Akademik Feyzulla Qasımzadənin \"XIX əsr Azərbaycan ədəbiyyatı tarixi\" kitabı təqdim edildi

 "Ölkə.Az" xəbər verir ki, professor Yeganə İsmayılovanın təşəbbüsü ilə keçirilən tədbirdə Azərbaycanın elm xadimləri, mətbuat nümayəndələri və tələbələr iştirak edib.

Tədbiri AMEA-nın vitse-prezidenti, akademik İsa Həbibbəyli açıb. O, akademik Feyzulla Qasımzadə barəsində geniş məlumat verib. Həbibbəyli qeyd edib ki, Qasımzadə 30 elmlər doktoru və 130 elmlər namizədi yetişdirib. 600-dən çox elmi məqalə və onlarla dərsliyin müəllifidir. Onun "XIX əsr Azərbaycan ədəbiyyatı tarixi" kitabı 50 il ərzində 20 dəfə nəşr edilib.

Dərsliyin yenidən işıq üzü görməsində böyük əmək sərf etmiş filologiya üzrə elmlər doktoru, kitabın yenidən nəşrini hazırlayan professor Yeganə İsmayılova öz çıxışında bu dərsliyin hansı zərurətdən çıxması haqqında məlumat verib. İsmayılova kitabda zəhməti keçən hər kəsə təşəkkür edib.
Tədbirdə akademikin qızı Nigar Qasımzadə də iştirak edib və o, ailə üzvləri adından atasının xatirəsinə göstərilən hörmətə görə təşəkkür edib.

Hikmət Həsənov
Ölkə.Az