Aktyor Robin Uilyamsın əşyaları satışa çıxarılacaq
“Sotheby's” hərrac evi oktyabr ayında Nyu-Yorkda keçiriləcək satışda aktyor Robin Uilyams və onun keçmiş xanımı Marşanın kolleksiyasını satışa çıxaracaq.
“Ölkə.Az” xəbər verir ki, Marşa və Robinin kolleksiyası onların maraq və karyeralarını əhatə edir. Payız kolleksiyasında film və əyləncə sənayesindən xatirə əşyaları, ssenarilər, mükafatlar, butaforiya, qarderobu əhatə edir.
Təqdim ediləcək əşyalar arasında “Harri Potter” filmində aktyor Deniel Redklifin istifadə etdiyi palto, Uilyamsın 1990-cı ildə aldığı mükafat, saat kolleksiyası və incəsənət nümunələri var.
Satış 2018-ci ilin 4 oktyabr tarixinə planlaşdırılıb. Əldə edilən gəlirin bir hissəsi Robinin həyatda olduğu dövrdə kömək etdiyi ictimai təşkilatların büdcəsinə köçürüləcək.
Qeyd edək ki, dərin depresiyadan əziyyət çəkən Robin Uilyams 2014-cü ilin 12 avqust tarixində intihar edib.
Hikmət Həsənov
Ölkə.Az
