Aldana bilərsiniz — Günün ulduz falı

Aldana bilərsiniz
01:15
23.01.2018
10878
Maraqlı
A
Dünyanın nüfuzlu və məşhur ulduz falları portalları "Horoscope" və "Astrology" günün qoroskopunu hazırlayıb.

"Ölkə.Az" Milli.Az-a istinadən ulduz falını təqdim edir:

Qoç - bütün işləri eyni vaxtda görməyə can atmayın. Ən mühüm işi və ya həllini dərhal tələb edən məsələni seçərək onu icra edin. Gündəlik qayğılar, rutin məqamlar sizi usandıra bilər. Emosiyalara qapılmayın. Qısamüddətli səfər və köhnə işgüzar tərəfdaşlarla danışıqlar üçün yaxşı zamandır.

Günün ikinci yarısında dəyər verdiyiniz insanın və ya yaxınlarınızdan birinin mövqelərini tam dəyişmək cəhdlərindən əl çəkin. Bələd olmadığınız insanların məsləhətlərinə riayət etmək məcburiyyətində deyilsiniz. Ağır işlərlə özünüzü yormayın.

Buğa - günün ilk yarısından başlayaraq fəaliyyətinizdə aktiv, intensiv olun. Astagəllik etməyin, tənbəllikdə suçlanmağınıza şərait yaratmayın. Şərtlər dəyişə bilər. Aldığınız xəbərlərə, əldə olunan məlumatlara tam inanmayın.

Sifarişçi və ya icraçı sizi aldada bilər. Diqqətli davranın.

Günün ikinci yarısında şəxsi münasibətlərdə neqativ anlar yaşana bilər. Dəyər verdiyiniz insanlarla sərt danışmayın. Fikir ayrılıqlarının və ixtilafların münaqişəyə çevrilməsinə səbəbkar olmayın.

Əkizlər - əhvalınızın stabil olmasına can atın. Yaxın gələcəkdə maddi durumunuza və ya sosial statuunuza ciddi təsir etməyəcək işlə məşğul olmayın. Vaxtınızı boşuna sərf etməyin. Bütün variantları diqqətlə nəzərdən keçirin. Yaxın ətrafınızdakı hansısa insana təəssürat yaratmaq üçün oynamayın.

Günün ikinci yarısında məsləhətlərə qulaq asmaq əvəzinə məqsədə doğru aparan yolla sürətlə irəliləyin. Şirin vədlərə aldanmayın.

Yaxınlarınızdan birinin davranışı və ya sözləri sizi qıcıqlandıra bilər. Ötənlərdə münaqişələrə səbəb olmuş mövzunu yenidən gündəmə gətirməyin.

Axşam saatlarını dəyər verdiyiniz insanlarla keçirin.

Xərçəng - məşğul olduğunuz işdə ciddi irəliləyişə və ya uğura nail olmağa çalışın. Biliklərinizi, bacarıqlarınızı nümayiş etdirin. Amma əsla uğurlarınızla qürrələnməyin. Əks təqdirdə dedi-qodu, qeybət və çirkin intriqalara hədəf olacaqsınız.

Günün ikinci yarısında yaxınlarınız sizə yardım etməyə çalışacaqlar. Etiraflar zamanı deyil. Fiziki təmrinlərlə məşğul olursunuzsa, aktivliyinizi axşam saatlarında bir qədər azaldın.

Şir - mənasız söhbətlərə qatılmayın. Ətrafınızdakı insanlarla bağlı qeybət etməyin. Biznes və ya borcların ödənilməsi ilə bağlı nəzərdə tutulmamış xərclər istisna deyil. Ən çətin situasiyalarda belə, pozitiv məqamları aşkarlayın. Yumor hissini unutmayın.

Günün ikinci yarısında tanışlarınızın davranışlarına diqqətlə baxın. Dəyərsiz insanla ünsiyyəti dayandırın, əlaqələri kəsin. Rasionunuza fikir verin. Həddən artıq yeməyin.

Qız - ən adi, gündəlik işlərdə anlaşılmazlıqlar yarana bilər. Situasiyanın nəzarətinizdən çıxmasına imkan verməyin. Sizi narahat edən məsələlərin səbəblərini araşdırın. Genişmiqyaslı, ağır problemin çözümünü ertələməyin. Kimsənin qarşısından geri çəkilməyin.

Günün ikinci yarısında yaşanan olaylar yaxın perspektivlə bağlı planlara dəyişiklikləri tələb edir. Fəaliyyətinizdəki qərarların uyğunlaşdırılmaması tərəfdaş və ya şəriklərdən birinin vədinə əməl etməməsi ilə sonuclana bilər. Baş verənlər planlarınıza mənfi təsir etməklə yanaşı, əhvalınızı da korlayacaq.

Axşam saatlarında normal istirahət etməyə çalışın.

Tərəzi - ünvanınıza deyilən sözlərə gərəkdiyindən artıq önəm verməyin. Ünsiyyətdəki formallıq, ifrat rəsmiyyətçilik işgüzar danışıqlarda karınıza gələ bilər. Yaxın ətrafınızdakı insanların davranışlarındakı çatışmazlıqları müzakirə etməyin. Xoşunuza gəlməyən insanla, sadəcə, ünsiyyəti kəsin.

Günün ikinci yarısında xərclərinizə fikir verin. Prinsip etibarilə əsla ehtiyac duymadığınız əşyaların alınmasına pul sərf etməyin.

Dəvət aldığınız tədbirə qatılın.

Axşam saatlarında əyləncəyə yollana bilərsiniz.

Əqrəb - bu gün qeyri-adi iş görməyə çalışacaqsınız. Fəaliyyət planında yeniliklər edin. Problemlərin həllində orijinal olun, yeknəsəkliyə yol verməyin. Qeyri-ordinar ideyalarınız ətrafınızdakı insanların diqqətini cəlb edə bilər.

Günün ikinci yarısında opponentinizə təzyiq göstərərək onu fikrindən daşındırmağa çalışmayın.

Yaxınlarınız sizi tənqid edəcəklər. İndiyədək əhəmiyyətsiz, kiçik saydığınız məqamlarla maraqlananda işləri unutmayın.

Oxatan - hər eşitdiyinizə inanmayın. Fəsadları ağır olacaq səhvlərə yol verməmək üçün situasiyanı ciddi təhlil edin. Nəyisə anlamasanız, soruşmaqdan çəkinməyin. Yalnız etibara əsaslanan əməkdaşlıq zamanın sınağından çıxmaya bilər.

Günün ikinci yarısında tərəfdaşlarınız yalnız öz mənfəətlərini güdəcəklər.

Dəyər verdiyiniz insanla təmaslarda inamsızlıq və şübhəyə qapılmayın.

Axşam saatlarında stressdən qurtulmağa, gərginlikdən yaxa qurtarmağa çalışın.

Oğlaq - kənar təsirlər gücləndiyindən əvvəlcədən nəzərdə tutduğunuz fəaliyyət planına riayət etmək asan deyil. Bir sıra amilləri nəzərə almalısınız. Verilən tapşırığın və ya alınan sifarişin detallarını konkretləşdirin. İşləri vaxtında görmək üçün yetərincə vaxt yoxdur.

Günün ikinci yarısında mübahisədə uduzmamaq üçün güclü arqumentləriniz olmalıdır.

Sevdiyiniz insanla təmaslarda köhnə umu-küsü yada düşə bilər. Axşam saatlarına yaxın çox çalışmayın. Səhhətinizdə problemlər yaratmayın.

Dolça - baş verən hadisələri diqqətlə izləyin. Mühüm məqamları nəzərdən qaçırmayın. Yaxın ətrafınızdakı insanlardan biri intriqalarla işlərinizə mane olmağa çalışacaq. Problemin həll yollarını axtarın.

Günün ikinci yarısında müsbət dəyişikliklər başlanacaq. Çətinlikləri həll edəndə təxəyyülü işə salın. Sözlərinizə fikir verin. Münaqişələri çözməyi bacarın. Kompromisslərə hazır olun.

Balıqlar - qərarlarınızda və addımlarınızda ardıcıllıq olmalıdır. Əhvalınızdakı dəyişikliklər fəaliyyətə ciddi təsir etməməlidir. Köklü, genişmiqyaslı dəyişikliklərə başlamaq üçün münasib zaman deyil.

Günün ikinci yarısında yaxınlarınızla münasibətlərdə sərinliyin yaranmasına yol verməyin. Sevdiyiniz insandan gizlətməyə çalışdığınız məqam az sonra faş olacaq. Sirlərinizi tanımadığınız insanlarla bölüşməyin.

Axşam saatlarını ailə üzvlərinə həsr edin.

Ölkə.Az

ŞƏRH YAZ
0

Asılı olduğunuz insanla görüşməyin...

Asılı olduğunuz insanla görüşməyin...
01:32
Bu gün
12563
Maraqlı
A
"Ölkə.Az" Milli.Az-a istinadən günün qoroskopunu təqdim edir:

Qoç - hadisələrin axarı sakitlik və təmkin tələb edir. Yeni məlumatlar əldə edin, maraqlandığınız predmetlə bağlı informasiya toplayın. Dedi-qodu etməyin, qeybətə varmayın. Başqasını müzakirə edəndə sərt danışmayın.

