Aktyor və aktrisalarımız bir çəkiliş gününə nə qədər QONORAR ALIR? — 100 manata da çəkilən var, 1500 manata da - SORĞU

Aktyor və aktrisalarımız bir çəkiliş gününə nə qədər QONORAR ALIR?
12:38
24.10.2019
24278
Mədəniyyət
A
Sovet hakimiyyəti dağıldıqda, yenidənqurma dövrünə keçid vaxtı bir sıra sahələr kimi incəsənət, kino sahəsi də demək olar ki, öz süqutunu yaşayıb. Bu dönəm insanlar maliyyə çətiliklərindənmi, yoxsa mənəvi boşluqdanmı kinonu, teatrı unutdu. Bir nəsil teatrsız, milli kinosuz böyüdü, boya-başa çatdı. İllər ötdü, hər bir cücərti, davamlı bir inkişafa keçid aldı. Kino sahəsinin serial qolunun inkişafı ilə bir çox seriallar çəkilməyə başladı. Bu serialların müsbət tərəfi bu oldu ki, gənc simaları görməyə başladıq. Onlar bu işlərlə həm məşhurluq qazandılar, həm də orta və yaşlı nəsil aktyorlarla çiyin - çiyinə çalışıb təcrübə topladılar. Ancaq tanınmaq və çiyin-çiyinə çalışmaq hələ problemin tam həlli sayıla bilməz. Çünki burada işin sənət, yaradıcılıq tərəfindən başqa, hər bir sahədə olduğu kimi maliyyə tərəfi də böyük rol oynayır. Bəzən təmkinlərini qorumağı bacaran aktyorlar belə qonorardan söz düşəndə susmurlar. Baxmayaraq ki, bəzi aktyorlar bu mövzuda danışmaq istəmir, amma vəziyyət az-çox hər kəsə məlumdur. Məsələn, Xalq artisti Arif Quliyev Oxu.Az-a açıqlamasında serialda bir dəfə çəkilmək üçün 100 manat qonarar aldığını demişdi. “Aldığım qonarar məni qane edir. Son olaraq çəkildiyim serialda həftədə iki dəfə olmaqla çəkilirdim və hər bir çəkilişə görə 100 manat alırdım. Bu isə aylıq 800 manat deməkdir”,- deyə A.Quliyev bildirib.

“Ölkə.Az” olaraq vəziyyətlə daha yaxından tanış olmaq üçün bəzi aktyor və aktrisalarla əlaqə saxlayıb fikirlərini öyrənməyə çalışdıq. 

Bəs onların qonararları nə qədərdir?

İlk olaraq əməkdar artist Çingiz Əhmədovla əlaqə saxladıq. O, açıqlamasında bu məbləğin çox az olduğunu bildirdi.

Image result for çingiz əhmədov

“Mənim fikrimcə bu aktyorluğa verilən ən aşağı məbləğdir. Sözün açığı, mən bu qiymətə heç vaxt çəkilmərəm”.

Əməkdaşımızın "Bəs sizin qonararınız nə qədərdir" sualına əməkdar artist heç bir açıqlama verməyib.

Əməkdar artist Rəhman Rəhmanov həmkarından fərqli olaraq öz qonararını məbləğini söyləyib:

Image result for rəhman rəhmanov

“Mənim fikrimcə də 100 manat bir çəkiliş üçün azdır. Biz o, çəkiliş meydanında min bir əziyyətdən keçirik. Bilən bilir ki, filmə çəkilmək çox məsuliyyətli işdir. Qonararıma gəldikdə isə açıq deyə bilərəm ki, minimum 200 manatdır. O məbləğdən aşağı heç vaxt çəkilmərəm”,- deyə o, fikrini tamamlayıb.

Xalq artisti Valeh Kərimov isə sualımızı belə cavablayıb:

Image result for Valeh Kərimov


“Vallah, bu barədə yəqin ki, bir çox insanla, həmkarlarımla fikrim üst-üstə düşər, təkrarçılığa yol verməyim. Əlbəttə ki bir xalq atristinə belə qiymət verəndə adamın ürəyi ağrayır. Amma nə etmək olar? Mən öz fikrimi söyləyim ki, mən bu qonorara çəkilmərəm. Vallah, heç əziyyətinə dəyməz”. 

Qonorarını açıqlamayan aktyor, onu heç seriallara dəvət etmədiklərini də dilə gətirib.

