Ağsu çayı daşdı — 3 kəndlə əlaqə kəsildi

Ağsu çayı daşdı
22:43
18.05.2017
178
Ölkə
A
İki gündür aramsız yağan leysan yağışları Ağsu çayının daşmasına səbəb olub.

Ölkə.Az "Report"a istinadən xəbər verir ki, nəticədə Şamaxının Qaleybuğurd, Keşmədin və Qaladərəsi kəndlərinin yollarını sel suları yuyub.

Rayon mərkəzinə getmək mümkün olmadığından sakinlər çaydan keçmək üçün atlardan istifadə edirlər. Bundan əlavə, sel suları kəndlərdə əkilən bostan sahələrinə də ciddi ziyan vurub. Dörd kənddə çayın həm sol, həm də sağ sahilində əkilən bostan və tərəvəz bitkilərini sel yuyub aparıb. Hətta bəzi ərazilərdə torpaq uçqunları da baş verib. Kəndlərə verilən elektrik enerjisi kəsilib. Şamaxı-Qaleybuğurd yolunun 4-6 km.-də Bədo və Güllüdərə adlanan ərazidə dağdan qopan torpaq və qaya parçaları yola tökülülb.

Günün ikinci yarısından başlayaraq aidiyyəti qurumlar əraziyə cəlb olunub. Təmir işləri nəticəsində Qaleybuğurd kəndi ilə əlaqə bərpa edilib. Digər iki kəndlə hələ də əlaqə yoxdur.

ŞƏRH YAZ
0

Azərbaycanda mətbəx turizmi ilə bağlı YENİ TƏKLİF — Turistlər yemək hazırlanma prosesində iştirak etsinlər

Azərbaycanda mətbəx turizmi ilə bağlı YENİ TƏKLİF
23:00
Bu gün
147
Ölkə
A
Azərbaycanda mətbəx turizm növünün yeni formada inkişaf etdirilməsi təklif edilir.

"Ölkə.Az" xəbər verir ki, Azərbaycan Turizm Assosiasiyası (AzTA) sədrinin müşaviri Müzəffər Ağakərimov Trend-ə bildirib ki, Azərbaycanda mətbəx turizmi inkişaf etsə də, onu turistlərin maraq dairəsinə uyğun formada daha da genişləndirmək olar.

M.Ağakərimov təklif edir ki, turizm şirkətləri bununla bağlı xüsusi proqramlar hazırlamalıdırlar. Bu proqramlardan biri turistlərin restoranlarda özü üçün yemək hazırlanma prosesində iştirak etməkdir:

"Ölkəmizə gələn turist sanitar-gigiyenik qaydalara əməl etməklə ya özünün resepti, ya da aşpazın köməyi ilə müxtəlif yeməklər hazırlaya bilər. Belə proqram turistlərin çoxunun xoşuna gələcək və ölkəmizə daha çox turistin gəlməsinə kömək edəcək".

Ölkə.Az

ŞƏRH YAZ
0

Yevlaxda 16 nəfər pambıq sahəsində zəhərlənib — FOTO

Yevlaxda 16 nəfər pambıq sahəsində zəhərlənib
22:32
Bu gün
604
Ölkə
A
Yevlax rayonundakı pambıq sahələrindən birində növbəti kütləvi zəhərlənmə hadisəsi baş verib.

"Ölkə.Az" Report-a istinadən xəbər verir ki, Hacımahmudlu kəndi ərazisində yerləşən pambıq sahəsində işləyən yerli və qonşu Murallı kəndinin sakinləri sahədə zəhərləniblər.

İlkin məlumatlara görə, 16 nəfər xəstəxanaya aparılıb. Onların kimyəvi maddədən zəhərləndiyi bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA