Albaniyada prezident seçkiləri bu səbəbdən baş tutmadı
Albaniyada prezident seçkiləri baş tutmayıb.
"Ölkə.Az" xəbər verir ki, parlament yeni prezidenti seçə bilməyib. Çünki baş nazir Edi Ramoyun təmsil olunduğu hakim partiya səsvermənin birinci turunda namizəd irəli sürməmək barədə qərar qəbul edib.
Parlamentin sədri İlir Meta bəyan edib ki, hökumət bununla da yeni prezident seçkiləri məsələsində müxalifətlə dialoq aparmaq istəyini ortaya qoydu.
Albaniyada prezident seçilmək üçün namizədlər parlamentin 140 deputatının minimum 84-ünün səsini toplamalıdır. Əgər 5 raunddan sonra dövlət başçısı seçilməsə, parlament buraxılır.
Qeyd edək ki, Albaniya müxalifəti fevral ayından parlamenti boykot edir.
Hikmət
Ölkə.Az