Akademik-deputat Şah İsmayılla bağlı konfransa qatılan qalstuksuz adamları arxada otuzdurdu — FOTOLAR

Akademik-deputat Şah İsmayılla bağlı konfransa qatılan qalstuksuz adamları arxada otuzdurdu
17:25
07.12.2017
4783
Ölkə
A
Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində xalqımızın ictimai-siyasi və mədəni yüksəlişində müstəsna xidmətlər göstərmiş dövlət xadimi, şair Şah İsmayıl Xətainin anadan olmasının 530 illiyinə həsr edilən “Xətainin qılıncı və qələmi” mövzusunda respublika konfransı keçirilib.

“Ölkə.Az”-ın məlumatına görə, əvvəlcə Şah İsmayıl Xətainin xatirəsinə həsr olunan sərgi nümayiş etdirilib.

Konfransda muzeyin direktoru, Milli Məclisin deputatı, parlamentin mədəniyyət komitəsinin sədri, akademik Rafael Hüseynov Azərbaycan tarixində böyük dövlət xadimi, istedadlı sərkərdə, vətənpərvər şəxsiyyət kimi tanınmış Şah İsmayıl Xətainin həyat və fəaliyyətindən söz açıb. Qeyd edib ki, Xətai ədəbi dilimizin inkişafında, poeziyamızın əxlaqi-mənəvi dəyərlərlə zənginləşməsində özünəməxsus rol oynamış görkəmli şair olub, Azərbaycan türkcəsində gözəl poetik əsərlər yaradıb. 
O, Azərbaycan dilini dövlət və şeir dilinə çevirib, ölkənin siyasi, ictimai, iqtisadi və mədəni inkişafı naminə böyük işlər görüb. Ş.İ.Xətai qılıncı və qələmi ilə Azərbaycan tarixində dərin iz qoyub.

Xətaiyə həsr olunan ilk tədbirin 1987-ci ildə Müslüm Maqomayev adına Azərbaycan Dövlət Filarmoniyasında keçirildiyini xatırladan akademik R.Hüseynov hər beş ildən bir Ədəbiyyat Muzeyinin təşəbbüsü ilə Xətainin yubiley və ildönümlərinin qeyd olunduğunu diqqətə çatdırıb. Xətai irsinin Azərbaycan ədəbiyyatşünaslarının diqqətindən kənarda qalmadığını söyləyən muzeyin direktoru Salman Mümtaz, Əzizağa Məmmədov, Oqtay Əfəndiyev, Azadə Rüstəmova, Məhərrəm Qasımlı kimi alimlərin onun yaradıcılığını ciddi araşdırdıqlarını diqqətə çatdırıb.

R.Hüseynov Azərbaycan Prezidentinin Administrasiyasının rəhbəri, akademik Ramiz Mehdiyevin son illərdə görkəmli dövlət xadimi Şah İsmayıl Xətaiyə həsr etdiyi “Şah İsmayıl Səfəvi ali məramlı tarixi şəxsiyyət kimi”, “Şah İsmayıl Səfəvi: hökmdarın və döyüşçünün portreti” kitabları barədə də danışıb. 

Kitabların tarixi və elmi əhəmiyyətindən söz açan alim bildirib ki, bu dəyərli nəşrlərdə orta əsrlər tarixinə yeni baxış ortaya qoyulub: 
“Akademik Ramiz Mehdiyevin Xətai şəxsiyyəti və yaradıcılığına müraciət etməsi, görkəmli şəxsiyyəti müasir Azərbaycan dövlətçiliyi konteskstində təhlil etməsi onu göstərir ki, bu gün Azərbaycan dövlətinin apardığı siyasətin içərisində də Şah İsmayıl Xətaiyə ehtiyac vardır. Çünki Xətai Azərbaycanda mərkəzləşdirilimiş dövlət anlayışının təfəkkürdə, oturuşmasında əməyi olan insandır”.

Konfrans öz işini “Şah İsmayıl Xətainin ədəbi irsi və orta əsrlər Azərbaycan ədəbiyyatının problemləri”, “Şah İsmayıl Xətai dövründə və orta əsrlər Azərbaycanında ana dili və terminologiya problemləri”, “Səfəvilər dönəmi Azərbaycan xarici siyasətinin başlıca istiqamətləri və orta əsrlər Azərbaycan diplomatiyasının problemləri” və sairə bölmə iclasları ilə davam etdirib.

İclaslarda filologiya elmləri doktorları, professorlar Şəfəq Əlibəyli, Paşa Kərimov, tarix üzrə elmlər doktoru Şahin Fərzəliyev, tarix üzrə fəlsəfə doktoru Dilavər Əzimli və başqalarının məruzələri dinlənilib.

Qeyd edək ki, konfrans zamanı akademik Rafael Hüseynov tədbirə qalstuksuz qatılan şəxslərə bunu irad tutaraq, onları arxa oturacaqlarda əyləşdirib.  

Zaur Əziz
Ölkə.Az

ŞƏRH YAZ
0

İran sobalarına tələbat artıb - əşyaların təhlükəsizliyi də gündəmdədir — VİDEO

İran sobalarına tələbat artıb - əşyaların təhlükəsizliyi də gündəmdədir
01:04
Bu gün
468
Ölkə
A
Havaların soyuması bazarda İran sobalarına tələbatı artırıb. Qiymətlər isə 100-350 manat arasında dəyişir.

"Ölkə.Az" xəzər tv-yə istinadla xəbər verir ki, İran sobalarına tələbatın artması ilə yanaşı, təhlükəsizliyi məsələsi də gündəmə gəlir.

Satıcılar deyir ki, uyğunluq sertifikatı olan və qaydalara uyğun quraşdırılan sobaların hər hansı təhlükəsi yoxdur.

Ekspert Nüsrət Qasımov da deyir ki, İran sobaları, əslində təhlükəsizlik tələblərinə tam cavab verir. Lakin Azərbaycanda fərqli texniki parametrlər tətbiq olunduğuna görə müəyyən problemlər meydana çıxır.

Odur ki, xoşagəlməz hadisələrin baş verməməsi üçün onların quraşdırılması zamanı müvafiq standartlara və qaydalara riayət olunmalıdır. Ən əsası, bu iş peşəkar ustalara həvalə olunmalıdır.

Ölkə.Az

ŞƏRH YAZ
0

Sürüşmə sahəsində vəziyyət necədir?

Sürüşmə sahəsində vəziyyət necədir?
22:13
18.10.2018
1046
Ölkə
A
Ekologiya və Təbii Sərvətlər Nazirliyi tərəfindən yaradılan Qərargah Badamdar sürüşmə sahəsindəki son vəziyyəti açıqlayıb.

Qərargahdan "Ölkə.Az"a daxil olan məlumata görə, saat 21:00-a olan monitorinqin nəticəsinə əsasən aktivlik dinamikası dəyişməz olaraq qalıb. Sürüşmə kütləsi üzərindəki xırda süxurların yola doğru hərəkəti müşahidə edilib. İndiki saata nəzərəçarpacaq dəyişiklik qeydə alınmayıb.

Ölkə.Az

 

ŞƏRH YAZ
0
BAĞLA