Akademik Həsən Abdullayevin 100 illik yubileyi keçiriləcək

Akademik Həsən Abdullayevin 100 illik yubileyi keçiriləcək
18:28
14.07.2017
145
Siyasət
A
Prezident İlham Əliyev akademik Həsən Abdullayevin 100 illik yubileyi haqqında sərəncam imzalayıb.

2018-ci ildə görkəmli Azərbaycan alimi, fizika-riyaziyyat elmləri doktoru, professor, respublika Dövlət Mükafatı laureatı, əməkdar elm xadimi, akademik Həsən Məmmədbağır oğlu Abdullayevin anadan olmasının 100 illiyi tamam olur.

Həsən Abdullayev Azərbaycanda müasir fizikanın, xüsusən yarımkeçiricilər fizikası və texnikasının bünövrəsini yaratmaqla bərabər onun hərtərəfli inkişafının başlıca istiqamətlərini müəyyənləşdirmişdir. Fundamental tədqiqatlarla zəngin bir məktəb formalaşdıran alim uzun illər ərzində Elmlər Akademiyasının prezidenti kimi respublikada elmin təşkili işinə mühüm töhfələr vermiş, ölkə elminin beynəlxalq elm məkanına inteqrasiyasının dərinləşdirilməsində təqdirəlayiq fəaliyyət göstərmişdir.

Sərəncama əsasən, Azərbaycan Milli Elmlər Akademiyasına akademik Həsən Abdullayevin 100 illik yubileyinə həsr edilmiş tədbirlər planını hazırlayıb həyata keçirmək, Nazirlər Kabinetinə isə sərəncamdan irəli gələn məsələləri həll etmək tapşırılıb.

ŞƏRH YAZ
0

Azərbaycan-Aİ sazişi üzrə danışıqlarda hansı məsələlər müzakirə ediləcək — AÇIQLAMA

Azərbaycan-Aİ sazişi üzrə danışıqlarda hansı məsələlər müzakirə ediləcək
13:00
Bu gün
2812
Siyasət
A
"Azərbaycan ilə Avropa İttifaqı arasında yeni saziş üzrə danışıqların növbəti mərhələsində siyasi və təhlükəsizlik məsələləri müzakirə olunacaq".

 "Ölkə.Az" Report-a istinadən xəbər verir ki, bunu Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas deyib.

Onun sözlərinə görə, Azərbaycan ilə Aİ arasında yeni saziş üzrə danışıqların növbəti mərhələsi mayın 29-30 tarixlərində Bakıda keçiriləcək.

Səfir həmçinin qurumla Azərbaycan arasında imzalanacaq aviasiya sazişinə də toxunub: "Sazişlə bağlı bir sıra işlər həyata keçirilib. Biz bununla bağlı görülmüş işlərin nəticələrini, ümid və nikbinliklə gözləyirik". 

ŞƏRH YAZ
0

Siyavuş Novruzov: "Abituriyentlərin intiharında mətbuatın da günahı var"

Siyavuş Novruzov:
12:55
Bu gün
1978
Siyasət
A
Yeni Azərbaycan Partiyasının (YAP) İcra katibinin müavini, Milli Məclisin Dini qurumlar və ictimai birliklər komitəsinin sədri Siyavuş Novruzov ölkədə abituriyentlər, ümumiyyətlə gənclər arasında intihar halının mətbuatda işıqlandırılmasına qarşı çıxıb.

"Ölkə.Az"ın APA-ya istinadən məlumatına görə, Milli Məclisdə keçirilən dəyirmi masada S. Novruzov bildirib ki, son vaxtlar xüsusilə abituriyentlər arasında intihar hallarının baş verməsində mətbuat günahkardır.

“Məsələn, biri intihar edir, mətbuat isə bunu işıqlandırır, dayanmadan təbliğ edir. Bunu görən digər uğur qazanmayanlar da intihara meyllənir. Əvvəllər belə hallar gizli saxlanırdı, indi isə sanki açıq təbliğ olunur. Hesab edirəm ki, bu barədə ciddi düşünməliyik”, - deyə o qeyd edib.

ŞƏRH YAZ
2
BAĞLA