Al Kapone haqqında film çəkilir

"Ölkə.Az" xəbər verir ki, baş rol ifaçısı Tom Hardi olan "Fonzo" filmi 2018-ci ildə ekranlara çıxacaq. Bu barədə rejissor Coş Trank məlumat verib. Trank və Hardinin müştərək layihəsi barədə 2016-cı ildən məlumat var. Rejissor indi bildirib ki, filmin çəkilişləri yay aylarında Yeni Orleanda başlayacaq. Premyera isə gələn ilə planlaşdırılıb.

Filmin yaradıcıları adi bioqrafik ekran əsəri çəkməkdən imtina ediblər. Baş qəhrəmanın həyatının bir hissəsi, yəni 10 il həbsdə keçirdiyi hissəsini lentə alırlar.

Qanqster həbsdən çıxanda ağır xəstə olub. Al Kapone 1947-ci ildə, 48 yaşında vəfat edib.

Hikmət
Ölkə.Az