Aktyor direktora qalib gəldi, işə bərpa edildi — MƏHKƏMƏ

Aktyor direktora qalib gəldi, işə bərpa edildi
12:17
05.01.2018
4197
Mədəniyyət
A
C.Cabbarlı adına İrəvan Dövlət Azərbaycan Dram Teatrının aktyoru Əjdər Zeynalovun işə bərpasıyla bağlı Binəqədi Rayon Məhkəməsinə etdiyi müraciətə baxılıb.

Bu barədə "Ölkə.Az"-a Əjdər Zeynalovun vəkili Adəm Orucov məlumat verib. Onun sözlərinə görə,  hakim Almaz Süleymanovanın sədrliyi ilə keçirilən prosesdə aktyorun işə bərpasıyla bağlı qərar çıxarılıb:

"Məhkəmədə məlum oldu ki, İftixar Piriyevin Əjdər Zeynalova qarşı irəli sürdüyü ittihamların hamısı qondarmadır və Zeynalovun əleyhinə hazırlanmış sənədlərə qondarma şahidlər imza atıblar. Haqlı qərar çıxardığı üçün Binəqədi məhkəməsinin hakimi Almaz Süleymanovaya təşəkkürümü bildirirəm".

Qeyd edək ki, aktyor oktyabrın 10-da direktor barədə verdiyi açıqlamalar səbəbindən işdən çıxarılmışdı. Aktyorun həmin vaxt saytımıza açıqlamasında bildirmişdi ki, İftixar Piriyevin ona qarşı irəli sürdüyü ittihamlar əsassızdır:

"Mən səhər 10-un yarısında qol çəkməyə gəldim. Bildirildi ki, tabel hələ hazır deyil. On beş dəqiqə sonra yenidən qol çəkməyə gedəndə dedilər ki, Əjdər müəllim, siz qol çəkməyin, işdən çıxmısınız. Direktor İftixar Piriyevin təzyiqi ilə kollektivin bir neçə üzvü üzümə dayandı ki, guya 11-in yarısı gəlmişəm. Amma məsələ bununla bitmir. Axıra qədər mübarizəmi davam etdirəcəyəm. Əmrdə yazılanlar şər-böhtandır. İki günün içində haqqımda 4-5 təqdimat, şiddətli töhmət verildi. Bunun hamısı quramadır. Truppa müdiri Nemətova da üzümə dayandı ki, hə, gecikmisən. Ancaq İftixar Piriyev mənə dedi ki, adın siyahıda var, amma qol çəkməmisən. Əməkdaşlar şahiddirlər ki, işə vaxtında gəlmişdim. Ondan əvvəl də guya üç saat tez işdən çıxıb getmişəm, işin ahəngini pozmuşam. Şər-böhtandır, heç vaxt işi vaxtından əvvəl tərk edib getməmişəm. İftixar Piriyevin 17 illik yarıtmaz fəaliyyətini tənqid etdiyim üçün, o da məni qərəzli şəkildə işdən çıxartdı. Bunun başqa adı yoxdur".

 
İntiqam VALEHOĞLU
Ölkə.Az

ŞƏRH YAZ
0

Prezident yeni komissiya yaratdı

Prezident yeni komissiya yaratdı
20:30
15.01.2019
2119
Mədəniyyət
A
Prezident İlham Əliyev Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərman imzalayıb.

"Ölkə.Az"ın məlumatına görə, fərmanla Azərbaycan Respublikası Mədəniyyət Nazirliyinin tabeliyində yeni, mütərəqqi və ölkənin bütün ərazisini əhatə edəcək kitabxana sisteminin yaradılması, habelə mədəniyyət və təhsil xidmətləri göstərən qurumların (mədəniyyət mərkəzləri, klublar, musiqi məktəbləri, rəsm qalereyaları və s.) fəaliyyətində səmərəliliyin artırılması məqsədilə təkliflər hazırlanması üçün aşağıdakı tərkibdə Komissiya yaradılır:

Komissiyanın sədri

Azərbaycan Respublikası Prezidenti Administrasiyasının Humanitar siyasət məsələləri şöbəsinin müdiri

Komissiya sədrinin müavini

Azərbaycan Respublikasının mədəniyyət naziri

Komissiyanın üzvləri

Azərbaycan Respublikası Prezidenti Administrasiyasının Ərazi-təşkilat məsələləri şöbəsi müdirinin müavini

Azərbaycan Respublikası Prezidenti Administrasiyasının İctimai-siyasi məsələlər şöbəsi müdirinin müavini

Azərbaycan Respublikası maliyyə nazirinin müavini

Azərbaycan Respublikası təhsil nazirinin müavini

Bakı Şəhər İcra Hakimiyyətinin nümayəndəsi.

Ölkə.Az

ŞƏRH YAZ
1

İbrahim Tatlısəsə ağır itki

İbrahim Tatlısəsə ağır itki
15:05
15.01.2019
2045
Mədəniyyət
A
İbrahim Tatlısəsin bir müddətdir xəstəxanada müalicə olunan anası Leyla Tatlısəs dünyasını dəyişib.

“Ölkə.Az” xəbər verir ki, sənətçinin anası yaşlanma ilə əlaqədar səhhətindəki problemlərdən şikayət edirdi və xəstəxanada müalicə olunurdu.

Tatlısəs reanimasiya şöbəsində müalicə alan anasına tez-tez baş çəkib. Bu gün isə Leyla xanım vəfat edib.

İbrahim xəbəri alan kimi xəstəxanaya yollanıb. Leyla Tatlısəsin nə vaxt dəfn olunacağı bilinmir.

Ölkə.Az

ŞƏRH YAZ
0
BAĞLA