Aktrisa Meril Strip Trampı tənqid etdi

Aktrisa Meril Strip "Qızıl qlobus" mükafatının təqdimetmə mərsimində Donald Trampı tənqid edib.

Ölkə.Az xəbər verir ki, aktrisa kinodakı xidmətlərinə görə "Qızıl qlobus" mükafatına layiq görülüb. Tədbir zamanı aktrisa yeni seçilmiş prezident Donald Trampı tənqid edib.

Tramp "New York Times"-ın müxbiri Serj Kovaleskinin əlilliyini parodiya etmişdi. Aktrisa qeyd edib ki, bu il ərzində bir çox "güclü çıxış" görsə də, Trampın bu hərəkəti ona təsir edib.

Meril deyib: "Bu hadisə qəlbimdə dərin iz buraxıb. Bu çox pis hadisə idi. Amma effektli oldu və öz işini gördü. Bu hadisə auditoriyanı güldürdü və dişlərini ağartdı. Ölkənin rəhbəri olacaq şəxs əlil insanı lağa qoyub, onu parodiya etdi. Bu isə xoşagəlməz haldır".

Meril Strip eyni zamanda qeyd edib ki, bu hadisə onun qəlbini qırıb.

Hikmət
Ölkə.Az