Akademik Milli Dram Teatrının kollektivi Yaşar Nurinin məzarını ziyarət edib

Akademik Milli Dram Teatrının kollektivi Yaşar Nurinin məzarını ziyarət edib
15:30
03.09.2016
1376
Mədəniyyət
A

Akademik Milli Dram Teatrının kollektivi xalq artisti Yaşar Nurinin 65 illik yubileyi münasibətilə onun məzarını ziyarət edib.

Teatrın mətbuat xidmətindən Averilən məlumata görə, teatrın bədii rəhbəri və direktoru, xalq artisti Azər Paşa Nemət Yaşar Nurinin Azərbaycan mədəniyyətinin inkişafındakı xidmətlərindən danışıb, onun teatr və kinoda yaratdığı obrazlar qalereyasına nəzər salıb.

Azər Paşa Nemət bildirib ki, görkəmli sənətkarın işıqlı xatirəsi Azərbaycan tamaşaçısının yaddaşında daim yaşayacaq və Azərbaycan mədəniyyəti var olduqca, Yaşar Nuri də hər zaman yad olunacaq.

Teatr direktoru əlavə edib ki, Yaşar Nurinin 65 illik yubileyi münasibətilə oktyabr ayında Azərbaycan Dövlət Akademik Milli Dram Teatrında xatirə tədbiri keçiriləcək.

Ziyarətdə Yaşar Nurinin ailə üzvləri də iştirak edib. Həyat yoldaşı Rəhimə Nuriyeva Yaşar Nurinin xatirəsini əziz tutduğuna və daim ehtiramla yad etdiklərinə görə teatr kollektivinə minnətdarlığını bildirib.

Qeyd edək ki, Y. Nuri 1951-ci il sentyabrın 3-də Bakıda anadan olub, 2012-ci il noyabrın 22-də uzun sürən xəstəlikdən sonra Bakıda vəfat edib.

II Fəxri xiyabanda dəfn olunub.

Ölkə.Az

ŞƏRH YAZ
0

İlham Əliyev və Mehriban Əliyeva Vatikanda Sikstin Kapellası və Müqəddəs Pyotr Kilsəsi ilə tanış olublar — FOTO

İlham Əliyev və Mehriban Əliyeva Vatikanda Sikstin Kapellası və Müqəddəs Pyotr Kilsəsi ilə tanış olublar
00:13
Bu gün
912
Mədəniyyət
A
Fevralın 22-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva Vatikanda Sikstin Kapellası və Müqəddəs Pyotr Kilsəsi ilə tanış olublar.

"Ölkə.Az" azərtac-a istinadən xəbər verir ki, Heydər Əliyev Fondu tərəfindən hazırda Vatikanda bir neçə layihə həyata keçirilir.

2019-cu ilin fevral ayında Heydər Əliyev Fondu ilə Müqəddəs Pyotr Kilsəsi arasında imzalanmış müqaviləyə əsasən, Müqəddəs Pyotr Kilsəsinin Bazilikasındakı “Roma Papası I Leon ilə Hun imperatoru Atillanın görüşü” barelyefi və Vatikan Bazilikasındakı katakombalarda yerləşən “Tullius Zethus” məqbərəsi Heydər Əliyev Fondunun maliyyə dəstəyi ilə bərpa edilir və artıq işlər başa çatmaq üzrədir. Bu işlərin bu ilin may ayında başa çatması planlaşdırılır. 2019-cu ilin fevral ayında Heydər Əliyev Fondu ilə Müqəddəs Taxt-Tacın Arxeologiya Şurası arasında imzalanmış müqaviləyə əsasən hazırda “Müqəddəs Komodiliya” katakombalarındakı mavzoleyin bərpası işləri aparılır və layihənin 2020-ci ildə başa çatması nəzərdə tutulur.

2016-cı ildə icrasına başlanan və 2018-ci ildə Azərbaycan Respublikasının Birinci vitse-prezidenti Mehriban Əliyeva və Müqəddəs Taxt-Tacın Mədəniyyət üzrə Pontifik Şurasının sədri Kardinal Canfranko Ravazinin iştirakı ilə açılışı olan “Müqəddəs San Sebastian kilsə-muzey kompleksində katakombaların bərpası” layihəsi çərçivəsində son tamamlama işləri yekunlaşıb.