Kinomuzun “Qasım”ı, Xalq artisti Əjdər Həmidov isə sənət naminə hər şeyə hazır olduğunu deyib:

Image result for Əjdər Həmidov
“Məbləğdən də göründüyü kimi, sənətə verilən qiymət deyil. Ancaq onu da bildirim ki, biz elə hər zaman az qonorar almışıq. Sovet dönəmində də çəkildiyimiz filmlərə görə, dəyərindən qat-qat aşağı qonarar alırdıq.”

Əməkdaşımızın "siz bu qonorara filmə çəkilərsinizmi" sualına Xalq artisti maraqlı cavab verib:

“Əgər sənət naminə lazım olsa, çəkilərəm. Məni seriallara çox dəvət edirlər, amma hər filmə çəkilmirəm, mütləq sənət tərəfinə baxıb, seçim edirəm”.

Xalq artisti Səidə Quliyeva isə açıqlamasında bildirib ki, rejissorları onu az qonararlı filmlərə dəvət etməyi qadağan edib.

Image result for Səidə Quliyeva
“Mən ümumiyyətlə, xəbərdarlıq etmişəm ki, az qonararlı filmlərə görə, mənə müraciət etməsinlər. Heç olmaya bir dəfə olsa belə çəkiliş meydançasında olan insan bunun necə çətin bir iş olduğunu bilir. Görün aktyorlar necə əziyyət çəkir, müqabilində isə çox az məbləğ alır”.

"Akrisa siz filmlərdən nə qədər qonarar alırsınız" sualına isə belə cavab verib:

“Dəqiq deyə bilməyəcəyəm, amma şərtlərə baxmaq lazımdır. Elə film olub mən günümə 1500 manat almışam, eləsi olub 1000 manat olub. Başa düşürəm, serialların büdcəsi az olur, bu məbləği verə bilmirlər. Ancaq heç olmasa 300-400 manat ödənməlidir”.

Image result for Anar Heybətov

Əməkdar artist Anar Heybətov  bildirib ki, o qonararını heç yaxın dostlarına belə açıqlamır.

“Mən öz qonorarımın məbləğini dostlarıma, yaxınlarıma belə demirəm. Dəqiq deyə bilmərəm, neçəyə çəkilirəm. Əvvəl gələn təklifləri dəyərləndirib, sonra qərar verirəm ”,- deyə aktyor fikrini tamamlayıb.

Image result for Əli Nur

Aktyor Əli Nur da digər həmkarları kimi qonararın çox gülünc olduğunu bildirib.

“Yox, mən bu qonarara əsla çəkilmərəm. Mənim hər çəkiliş günüm 500 manatdır, nə bir qəpik aşağı, nə bir qəpik yuxarı”.

Image result for Hüsniyyə Mürvətova

Bakı Bələdiyyə Teatrının aktrisası Hüsniyyə Mürvətova qonararını açıqlamayıb, yalnız sənətə dəyər verməyin vacib olduğunu da vurğulayıb.
“Əlbəttə ki, bu qonorar bir aktrisanın əziyyəti üçün çox aşağı məbləğdir. Mən heç vaxt bu qiymətə çəkilişə razılaşmaram”,- deyə aktrisa bildirib.

Vüsalə Balayeva 
Ölkə.Az

ŞƏRH YAZ
1

"O filmimə baxan ailə boşanmaqdan imtina etmişdi — Rövşən İsax

12:55
Bu gün
585
Mədəniyyət
A
Son illərdə ölkəmizdə çəkilən serial və filmlər sevilsə də, bir o qədər də tənqid olunur. Yaxşı bəs, doğurdanmı ekranlarımızın film və serialları tənqidə layiqdir? Bununla bağlı son zamanlar bir çox film və seriallara imzasını atmış, rejissor Rövşən İsaxla həmsöhbət olduq.

Rejissor “Ölkə.Az”ın əməkdaşı ilə söhbətində bildirib ki, hazırda həmkarları komediya janrına üstünlük verir:

"O filmləri çəkənlər düşünürlər ki,  izləyicilərin komediyaya daha çox marağı var. Məsələ ondadır ki, bu filmlərin çoxunun da keyfiyyəti aşağı səviyyədədir. Çünki hazırda kommersiya filmlərini çəkənlər qeyri-peşəkarlardır. Ən acınacaqlı vəziyyət isə maddi ehtiyacdan sanballı aktyorların belə filmlərdə rol alması olur. Hətta adın çəkmək istəmədiyim məşhur Xalq artisti bu barədə ''De görüm, mən neçə manata biabır oluram?'',- yarızarafat, yarıciddi bu barədə fikir də bildirmişdi.