Günün ikinci yarısı səyahət və ya uzaq səfərlər üçün deyil. Yolda xoşagəlməz hadisə baş verə bilər. Anlaşılmazlığın münaqişəyə çevrilməsinə imkan verməyin. Axşam saatlarını dostlarla keçirin. Uzun münasibətlər qura biləcəyiniz insanla qarşılaşa bilərsiniz.

Buğa - günün işlərini əvvəlcədən planlaşdırın. Mühüm olayı unutmayın. Diqqətsizlik ciddi problem yarada bilər. Sadəlövh olmayın, deyilən hər sözə inanmayın. Biznes və maliyyə məsələləri ilə bağlı müzakirələrdə huşyar olun.

Günün ikinci yarısında perspektivlərinizi bir daha dəyərləndirin. Aldığınız məlumatları müstəqil qiymətləndirin. Şübhəli məsləhətlərə inanmayın.

Alış-veriş etmək olar. Amma parfümeriya, bahalı geyim, aksessuar almağa dəyməz. Yaxınlarınızdan birini hədiyyə ilə sevindirin.

Axşam saatlarını səs-küylü məclisdə keçirməyin.

Əkizlər - ünsiyyət müsbət emosiyalar bəxş edəcək. Mübahisələr etməyin, münaqişələrdə diplomatik davranın. Yeni layihələrə başlamaq olar. Genişmiqyaslı işə start verilərsə, diqqətli davranın.

Günün ikinci yarısında bilik və bacarıqlarını nümayiş etdirmək şanslarından yararlanın. İntellektinizi göstərin. Sözlərinizə qulaq asacaqlar.

Şəxsi münasibətlərdə ciddi dəyişikliklər istisna deyil. Sevdiyiniz insan sizə görə dəyişmək istəmir. Təmasları normallaşdırmağa çalışın.

Axşam saatlarında yeni görüş, yeni tanışlıq olacaq.

Xərçəng - maliyyə məsələləri ilə diqqətlə maraqlansanız, yaxın ətrafınızdakı insanlardan birinin sizi aldatdığını, fırıldaqçılıq etdiyini görəcəksiniz. İntriqanın mərkəzinə düşəcəksiniz. Sizdən informasiya mənbəyi kimi istifadə etmək istəyəcəklər.

Günün ikinci yarısında marionetkaya çevrilməmək üçün müxtəlif fikirləri, fərqli mövqeləri dəyərləndirin, alternativləri nəzərdən keçirin. Əlavə məlumat almaq üçün bütün mövcud imkanlardan yararlanın.

Axşam saatlarına yaxın kimsə əməli və ya zahiri görünüşü ilə sizə təsir edə bilər. Stilinizi, davranış modelinizi dəyişməyin. Sakit şəraitdə qüvvənizi bərpa edin.

Şir - gün ərzində görəcəyiniz işləri əvvəlcədən nizamlayın, planlaşdırın. Mümkün qədər çox iş görməyə, bu zaman ifrat yorğunluğa düçar olmamağa çalışın. Aktiv olun, yeni tapşırıqları və sifarişləri yerinə yetirəcək potensiallı insan təsiri bağışlayın.

Əməllərinizdə ardıcıl olun. Eqoist, təşəxxüslü, ən başlıcası isə impulsiv olmayın.

Günün ikinci yarısında kəskin dəyişikliklər planlaşdırmayın. Özünüzə sadiq qalın. Başqasının təcrübəsindən yararlanın. Ətrafınızdakı insanların belə situasiyada necə hərəkətlər etdiklərini müşahidə edin.

İmici, yaşayış yerini və ya peşəkar fəaliyyət sahəsini radikal dəyişməyə dəyməz. Yaxınlarınızla təmaslarda qayğıkeş olun. Öz fikrinizi mütləq həqiqət saymayın. Ucadan danışmayın.

Qız - intuisiyanız iti olacaq, hissiyatınız artacaq. Təhlükənin gələ biləcəyi istiqaməti müəyyənləşdirməyə can atın. Alınan siqnalları qulaqardına vurmayın. Yaradıcılıqda uğurlar ola bilər. İstedadınızı göstərin.

Günün ikinci yarısı müqavilələr və maliyyə əməliyyatları üçün uğurludur.

Yaxın ətrafınız problemlərinizi müzakirə edəcək. Lakin kimsəyə imkan verməyin ki, sizə ağıl öyrətsin. Yaşam situasiyalarını ayıq müşahidə edərək qiymətləndirin.

Tərəzi - günün ilk yarısında yaxşı xəbərlər olacaq. Uzun müddət gözlədiyiniz məlumatı alacaqsınız. Başladığınız işdə və ya həll etməyə başladığınız məsələdə irəliləyəcəksiniz. Maddi rifah durumunuzu yaxşılaşdıra biləcək təklif alacaqsınız.

