AKP-li deputatlar AŞPA-da Azərbaycana qarşı sənədi dəstəkləyən türk millət vəkillərini qınadılar

AKP-li deputatlar AŞPA-da Azərbaycana qarşı sənədi dəstəkləyən türk millət vəkillərini qınadılar
15:35
17.10.2017
336
Siyasət
A

Türkiyənin Avropa Şurası Parlament Assambleyasındakı (AŞPA) nümayəndə heyətinin üzvü olan müxalif Cümhuriyyət Xalq Partiyasının (CHP) deputatları Deniz Baykal, İlhan Kesici və Ayşe Gülsün Bilgehanın AŞPA-da Azərbaycana qarşı sənədi dəstəkləmələri hakim Ədalət və İnkişaf Partiyasının (AKP) millət vəkilləri tərəfindən pislənilib.

"Ölkə.Az" xəbər verir ki, Türkiyə Böyük Millət Məclisində (TBMM) Rizə şəhərini təmsil edən millət vəkili, AKP üzvü Hikmət Ayar "Report"un Türkiyə bürosuna açıqlamasında CHP-dən olan həmkarlarının belə bir addım atmasına təəccüblənmədiyini bildirib.

H.Ayar deyib ki, onlar Türkiyənin AŞPA-dakı nüfuzuna xələl gətirməklə yanaşı, rəsmi Ankaranın tutduğu mövqeyə də qarşı çıxıblar: "Azərbaycan bizim qardaş ölkəmizidir. Biz ətlə dırnaq kimiyik. Azərbaycanın əleyhinə olan bir sənəd elə Türkiyəyə qarşı yönəlib. Bu millət vəkillərinə münasibətimiz sərtdir. Onları Türkiyə Cümhuriyyətinin vətəndaşları hesab etmirəm. Ona görə də bir daha düşünsünlər, çünki törətdikləri əməllər vətəndaşlıq sərhədlərini aşmaqdadır”.

"Parlamentdə Girəsun şəhərini təmsil edən millət vəkili, AKP üzvü Sabri Öztürk "Report"a açıqlamasında bildirib ki, Türkiyə vətəndaşı olan siyasətçilərin AŞPA-da belə bir addım atması qəbuledilməzdir: "Azərbaycanlılarla bizim soykökümüz eynidir və bizləri bir-birimizə qan bağı, tarixi köklərimiz birləşdirir".

S.Öztürk vurğulayıb ki, Azərbaycan yaxşı və pis günündə hər zaman Azərbaycanın yanında yer alıb: "Bir millət, iki dövlət", deyirik, bundan böyük bağlılıq ola bilərmi?! Biz də həmçinin çətin günlərində Azərbaycanın yanında yer almışıq və bundan sonra da belə olacaq. Ermənistan Azərbaycana qarşı beynəlxaq hüquq normalarını pozaraq minlərlə günasız vətəndaşı qətlə yetirib və torpaqlarını işğal edib. Bu, sadəcə, onların deyil, bizim də problemimizdir. Onların haqq səsi olmaq bizim vəzifəmizdir. Əgər bunu edə bilmirlərsə, susmaq əvəzinə, bu kimi lazımsız və uyğun olmayan addımlar atmaları heç xoş deyil. Bir türk millət vəkilinin Azərbaycan əleyhinə olan sənədə səs verməsini əsla qəbul edə bilmərik. Bu, CHP-li deputatların çox böyük səhvidir”.

ŞƏRH YAZ
0

Azay Quliyev Bundestaqın vitse-spikeri ilə görüşüb

Azay Quliyev Bundestaqın vitse-spikeri ilə görüşüb
11:33
Bu gün
96
Siyasət
A
Berlində səfərdə olan ATƏT PA-nın vitse-prezidenti və Milli Məclisin deputatı Azay Quliyev oktyabrın 15-də Almaniya Bundestaqının vitse-spikeri Tomas Opermanla görüş keçirib.

"Ölkə.Az" xəbər verir ki, Azay Quliyev bu ilin 5-9 iyulunda ATƏT PA-nın illik sessiyasının Berlində yüksək səviyyədə təşkil etdiyinə görə Almaniya Bundestaqına təşəkkür edib.

Görüş zamanı Almaniya və Azərbaycan parlamentləri arasında birgə əməkdaşlıq məsələləri müzakirə edilib və Ermənistan-Azərbaycan Dağlıq Qarabağ münaqişəsinin həlli ətrafında yaranmış vəziyyətlə bağlı Bundestaqın vitse-spikerinə ətraflı məlumat verilib.

Millət vəkili Bundestaqın münaqişə ilə bağlı qəbul etdiyi qətnaməni və ədalətli mövqeyini yüksək qiymətləndirib. Azay Quliyev həmçinin keçən həftə Almaniya hökumətinin Ermənistanın işğal etdiyi Dağlıq Qarabağın və 7 rayonun Azərbaycanın tərkib hissəsi olmasını bir daha təsdiq etməsi və qondarma Dağlıq Qarabağ Respublikasını tanımaması haqqında verdiyi bəyanata görə Tomas Opermana və onun qismində Almaniya Bundestaqına xüsusi minnətdarlığını bildirib.

Daha sonra qarşılıqlı maraq doğuran məsələlər ətrafında fikir mübadiləsi aparılıb. Görüşdə Milli Məclisin deputatları Sahib Alıyev və Şahin İsmayılov iştirak edib.

ŞƏRH YAZ
0

Zakir Həsənov Çexiyaya gedəcək

Zakir Həsənov Çexiyaya gedəcək
11:10
Bu gün
102
Siyasət
A
Azərbaycanın müdafiə naziri general-polkovnik Zakir Həsənov çexiyalı həmkarının dəvəti ilə oktyabrın 17-dən 20-dək Çex Respublikasında işgüzar səfərdə olacaq.

Bu barədə "Ölkə.Az"a Müdafiə Nazirliyindən məlumat verilib.

Səfər çərçivəsində Çexiyanın müdafiə naziri və digər dövlət qurumlarının rəhbərləri ilə görüşlər, həmçinin bu ölkənin müdafiə sənayesi müəssisələrinin istehsal etdiyi məhsullarla tanışlıq nəzərdə tutulur.

Görüşlər zamanı Azərbaycan ilə Çexiya arasında hərbi əməkdaşlığın inkişaf perspektivləri və qarşılıqlı maraq doğuran digər məsələlər barədə ətraflı fikir mübadiləsi aparılacaq.

ŞƏRH YAZ
0
BAĞLA