Rejissor filmlərimizə dəvət alan türk aktyorları haqqında da maraqlı fikirlər səsləndirib: 

''Bizim filmlərə dəvət alan türk aktyorları öz ölkələrində tanınmayan, qeyri – peşəkar insanlardır. Məsələn, onlar Kıvanç Tatlıtuğu filmə dəvət edə bilməzlər. Çünki, Kıvanc öz ölkəsində yetərincə tanınan, məşhur aktyordur. Onun qonorarı da çox yüksəkdi. Heç bir kommersiya rejissoru, o qonararı ödəyib, Kıvancı filmə dəvət edə bilməz”.

R. İsax modelləri filmlərə dəvət edən həmkarlarına da söz atıb:
“Bunlar başa düşmürlər ki, model aktrisa deyil. Mən üzərində işlədiyim filmlərə onları dəvət etmirəm. Çünki biz burada professional iş görürük, moda gecəsindən sujet hazırlamırıq.

Modellərin arasında aktrisalığı bacaranlar demək olar ki, yox səviyyəsindədir. Bu dövrdə Şekspiri tanımayanlar film çəkir, Qara Qarayevi tanımayan isə mahnı bəstələyir”. 

Rejissor son zamanlarda çəkilən filmlərin cəmiyyətə təsirindən də danışıb:

 ''Ekranda sərxoş birini göstərmək, içkini reklam etmək sayılmır. Biz içkinin bir ailəni necə məhv etdiyini çəkib göstərmək istəyirik. Əslində, bununla cəmiyyətə ibrətamiz mesaj ötürürük, bu yoldan onları çəkindirməyə çalışırıq. Filmlərdə hər zaman xoşbəxt ailə göstərə bilmərik, bu mümkünsüzdür. Çünki, izləyici o filmlərdən, seriallardan çox tez yorular. Fikrimcə, filmərin süjetləri uydurma yox, real həyatın motivləri əsasında daha maraqlı, daha inandırıcı olur. Rejissorlar filmlərində göstərdiyi pis əməllərə haqq qazandırmır, əksinə cəmiyyətin gözünü açır, maarifləndirir. 

Mən hər zaman çəkdiyim filmlərlə bağlı müsbət fikirlər eşidirəm. Bir filmimdəki obrazla eyni tale yaşayan xanım mənə təşəkkür etmək üçün zəng vurmuşdu. Sən demə, həmin bu kinoya baxdıqdan sonra uzun illər onları qəbul etməyən qayınatası bu ailəni bağışlayıb. Bu da mənim mesajımı doğru ötürdüyümə dəlalət edir. Belə hadisələr çox olub. Sumqayıtda yaşayan gənc bir ailə boşanmaq üçün məhkəməyə müraciət ediblər. Ailənin 9 yaşında övladı çəkdiyim serial efirə gedən zaman obrazın məhkəməyə getmək istəmədiyi səhnəyə baxanda, ağlayaraq əl çalıb. Ailə başçısı bu mənzərədən təsirlənərək, boşanmaqdan imtina edib”.

Sonda R.İsax bəzi izləyicilərə iradını da bildirib:

 “Sadəcə insanlar bir çox hallarda olduğu kimi filmlərdə də yaxşını qoyub, pisi axtarırlar. Maraqlısı odur ki, izləyicilər filmlərdə personajların müsbət tərəflərinə fikir verməyib, ailədə olan söz söhbətlərə, dedi-qodulara daha tez reaksiya verirlər”.

Nərmin Nuru

Ölkə.Az

ŞƏRH YAZ
0

“Fransız olmayan zamanda” yəhudi fahişənin sədaqəti — SƏNƏT VƏ SÖHBƏT

“Fransız olmayan zamanda” yəhudi fahişənin sədaqəti
12:04
Bu gün
662
Mədəniyyət
A
Ən yaxşı oyunbaz, sevgisi üçün intihar edən aşiq

