görə, torpaq insan yaradılışının maddi əsası olmaq etibarilə bu prosesdə son dərəcə əhəmiyyətli bir mövqeyə malikdir. Torpaq çərşənbəsi torpağın oyanmasının mifik kökləri etibarilə dirilmə, canlanma anlayışı ilə əlaqədardır.

Axır çərşənbədə tonqal qalanması, plov dəmlənməsi, səməni, xonça bəzədilməsi, qapı pusmaq, şam yandırmaq, bayramlaşmaq, fala baxmaq və bir çox adət-ənənələr var.

Qədim el adət və inanclarına görə, ilaxır çərşənbədə uşağa beşik düzəldərlər, gün çıxmamış su üstündən hoppanar, tonqal yandırar, kəlin buynuzuna qırmızı bağlayarlar.

Bu gündə qorxanların başından su töküb qorxunu alar, evdən pul, qonşuya ələk verməzlər. Axır çərşənbə günü şamı yarımçıq söndürməzlər, ailə üzvlərinin sayına görə şam yandırar, evdən od, kibrit, neft, ağartı, un, çörək verməzlər. Axır çərşənbə gecəsi tez yatmazlar, evdə qazan asar, vəfat etmiş yaxın adamları yada salar, onların adını çəkib "filankəslərin adına qazan asdım" deyib qazana ət, düyü və s. tökərlər. Axır çərşənbə günü ertədən lampa yandırarlar.

İlaxır çərşənbəsində qızlar bir qaba su tökər, əllərindəki üzükləri çıxarıb saçlarına salarlar. Niyyət tutub üzüyü suyun üstündən keçirərlər. Üzük fırlanmağa başlayır və qabın divarlarına dəyir; üzüyün neçə dəfə qaba dəydiyini sayırsan - demək, o yaşda da gəlin gedəcəksən.

Axır çərşənbə gecəsi ürəkdə niyyət tutub yatmaq lazımdır. Gecə yarısı yuxudan dur və şamı yandır. Şamı götürüb güzgüyə yaxınlaş. Güzgüdə gələcək nişanlını görəcəksən.

İlin axır çərşənbə axşamı ana uşaqlarının başından tük kəsir və axar suya atır. Həmin yerdən bir qab su götürür və uşaqlarının üstünə çiləyir. Bu su təmizlik, sağlamlıq, paklıq gətirir. Həmin ili uşaqlar xəstələnmir.

Qeyd edək ki, bu il yaz fəsli ölkəyə martın 20-dən 21-nə keçən gecə saat 01:58-də gələcək.

Ölkə.Az

ŞƏRH YAZ
0

Gəncədə Novruz bayramı qeyd edilib — FOTO

Gəncədə Novruz bayramı qeyd edilib
23:52
18.03.2019
343
Ölkə
A
Gəncədə Novruz bayramı qeyd edilib.

"Ölkə.Az" report-a istinadən bildirir ki, tədbirdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki baş konsulu Zeki Öztürk, Gürcüstanın Gəncədəki baş konsulu Mamuka Balavadze, şəhər rəsmiləri, ictimaiyyət nümayəndələri iştirak ediblər. 

Tədbir Gəncə şəhər Heydər Əliyev park-kompleksində təşkil olunub. Qonaqları müdrik el ağsaqqalı "Dədə Qorqud" salamlayıb, onlara xeyir-dua verib, həmrəylik rəmzi olan odu iştirakçılara təqdim edib və Novruz tonqalı bu odla alovlandırılıb. Yazın müjdəçisi - Bahar qız yurdumuza Novruzun gəldiyini xəbər verib. 

Gəncənin tarixi şəxsiyyətləri Məhsəti Gəncəvinin, Nizami Gəncəvinin, Cavad xanın obrazları canlandırılıb. Onlar insanları humanizmə, doğruluğa, düzgünlüyə və ədalətə səsləyiblər. Cavad xan el igidlərinə şanlı keçmişimizi xatırladıb. Hər kəsi Azərbaycanın bütövlüyü və inkişafı uğrunda həmrəy olmağa çağırıb.

Meydanda bəzədilən çadırlar önündə Məhsəti Gəncəvinin ədəbi İrfan məclisi qurulub. Xaqani Şirvani, Qətran Təbrizi, Nizami Gəncəvi, Məhsəti Gəncəvi, Mirzə Şəfi Vazeh və Nigar Rəfibəylinin əsərlərindən nümunələr səsləndirilib.

Novruzun rəmzlərindən olan Kosa və Keçəlin məzəli çıxışı, qonaqlarla yumurta döyüşdürməsi maraqla qarşılanıb.

İştirakçılara Azərbaycan bəstəkarı Üzeyir Hacıbəylinin “O olmasın, bu olsun” operettasının motivləri əsasında hazırlanan “Bazar meydanı” tamaşası təqdim olunub. Gəncə Dövlət Filarmoniyasının, Göygöl Dövlət Mahnı və Rəqs ansamblı, Kamera Orkestrı, Gəncə Musiqi Kollecinin kollektivləri qonaqlar qarşısında çıxış ediblər.

Quraşdırılan pavilyonlarda şəhərin idarə, təşkilat və müəssisələrinin hazırladığı stendlər qonaqlara təqdim olunub. Burada gəncəli sənətkarların dekorativ-tətbiqi sənətkarlığın müxtəlif sahələrinə aid sənət nümunələri nümayiş etdirilib.

İdmanın müxtəlif növlərində təmsil olunan gənclərin nümunəvi çıxışları, eləcə də pəhləvanların kəndirdartma, qolgüləşdirmə kimi nömrələri xoş ovqat yaradıb.

Bayram tədbirində qədim Gəncənin milli yemək və çay süfrəsi açılıb. İştirakçılara Azərbaycan mətbəxinin ləziz xörəkləri, müxtəlif çörəklər, qəlyanaltılar, içkilər, şərbətlər və şirniyyatlar təqdim edilib.

Ölkə.Az

ŞƏRH YAZ
0
BAĞLA