Aktyor işdən çıxarıldı — TEATRDA QARŞIDURMA

Aktyor işdən çıxarıldı
11:00
27.01.2018
5610
Mədəniyyət
A

İrəvan Dövlət Azərbaycan Dram Teatrının aktyoru Elçin Hacı işdən çıxarılıb. Bu barədə Ölkə.Az-a aktyorun özü məlumat verib. Elçin Hacının sözlərinə görə, direktor İftixar Piriyev daha bir neçə aktyoru işdən uzaqlaşdırmağı planlaşdırır:

"İftixar Piriyev məni də işdən çıxartdı. Məndən başqa bir neçə aktyoru da işdən uzaqlaşdırmağı qarşısına məqsəd qoyub. Aktyorları baş rejissora qarşı qoyur. Səbəb də budur ki, biz onun etdiyi haqsızlıqlarla bağlı Mədəniyyət və Turizm Nazirliyinə müraciət etmişdik. Həmin müraciətin əsasında ona töhmət elan edildi. Baş resjissor Sərvər Əliyevə qarşı da  təxribat xarakterli işlər görür. Öz tərəfdarlarına əlavə maaş verir. Onlar da 200-300 manata görə Piriyevin dediklərini yerinə yetirirlər".

Qeyd edək ki, bir müddət öncə teatrın tanınmış aktyoru Əjdər Zeynalov da direktor tərəfindən işdən çıxarılmışdı. Ancaq Binəqədi Rayon Məhkəməsinin qərarıyla Zeynalov işinə qaytarılmışdı.

İntiqam VALEHOĞLU
Ölkə.Az

ŞƏRH YAZ
0

Azərbaycanlı musiqiçi Fransada konsert verəcək

Azərbaycanlı musiqiçi Fransada konsert verəcək
01:05
Bu gün
1719
Mədəniyyət
A
Azərbaycanlı musiqiçi Səidə Zülfüqarova Fransada Beynəlxalq Sülh günü münasibətilə "Sülh naminə və zorakılığa qarşı" mövzusunda konsert verəcək.

"Ölkə.Az" "Report"a istinadən verir ki, konsert Karyer-su-Puasi şəhəri meriyasının dəstəyi ilə 21 sentyabrda saat 19-da Alzas İdman Kompeksində keçiriləcək.

Konsertdə Paris Filarmoniyasının orkestr ansamblı, Paris Operasının müğənnisi İrina Kopylova da çıxış edəcəklər. Sülh proqramından ibarət olan tədbirdə azərbaycanlı musiqiçi tarda ifa edəcək.

Konsert YUNESKO-nun sülh üzrə rəssamları, heykəltəraşları və digər sənətkarlarının iştirakı ilə keçiriləcək.

Ölkə.Az

ŞƏRH YAZ
0

Akademik Milli Dram Teatrında “Sinif yoldaşları” tamaşasının premyerası olacaq

Akademik Milli Dram Teatrında “Sinif yoldaşları” tamaşasının premyerası olacaq
20:44
18.09.2018
2948
Mədəniyyət
A
Sentyabrın 23-də Akademik Milli Dram Teatrında Mədəniyyət Nazirliyinin sifarişi ilə hazırlanan “Sinif yoldaşları” tamaşasının premyerası keçiriləcək.

"Ölkә.Az" xәbәr verir ki, teatrın mətbuat xidmətindən Trend-ə verilən məlumata görə, məşhur rus yazıçı-dramaturqu Yuri Polyakovun eyniadlı pyesi əsasında hazırlanan səhnə əsəri melodram janrındadır.

Tamaşanın müəllifi, quruluşçu rejissoru və rəssamı Akademik Milli Dram Teatrının bədii rəhbər-direktoru, Xalq artisti Azər Paşa Nemətov, rejissoru Anar Sadıqov, bəstəkarı xalq artisti Siyavuş Kərimi, rejissor assistenti Ceyran Həsənlidir.

Yeni yaradıcılıq işində teatrın məşhur və sevilən aktyorları - əməkdar artistlər Sənubər İsgəndərli (Svetlana Poqojeva), Şəlalə Şahvələdqızı (Anna Falikova), Rövşən Kərimduxt (Mixail Tyablov), xalq artistləri Ramiz Novruz (Fyodor Stroçkov), Cəfər Namiq Kamal (Boris Lipovetski), Səidə Quliyeva (Yevgeniya Petrovna), əməkdar artist Füzuli Hüseynov (Viktor Çermetov), aktyorlar Mətləb Abdullayev (İvan Kostromitin), İlahə Həsənova (Olqa), Rüstəm Rüstəmov və Vüsal Mustafayev (Mayor), Ziya Ağa (Leytеnant Dmitri), Vüsal Məmmədov (Birinci cangüdən) və Mehman Fətullayev (İkinci cangüdən) çıxış edirlər.

Əsəri Azərbaycan dilinə yazıçı Etimad Başkeçid tərcümə edib.

Tamaşa sinif yoldaşlarının 20 il sonrakı görüşü, yaxud insan mənəviyyatının deqradasiyası haqqındadır. Müharibədən, eyni zamanda həyatın müxtəlif imtahanlarından çıxan sinif yoldaşları müharibə əlili İvanın ad günündə təkcə sosial vəziyyətlərindəki böhranı göstərmir, eyni zamanda mənəvi simalarını hansı şəkildə itirdiklərini də tamaşaçıya nümayiş etdirirlər. “Sinif yoldaşları” tamaşası təkcə ölkəmizin mədəni həyatındakı hadisə deyil, eyni zamanda Rusiya-Azərbaycan teatr əlaqələrində körpü rolunu oynayan növbəti uğurlu addımdır.

Qeyd edək ki, Yuri Polyokov “Əmrə yüz gün qalmış”, “Rayonmiqyaslı fövqəladə vəziyyət”, “Süddə çəpiş” romanları ilə məşhurlaşıb. Əsərləri əsasında iyirmiyə yaxın bədii film çəkilib, pyesləri çoxlu sayda teatr səhnələrində tamaşaya qoyulub.

“Lenin komsomolu”, “N.Qoqol” və “İ.Bunin” adına ədəbiyyat mükafatlarına layiq görülüb. Rusiyanın “Vətən qarşısında xidmətlərinə görə”, “Dostluq” və “Şərəf” ordenləri ilə təltif olunub.

Moskvada nəşr olunan “Literaturnaya qazeta”nın baş redaktoru, Rusiya Dramaturqlar Gildiyasının sədridir.

Ölkә.Az

ŞƏRH YAZ
0
BAĞLA