Keçən əsrin 70-ci illərində fransız yazıçısı Romen Qari ciddi tənqidlərə tuş gəldiyi ərəfədə Fransada hər kəs ədəbiyyatda uğur qazanan Emil Ajardan danışırdı. Emil Ajar fransız ədəbiyyatında qəfildən peyda olsa da, tez bir zamanda parlamağı, oxucuların sevimlisinə çevrilməyi bacardı. 1975-ci ildə qələmə aldığı “Həyat irəlidədir” romanı oxucuların və tənqidçilərin diqqətini tez bir zamanda özünə çəkdi, satış rekordları qırdı. Heç kəsin tanımadığı yazıçı Emil Ajar roman çap olunduğu il ədəbiyyat sahəsində nüfuzlu mükafatlardan biri hesab olunan “Qonkur”u (Goncourt) qazandı. Mükafatın təqdimetmə mərasiminə gəlməyən Emil Ajar vəkili vasitəsi ilə mükafatdan imtina etdiyini bildirdi. Fransız ədəbiyyatının yeni ulduzu Emil Ajar artıq hamı üçün əfsanəyə çevrilmişdi.

Sirli Emil Ajar əsərlərini müxtəlif imzalarla çap etdirməyi sevən Romen Qarinin növbəti imzalarından biri idi. Fisko Sinibaldi, Şatan Boqa imzaları ilə əsərlərini yayımlayan Roman Qari üçün ən uğurlu imza Emil Ajar oldu. Bu imza sayəsində o ədəbiyyat tarixində ilkə imza ataraq “Qonkur” mükafatını iki dəfə qazanan yeganə yazıçı kimi tarixə düşdü. “Emil Ajar” imzasının Roman Qariyə məxsus olduğu isə onun intiharından sonra ortaya çıxdı. İntihar məktubunda Emil Ajar imzasının ona məxsus olduğunu yazan Romen Qari məktubu belə tamamlamışdı: “Salamat qalın, dostlar, çox yaxşı əyləndim”.
Romen Qari 1914-cü ildə, Vilnüsdə yəhudi ailəsində doğulmuş, sonradan ailəsi ilə birlikdə Fransaya köçmüşdü. 1956-cı ildə Romen Qari imzası ilə çap olunan “Səmanın kökləri” romanı “Qonkur” mükafatına layiq görüldü. Fransa prezidenti Şarl de Qolla dostluq münasibətləri olan Qari uzun müddət diplomatik korpuslarda çalışıb. 1959-cu ildə Amerikanın sevilən aktrisası, özündən 24 yaş kiçik Cin Siberqlə tanış olan Romen Qari elə bu qadına görə də intihar edərək həyatına son verir.

“Həyat irəlidədir”

Emil Ajar imzası ilə yazılmış, müəllifə ikinci dəfə “Qonkur” mükafatını qazandırmış “Həyat irəlidədir” romanı hələ ki dilimizə tərcümə olunmayıb. Roman, həyatını faşist ölüm düşərgələrində keçirmiş, uzun müddət fahişəlik etmiş və fahişələrin uşaqlarına baxmaqla pul qazanan yəhudi qadınla onun himayəsindəki müsəlman oğlanın həyatından bəhs edir. Uzun müddət fahişəlik edən Madam Roza adlı yəhudi qadın artıq yaşlandığı üçün fahişəlik edə bilmir və öz evində fahişə uşaqlarına baxmaqla dolanışığını təmin edir. Əsərin əsas qəhrəmanı Momo-Məhəmməd isə ərəb əsilli müsəlmandır. Müəllif təkcə Madam Roza və Momonun həyatını yox, Fransada yaşayan mühacirlərin həyat hekayəsini ustalıqla qələmə alıb. Yoxsulluqdan əziyyət çəkən bu insanların əslində mənəvi cəhətdən zəngin olması, bir-birinə dəstək verərək həyatla mücadilə aparmaları əsərin ana xəttini təşkil edir.

Tənha və fədakar obrazlar

Əsərdəki bütün obrazlar tənhalıqdan əziyyət çəkir. Fahişəliyə məcbur olan mühacir qadınların uşaqlarına baxıcılıq edən Madam Roza daim qorxu ilə yaşayır. Gəncliyini alman ölüm düşərgələrində keçirən Madam Roza fahişə uşaqlarına baxmaq üçün pul alsa da, müəllif əslində Madam Rozanın pul üçün bu işi görmədiyini izah etməyə çalışır. Kiçik Momo ilə Madam Rozanın münasibətlərindən bunu çox aydın şəkildə başa düşmək mümkündür. Momonu müsəlman kimi yetişdirməyə söz verən Madam Roza verdiyi sözü tutur və Momoya İslamı, “Quran”ı öyrədir. Əsərdəki hadisələr demək olar ki, kiçik Momonun dilindən nəql edilir. Momonun köhnə xalça alverçisi yəhudi əsilli Müsyö Hamillə etdiyi söhbətlər əsl insanlıq dərsidir. Romanın kiçik qəhrəmanı Momo deyir: “Viktor Hüqo kimi olmaq istərdim. Müsyö Hamil deyir ki, sözlərlə insan öldürmədən çox şeylərə nail olmaq mümkündür. Vaxt tapan kimi, bunu yoxlayacağam. Məncə silahlı insanlar uşaq vaxtı diqqətdən kənarda qaldıqları üçün silah gəzdirir. Demək onlar uşaq ikən heç kəsin diqqətini çəkməyiblər.”