Heydər Əliyev Fondu tərəfindən həyata keçirilən layihələr müqəddəs Taxt-Tacda çox yüksək qiymətləndirilir. Bu işlər Fondun ümumbəşəri dəyərlərə verdiyi töhfələri bütün dünyaya nümayiş etdirir. Bununla yanaşı, bu layihələr həm də ölkəmizin müxtəlif dinlərin abidələrinə və müqəddəs yerlərinə verdiyi önəmi göstərir. Bütün bunlar isə multikultural dəyərlərə sadiq və bu dəyərləri təşviq edən ölkə kimi Azərbaycanın dünyadakı mövqeyini və yerini, həmçinin dinlərarası dialoqun qurulmasındakı rolunu möhkəmləndirir.

Qeyd edək ki, Sikstin Kapellasının yerləşdiyi bina Vatikanda Renessans dövrü italyan incəsənətinin ən görkəmli abidələrindən biridir. Qeyd olundu ki, 1481-1483-cü illərdə kapellanın divarlarına Musanın və İsanın həyatlarından səhnələr təsvir olunan freskalar çəkilib. XV əsrdə dünya şöhrətli italiyalı heykəltəraş Mikelancelo kapellanın tavanının və mehrab divarının rəsmlərini yaradıb. Bura həm də muzey kimi fəaliyyət göstərir.

Vatikandakı Müqəddəs Pyotr Kilsəsi italyan intibah memarlığının ən məşhur nümunələrindən və dünyanın ən böyük kilsələrindən biridir. Kilsədə ilk Roma Papası hesab edilən Müqəddəs Pyotr dəfn edilib. Bura həm də məşhur ziyarətgah və dini mərasimlər yeridir. Buna görə də erkən xristianlıq dövründən etibarən əksər Roma papaları burada dəfn olunub.

Diqqətə çatdırıldı ki, Müqəddəs Pyotr Bazilikası həm də məşhur ziyarətgah və mərasim yeridir. Roma Papası il ərzində bazilika və ya onun qarşısındakı Müqəddəs Pyotr meydanında bir neçə dini mərasim keçirir.

Ölkə.Az

ŞƏRH YAZ
0

Vəziyyəti ağır olan Rəhman Rəhmanovun SON DURUMU NECƏDİR? — OĞLUNDAN AÇIQLAMA

Vəziyyəti ağır olan Rəhman Rəhmanovun SON DURUMU NECƏDİR?
15:42
22.02.2020
2989
Mədəniyyət
A

Əməkdar artist Rəhman Rəhmanovun səhhətindəki son durumla bağlı aktyorun oğlu, müğənni Emil Rəhmanov “Ölkə.Az”a açıqlama verib. O, bildirib ki, atasının vəziyyəti kritik olaraq qalır:

“Ödündə daş çirk etdiyi üçün, qan təzyiqi və şəkəri yüksəlib, qanına zəhərlənmə verib. Hazırda vəziyyəti ağırdır. Həkimlər atamı əməliyyata hazırlayırlar, saat 17.00-da əməliyyat olunacaq ”.

O, əməkdar artistin əməliyyatı üçün lazım olan məbləğin yığıldığını bildirib:

“Pul məsələsini həll etmişik. Biz heç kəsə pul üçün müraciət etməmişik. Sadəcə, atam 45 ildir səhnədədir, incəsənətdə can qoyub. Düşünürəm ki, dövlət öz incəsənət xadiminə qayğı göstərməlidir”.

Emil Rəhmənov Mədəniyyət Nazirliyindən və Dövlət Kukla teatrından heç bir köməkliyin olmadığını da bildirib.

“Hələ ki, Nazirlikdən və teatrdan, onun müalicəsi üçün heç bir köməklik olunmayıb”,- deyə o, qeyd edib.

Qeyd edək ki, dünən gecə halı pisləşən aktyor Bakı Sağlamlıq Mərkəzinə aparılıb. Hazırda reanimasiyadadır. Həkimlər əməkdar aktyora 12 barmaq bağırsaq yolunun daş bağlaması diaqnozu qoyublar.

Vüsalə Balayeva

Ölkə.Az

ŞƏRH YAZ
0
BAĞLA