Ağsuda evlər təhlükə qarşısında qaldı

Ağsuda evlər təhlükə qarşısında qaldı
18:33
21.02.2018
1214
Ölkə
A
Son günlər yağan güclü yağışlar və dağlara yağan qardan sonra əmələ gələn sel suları Ağsu çayının yatağının genişlənərək 150 metrə çatmasına səbəb olub.

"Ölkə.Az" APA-ya istinadən xəbər verir ki, çay qəflətən məcrasını dəyişib, sel suları çayın sol sahilindəki beton mühafizə bəndini dağıdıb və təxminən 50-70 metr eni olan torpaq sahəsini yuyub aparıb. Çayın kənarındakı avtomobil yolu və evlər sel sularının təsiri nəticəsində dağılmaq təhlükəsi ilə üzləşib. Hər gün su çayın sahilindəki torpaq qatını yuyaraq avtomobil yolunun daralmasına səbəb olur. Çay sahilində torpaq sürüşməsi baş verdiyi üçün evlərdə və hasarlarda xırda çatlar əmələ gəlib. 

Seldən ziyan çəkən Ağsu şəhərinin Mikayıl Müşfiq küçəsinin sakinləri Mübariz Mürsəlov və Tolik Bayramov bildiriblər ki, çayda suyun artması və məcranın dəyişməsi nəticəsində sahildəki torpaq qatı yuyulub. Sel suları böyük torpaq uçqunları törədib və çay yatağının genişlənərək həyətyanı sahələrə daxil olması təhlükəsi yaranıb. Sakinlərin sözlərinə görə, əvvələr çayın eni 60-80 metr idisə, indi bu ərazi sel sularının dağıdıcı təsiri nəticəsində genişlənərək 150 metrə çatıb. Sakinlər deyir ki, əgər Ağsu çayının sol kənarında təcili beton bəndvurma işləri aparılmasa, yaz aylarında güclü sel suları nəticəsində çayın yatağı daha da genişlənəcək və yaxınlıqdakı 10-dan çox ev və yol dağılmaq təhlükəsi ilə üzləşəcək. Vətəndaşlar çayın kənarındakı yol ilə ağır tonnajlı yük avtomobillərinin intensiv hərəkət etməsindən də narahatdır. Çünki nəticədə yolun alt torpaq qatının çaya tərəf sürüşməsi sürətlənir. 

Ağsu rayon Suvarma Sistemləri İdarəsinin şöbə müdiri Eyvaz Babayev  bildirib ki, vətəndaşların müraciəti əsasında Ağsu rayon Fövqəladə Hallar Komissiyasının nümayəndələri vəziyyətlə tanış olub və problemin həlli üçün yaxın günlərdə tədbirlər görüləcək: “Çayın məcrasının dəyişməsi nəticəsində fərdi yaşayış evləri və yol üçün yaranan təhlükənin qarşısının alınması üçün çayın orada 250 metr uzunluğunda sel sularından mühafizə bəndi inşa ediləcək. Beton bəndin tikintisinə bu günlərdə başlanacaq. Çayın yatağında ağır texnikalar vasitəsilə məcradəyişmə tədbirləri görüləcək, suyun axını çayın kənarından ortasına yönəldiləcək”. 

Ölkə.Az 

 

ŞƏRH YAZ
0

“Atatürk parkındakı şərait heç kimi qane etmirdi” — İcra Hakimiyyəti

“Atatürk parkındakı şərait heç kimi qane etmirdi”
15:50
Bu gün
2837
Ölkə
A
Xəbər verildiyi kimi artıq iki gündür ki, paytaxtın Nərimanov rayonundakı Atatürk prospektində yerləşən eyni adlı parkda təmir-yenidənqurma işləri aparılır.

Bakı Şəhər İcra Hakimiyyətinin Mətbuat Xidmətindən “Ölkə.Az”a verilən məlumata görə böyük şəxsiyyət Mustafa Kamal Atatürkün adını daşıyan bu parkdakı şərait və vəziyyət günün tələblərinə uyğun deyildi və heç kimi qane etmirdi. Parkin vəziyyəti ilə bağlı ətraf ərazılərdə yaşayan vətəndaşlardan haqlı narazıliq və iradlar daxıl olurdu. 

 Bununla əlaqədar Bakı Şəhər İcra Hakimiyyəti və Nərimanov Rayon İcra Hakimiyyəti ilə birgə parkın əsaslı təmiri və yeniqənqurulması ilə bağlı vətəndaşların istək və arzuları nəzərə alınmaqla yeni layihə sənədləri hazırlanması qəqara alınıb. Hazırda parkda təmizlik və yenidənqurmaya hazırlıq işlərinə başlanıb. Yalnız  müvəqqəti və qeyri qanuni fəaliyyət göstərən, günün tələblərinə uyğun olmayan, parkda antisanitariya şəraiti yaradan obyeklər sökülüb, rəsmi mülkiyyət sənədləri olan digər obyeklərin sahiblərinə isə müvafiq yenidənqurmalar aparılması tövsiyə olunub. 

Yeni layihə əsasında parkda vətəndaşların istirahəti üçün lazımı şərait yaradılacaq, uşaqlar üçün əyləncə qurğuları quraşdırılacaq və yenidənqurma işlərinin qısa müddətdə başa çatdırılaraq buranın sakinlərin ixtiyarına verılməsi nəzərdə tutulmuşdur.

Ölkə.Az

ŞƏRH YAZ
0

Leyla Əliyeva Heydər Əliyevi yad etdi — VİDEO

Leyla Əliyeva Heydər Əliyevi yad etdi
15:37
Bu gün
2597
Ölkə
A
Bu gün Azərbaycan xalqının ümummilli lideri Heydər Əliyevin vəfatının ildönümüdür.

 “Ölkə.Az” xəbər verir ki, dahi şəxsiyyətin anım günündə bir sıra insanlar onun xatirəsini yad ediblər. Azərbaycan Respublikası Prezidentinin qızı, Heydər Əliyev Fondunun vitse-prezidenti, "Bakı” jurnalının baş redaktoru Leyla Əliyeva Heydər Əliyevin vəfatı ilə bağlı İnstaqram səhifəsində paylaşım edib.

Video çarx Heydər Əliyevin xatirə kadrlarından ibarətdir.

 
 
 
 
 
 
 
 
 
 
 
 
 
 
 
 

Official page of Leyla Aliyeva (@leyla999)'in paylaştığı bir gönderi (11 Ara, 2018, 11:20öö PST)

Ölkə.Az

 

ŞƏRH YAZ
0
BAĞLA