“Fransız olmayan zaman...”

Günlər keçdikcə Madam Rozadan başqa heç kəsi olmayan Momo, yəhudi qadının qocalmasından, öləcəyindən qorxur. Başa düşür ki, Madam Rozadan başqa heç kəs ona sahib çıxmayacaq. Tənhalıqdan qorxan kiçik Momunun düşüncəsi, həyata baxışı, fəlsəfəsi oxucunu sarsıdır: “Özümü zamanın axışına buraxdım. Asta-asta hərəkət edən, fransız olmayan zamanın axışına. Müsyö Hamil zamanın dəvə karvanı ilə səhradan gəldiyini deyirdi tez-tez. Əbədiyyəti daşıdığı üçün tələsmirmiş. Bu fikrin deyilişi gözəldir, amma hər gün nəyini isə itirən yaşlı bir adamın üzündə bunu müşahidə eləmək çox ağırdır. Mənə qalsa, zamanı oğruların yanında axtarmaq lazımdır.”

Müəllif mühacirlərin Fransada yaşadığı ağır həyatı, yəhudilərin faşizm dönəmində çəkdiyi əziyyətləri peşəkarlıqla qələmə alıb. Yenə də kiçicik Momonu danışdırır müəllif: “Dünyada ən güclü şey polislərdir. Əgər bir uşağın atası polisdirsə, demək digər uşaqlardan ikiqat artıq atası var”.
Emil Ajarın (Romen Qari) qəhrəmanları olduqca mərhəmətli, mehriban, fədakar və səmimidir. Meşədə fahişəlik edən transseksual Madam Lola fahişəlikdən qazandığı pullarla həm özünü dolandırır, həm də Madam Rozaya və Momoya köməklik edir. Müsyö Hamil və Doktor Katz da bu kimsəsiz insanlara kömək etməyə, dəstək olmağa çalışır. Madam Roza yaşlandığı üçün həm digər uşaqlara, həm də Madam Rozaya Momo baxır. Müxtəlif vasitələrlə pul qazanıb Madam Rozaya kömək etməyə çalışır. Doktor Katz xəstəlik səbəbi ilə Madam Rozanı xəstəxanaların birinə göndərmək istəyir. Ancaq Madam Roza öz evində, rahat bir şəkildə ölmək istəyir. Momo Madam Rozaya söz verir ki, onu xəstəxanaya aparmağa imkan verməyəcək. Momo böyük çətinliklə Madam Rozanı özü üçün hazırladığı sığınacağa aparır və günlərlə onun iylənmiş cəsədi ilə birlikdə yaşayır.

Sədaqət, gülüş və iztirab…

Müəllif Momonun insanın qanını donduran fikirləri ilə əsəri yekunlaşdırır: “Qoxunun hardan gəldiyini öyrənmək üçün qapını sındırıb məni Madam Rozanın cəsədinin yanında uzanmış halda tapanda “kömək edin”, “necə böyük faciədir” deyib bağırmağa başladılar. Amma daha öncə bağırmaq ağıllarına gəlməmişdi, çünki həyatın qoxusu yoxdur”.

Əsərdə bəzi məqamlar oxucunu güldürməyi bacarsa da, bu gülüş müvəqqətidir. Oxucu güldüyü yerdə qəfildən gözlərinin yaşardığını hökmən hiss edir. Romandakı hər komik səhnənin içərisində böyük bir faciə gizlənib.
Roman əsasında iki film –  “Madam Roza” (1977), “Həyat irəlidədir”(2010) – çəkilib.

P.S:  Bu yazı romanın 2009-cu ildə Türkiyənin “Agora Kitaplığı” nəşriyyatının nəşri (“Onca yoksulluk varken” adıyla çap edilib) əsasında yazılıb.

Cəlil CAVANŞİR

ŞƏRH YAZ
0
BAĞLA