"Ölkə.Az" "APA"ya istinadən xəbər verir ki, Ağsu şəhərindəki mərkəzi bazarın yanında yerləşən və sahibkar, 1950-ci il təvəllüdlü İsmayılov Mustafa Əbil oğluna məxsus ümumi sahəsi 345 kvadratmetr olan çörəkbişirmə sexində baş verən yanğının söndürülməsinə Ağsu, İsmayıllı və Kürdəmir Dövlət Yanğından Mühafizə hissələrinin 5 yanğınsöndürən avtomobili və canlı qüvvəsi cəlb olunub.

Hadisə zamanı müəssisənin 313 kvadratmetrlik hissəsi yanıb, ona birləşik 345 kvadratmetrlik digər ticarət obyekti və yaxınlıqdakı bazar alovdan mühafizə edilib. Yanğın saat 12:30 radələrində tam söndürülüb. Hadisə zamanı xəsarət alan olmayıb.

Yanğının hansı səbəbdən baş verdiyi hələ ki, məlum deyil.

Faktla bağlı araşdırma aparılır.

***

"Ölkə.Az" Fövqəladə Hallar Nazirliyinə istinadən Ağsu rayonunda ümumi sahəsi 345 m2 olan çörək sexinin yanar konstruksiyaları 313 m2 sahədə yanıb.

Sexin qalan hissəsi və yaxınlıqdakı digər obyektlər yanğından mühafizə olunub.

Yanğın yanğın bölmələri tərəfindən söndürülüb.

Ölkə.Az

"Ölkə.Az"ın Report-a  istinadən verdiyi xəbərə görə, hadisə rayonun Pəlikeş kəndi ərazisində qeydə alınıb. 

Belə ki, Pəlikeş kənd sakini, 1999-cu il təvəllüdlü Elməddin Təvəkkülzadə idarə etdiyi "UAZ" markalı avtomobillə hərəkətdə olarkən sərt döngədə idarəetməni itirib və maşını çökəkliyə aşırıb. 

Hadisə nəticəsində E.Təvəkkülzadə və avtomobildə olan sərnişin, 1985-ci il təvəllüdlü Aynurə Şabanova müxtəlif dərəcəli bədən xəsarətləri alıb.

Yaralılar Lənkəran Rayon Mərkəzi Xəstəxanasına çatdırılıblar. E.Təvəkkülzadə qapalı kəllə-beyin travması ilə Reanimasiya şöbəsinə yerləşdirilib. A.Şabanovaya isə sağ bazu sümüyunün aşağı hissəsinin yerdəyişən qəlpəli sınığı diaqnozu qoyulub.

Hər iki yaralının vəziyyətinin orta-ağır olduğu bildirlir. 

Faktla bağlı araşdırma aparılır. 

"Ölkə.Az"ın Trend-ə istinadən verdiyi məlumatına görə, hadisə şəhərin Qarabağ məhəlləsində baş verib.

Qurbanov küçəsi, 4 saylı binada qeydiyyatda olan Rzayev Rasim Ramiz oğlu Ağstafa rayon Polis Şöbəsinə müraciət edərək bildirib ki, həyat yoldaşı, 2000-ci il təvəllüdlü Bədəlova Güllübəyim Elçin qızı oktyabrın 18-də evdən çıxıb və bir daha geri qayıtmayıb.

Faktla bağlı Ağstafa rayon Polis Şöbəsində araşdırmalara başlanıb.

Ölke.Az