Ağstafada ferma sahiblərini güllələyən çobanın MƏHKƏMƏSİ

Ağstafada ferma sahiblərini güllələyən çobanın MƏHKƏMƏSİ
15:31
13.06.2019
571
Ölkə
A
Ağstafa rayonunda ər-arvadı güllələməkdə təqsirləndirilən Misir İbrahimovun cinayət işi məhkəməyə göndərilib.

"Ölkə.Az" xəbər verir ki, Gəncə Ağır Cinayətlər Məhkəməsində hakim Xəqani Səmədovun sədrliyi ilə keçiriləcək məhkəmə baxış iclası iyun ayının 24-nə təyin olunub. Qeyd edək ki, hadisə Ağstafa rayonunun Qarayazı qəsəbəsində baş verib. Qəsəbə ərazisində yerləşən fermada çoban işləyən qəsəbə sakini, əvvəllər məhkum olunmuş Misir İbrahimov münaqişə zəminində tüfəngdən iki dəfə atəş açaraq oranın sahibi Sakit Nəsibova və arvadı Şərifə Həmşəyevaya xəsarət yetirib.

Nəticədə S.Nəsibov hadisə yerində ölüb, xəstəxanaya yerləşdirilən Şərifə Həmşəyevanın isə həyatını xilas etmək mümkün olub. Ağstafa rayon Polis şöbəsinin əməkdaşlarının keçirdikləri əməliyyat tədbirləri nəticəsində M.İbrahimov tutulub və hadisəni törədərkən istifadə etdiyi müvafiq sənədləri olmayan “МЦ-2112” markalı tüfəng götürülüb. 

Natiq Allahverdiyev
 Ölkə.Az

ŞƏRH YAZ
0

Nazir minimum əmək haqqının artırılmasından DANIŞDI

Nazir minimum əmək haqqının artırılmasından DANIŞDI
11:46
Bu gün
373
Ölkə
A
Minimum əmək haqqının 250 manata qaldırılması muzdla işləyən insanların da maaşlarının əhəmiyyətli dərcədə artımına təsir edəcək.

 “Ölkə.Az” xəbər verir ki, bunu Əmək və əhalinin sosial müdafiəsi naziri Sahil Babayev deyib.

 Onun sözlərinə görə, minimum əməkhaqqının artması təkcə dövlət idarəetmə sistemində çalışanlarla deyil, özəl sektorda şalışanlara da şamil edilir.

“Ona görə də deyilrik ki, minimum əməkhaqqının artımı 1milyon 350 min insanı əhatə edəcək. O baxımdan da ölkə başçısının minimum əməkhaqqının 250 manata qaldırılması nəticəsində 80 faiz muzdla işləyən insanın da əməkhaqqının artmasına öz müsbət təsirini göstərəcək”,- deyə nazir qeyd edib.

Mürtəza
Ölkə.Az

 

 

ŞƏRH YAZ
0

“Nar-ın eşitmə məhdudiyyətli insanlar üçün peşə təlimləri davam edir

“Nar-ın eşitmə məhdudiyyətli insanlar üçün peşə təlimləri davam edir
11:34
Bu gün
227
Ölkə
A

Fiziki məhdudiyyətli insanların cəmiyyətə inteqrasiyasına hər zaman xüsusi diqqət ayıran “Nar”-ın dəstəyi ilə keçirilən “Təlim Məktəbi” layihəsinin ikinci mərhələsi başa çatıb. Belə ki, 15 nəfərlik qrup intensiv aşpazlıq təlimini başa vuraraq, bu peşənin incəliklərinə yiyələniblər. “Karlara Dəstək” İctimai Birliyi ilə birgə reallaşdırılan layihə  çərçivəsində artıq son təlim mərhələsinə də start verilib. Öncədən aparılan sorğu əsasında iştirakçıların marağına uyğun olaraq seçilən motorçu peşə təlimi öz işinə başlayıb. 

Motorçu təliminin özəlliyi ondan ibarətdir ki, təlimçi 3-cü qrup eşitmə məhdudiyyəti olan və artıq 12 ildir ki, avtomobil ustası çalışan Bəhrəm Hüseynovdur. Onun sözlərinə görə, avtomobilin təmiri zamanı bəzən səsləri duymağa ehtiyac olsa da, güclü intuisiya qabiliyyəti ilə işin öhdəsindən asanlıqla gəlmək mümkündür. 

Qeyd edək ki, “Nar” tərəfindən təşkil edilən “Təlim məktəbi” layihəsi eşitmə məhdudiyyəti olan insanların peşə sahibi olmaqla cəmiyyətə inteqrasiyasına dəstək məqsədilə keçirilir. Bu layihə eşitmə məhdudiyyətli insanların işlə təmin olunmasına da yardım edəcək.  Peşə təlimi ilkin olaraq paytaxt Bakıda start götürüb. Gələcəkdə isə bölgələrdə də “Təlim məktəbi” layihəsinin davam etdirilməsi planlaşdırılır. 

“Nar” 4 ilə yaxındır ki,  eşitmə məhdudiyyətli insanlar üçün bu cür  təlimlər təşkil etməklə, onların müxtəlif peşəyə yiyələnməsinə və iş bacarıqlarının artmasına töhfə verir. Fiziki məhdudiyyətli insanlara dəstək və onların cəmiyyətə inteqrasiyası “Nar”-ın korporativ sosial məsuliyyət (KSM) strategiyasının əsas istiqamətlərindən biridir. 
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Nar” şəbəkəsi hazırda ölkə ərazisinin 97%-ni (işğal olunmuş ərazilər istisna olmaqla) əhatə edir və 7500-dən artıq baza stansiyası ilə 2,3 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0
BAĞLA