Akademik Məmməd Cəfər Cəfərovun 110 illiyi qeyd olunacaq — Sərəncam

Akademik Məmməd Cəfər Cəfərovun 110 illiyi qeyd olunacaq
16:50
15.04.2019
1225
Siyasət
A
Prezident İlham Əliyev "Akademik Məmməd Cəfər Cəfərovun 110 illiyinin qeyd edilməsi haqqında" sərəncam imzalayıb.

"Ölkə.Az" xəbər verir ki, sərəncamda deyilir: "2019-cu ilin may ayında görkəmli ədəbiyyatşünas və tənqidçi, Azərbaycan Elmlər Akademiyasının həqiqi üzvü, Azərbaycanın Dövlət mükafatı laureatı, Əməkdar elm xadimi, filologiya elmləri doktoru, professor Məmməd Cəfər Zeynalabdin oğlu Cəfərovun anadan olmasının 110 illiyi tamam olur.

Akademik Məmməd Cəfər Cəfərov ömrünün 60 ilə yaxın bir dövrünü ölkədə ədəbi-nəzəri fikrin inkişafına həsr etmiş, ədəbiyyatın tarixi və nəzəriyyəsi, ədəbi əlaqələr və eləcə də estetikanın aktual məsələlərinə dair fundamental araşdırmaları ilə Azərbaycan ədəbiyyatşünaslığını əhəmiyyətli dərəcədə zənginləşdirmişdir. Onun geniş əhatəli elmi irsində Nizami Gəncəvi, Məhəmməd Füzuli, Mirzə Fətəli Axundzadə, Cəlil Məmmədquluzadə, Mirzə Ələkbər Sabir, Hüseyn Cavid və Səməd Vurğun kimi qüdrətli söz ustalarının yaradıcılıqlarının fəlsəfi-estetik mahiyyətini dünya ədəbi təcrübəsi ilə vəhdətdə dolğun şərh edən, yüksək elmi-nəzəri ümumiləşdirmə gücünə malik əsərləri xüsusi yer tutur. Azərbaycan ədəbiyyatında romantizm cərəyanının təşəkkülü və inkişafının ilk müfəssəl tədqiqi Məmməd Cəfər Cəfərovun adı ilə bağlıdır. Pedaqoji sahədə uzun müddət uğurla çalışan və qiymətli dərsliklər müəllifi olan alim, həmçinin elmi kadrların hazırlanması istiqamətində təqdirəlayiq fəaliyyət göstərmişdir".

Sərəncamla Azərbaycan Milli Elmlər Akademiyasına Təhsil Nazirliyi ilə birlikdə akademik Məmməd Cəfər Cəfərovun 110 illiyinə dair tədbirlər planını hazırlayıb həyata keçirmək, Nazirlər Kabinetinə bu sərəncamdan irəli gələn məsələləri həll etmək tapşırılıb.

Ölkə.Az

ŞƏRH YAZ
0

"Azərbaycanın qısa müddətdə belə böyük uğurlar əldə etməsini həzm edə bilmirlər" — Deputat

19:24
21.04.2019
410
Siyasət
A

"Ölkə.Az" bildirir ki, bunu trend-ə Milli Məclisin deputatı Aydın Hüseynov deyib.

A.Hüseynov bildirib ki, son 15 ildə Azərbaycan böyük inkişaf yolu keçib: “Prezident İlham Əliyevin rəhbərliyi ilə həyata keçirilən uğurlu sosial və iqtisadi islahatlar nəticəsində Azərbaycanda iqtisadi və siyasi sabitlik möhkəmlənib, iqtisadi inkişaf dinamikası davam etməkdədir. Cənab Prezident İlham Əliyevin yürütdüyü daxili və xarici siyasət xalqın maraqlarına xidmət edir. Son 15 ildə Azərbaycan iqtisadi cəhətdən güclü, özünü təmin edən, rəqabətədavamlı ölkəyə çevrilib”.

O vurğulayıb ki, Azərbaycanın reallaşdırdığı transmilli enerji və nəqliyyat layihələri də ölkəmizin beynəlxalq aləmdə mövqelərini xeyli gücləndirib, Azərbaycan dünyada söz sahibinə çevrilib:

“Lakin bəzi dairələr Azərbaycanın bu inkişafından narahatdırlar, onlar Azərbaycanın qısa müddətdə belə böyük uğurlar əldə etməsini həzm edə bilmirlər. Məlumdur ki, həmin dairələr Azərbaycanda öz maraqlarını həyata keçirmək istəyirlər. Lakin müstəqil Azərbaycanda onların maraqları reallaşa bilməz. İstəkləri həyata keçmədiyinə görə isə çirkin yollara əl atırlar, ölkəmizə qarşı qarayaxma kampaniyası aparırlar”.

Millət vəkili qeyd edib ki, anti-Azərbaycan qüvvələr indiyə qədər olduğu kimi, bundan sonra da heç nəyə nail ola bilməyəcəklər: “Artıq Azərbaycan güclü bir dövlətdir, ölkədə güclü xalq-iqtidar birliyi mövcuddur, xalqımız Prezident ətrafında sıx birləşib. Belə olan halda isə anti-Azərbaycan şəbəkələrin niyyətləri heç zaman həyata keçə bilməz”.

Ölkə.Az

ŞƏRH YAZ
0

XİN Şri-Lankadakı terroru pisləyib

XİN Şri-Lankadakı terroru pisləyib
16:02
21.04.2019
305
Siyasət
A
Azərbaycanın Xarici İşlər Nazirliyi Şri-Lankada baş verən terror aktlarını pisləyib.

"Ölkə.Az" Trend-ə istinadən xəbər verir ki, bu barədə Azərbaycan XİN-nin "Twitter" səhifəsində bildirilir.

Məlumatda deyilir: "Biz Şri-Lankanın kilsələrində və otellərində baş verən və çox sayda günahsız insanın həlak olmasına və yaralanmasına səbəb olan terror aktlarını pisləyirik. Biz həlak olanların ailələrinə və Şri-Lanka xalqına dərin hüznlə başsağlığımızı bildiririk, yaralıların tez bir zamanda sağalmasını diləyirik".

Qeyd edək ki, Şri-Lankada Pasxa bayramı zamanı Kolombo şəhərində və ölkənin digər yerlərində yerləşən otellərdə və kilsələrdə 8 partlayış törədilib.

Son məlumatlara əsasən, partlayışlar nəticəsində 185 nəfər həlak olub, təxminən 500 nəfər yaralanıb.

Ölkə.Az

ŞƏRH YAZ
0
BAĞLA