Günün ikinci yarısında özünüzü pis hiss etməyəcəksiniz. Yaxınlarınızla ünsiyyətə yetərincə vaxt ayırın. Axşam saatlarında açıq söhbət sevdiyiniz insanla münasibətləri yaxşılaşdırmağa imkan verəcək. Normal istirahət etməyə çalışın.

Əqrəb - uzunmüddətli planların reallaşdırılmasına başlamaq zamanıdır. Mühüm, önəmli xəbəri yolda, yaxud qeyri-adi yerdə ala bilərsiniz. Yetərincə çətin məqsədə çatmaq mümkündür. Bunun üçün qüvvəniz də var.

Günün ikinci yarısı yaxın ətrafınızdakı insanları diqqətlə müşahidə edin. Çətin zamanda bel bağlaya biləcəyiniz insanın dəstəyinə ehtiyacınız var.

Plan və ideyalarınızın heç də hamısını bəyənmirlər. Belə insanları nəyəsə inandırmağa çalışmayın. Axşam saatlarında romantik görüş sizi sevindirə bilər.

Oxatan - xatirələrə dalmaq, ötənlərlə yaşamaq zamanı deyil. Bütün işləri başa vurmağa tələsməyin. Əks təqdirdə ifrat yorğunluğa düçar ola bilərsiniz. Maraqlı insanlarla təmaslarda olun. Dəvət aldığınız tədbirdən qalmayın.

Yaxşı tanımadığınız insanlarla günün ikinci yarısında tam səmimi olmayın. Sirlərinizi açmayın. İkiüzlü, saxtakar insanlar sizi aldada bilərlər.

Müxtəlif təmaslar və əlaqələrdə, həqiqətən də, maraqlı insanla tanış ola bilərsiniz.

Axşam saatlarını evdən kənarda keçirmək məsləhətdir.

Oğlaq - hadisələrdə qəfil dönüş, maraqlı tanışlıq, yeni görüş ola bilər. Yenilikləri əxz edin, aldığınız informasiyalardan yararlanın. Çoxdan bəri müşahidə etdiyiniz insanın kim olduğunu anlamağa çalışın.

Adekvat söhbət və ya danışıqlar biznesdə yaxşı nəticələr əldə etməyə imkan verəcək.

Günün ikinci yarısında həkim yanına yollanmaq fikriniz varsa, tənbəllik etməyin. İşgüzar fəaliyyət çevrənizdə maraqlı insanla qarşılaşacaqsınız.

Axşam saatlarını evdən çox da uzaqda olmamaq şərtilə istirahətdə keçirin.

Dolça - ağır fiziki iş və ya inadkar zəhmət tələb edən sahələrdə fəaliyyət o qədər də uğurlu deyil. Mürəkkəb hesablamaların başa çatdırılmasını daha əlverişli zamanadək təxirə salın. Yeni tanışlarla ünsiyyətdə faydalı nəsnələr əldə edə bilərsiniz.

Günün ikinci yarısında qısamüddətli səfər, kiçik işgüzar ezamiyyətlər sərfəli olacaq. Əlavə gəlir mənbələri tapmağa cəhd göstərin.

Müxtəlif insanlarla ünsiyyətdə olun. Qarşı tərəfi dediklərinizə inandırmağınız gərəkdir.

Balıqlar - sözləri təhrif etməyin, intriqa və yalanlara əl atmayın. Uzun müddətdən bəri məşğul olmaq istədiyiniz işlərin ön plana çıxmaları istisna deyil. Onları yenidən ertələmək mümkün deyil.

Günün ikinci yarısı sövdələşmə, müqavilə və anlaşmalar üçün münasib deyil. İşdə rəhbərliklə, yaxud da asılı olduğunuz insanla görüşməyin. İzafi hissiyatı ifrata çatdırmayın.

Yaxınlarınız yaşam tərzini bəyənməyəcək, sizi yenə sərt tənqid edəcəklər. Ailədə münasibətlər gərginləşəcək. Mübahisə, hətta münaqişə istisna deyil.

Ölkə.Az

ŞƏRH YAZ
0

Marsdakı nəhəng çay kanyonları necə yaranıb?

Marsdakı nəhəng çay kanyonları necə yaranıb?
18:47
17.11.2018
11905
Maraqlı
A

 “Ölkə.Az” xəbər verir ki, kanyonlar çayların müntəzəm axması səbəbindən yox, Marsdakı krater göllərinin divarlarının dağılması nəticəsində baş verən subasma səbəbindən yaranıb.

Marsda bu kanyonlar 3.7 milyard ildir ki, mövcuddur. Hazırda alimlər nəhəng su dalğalarının uzaq keçmişdə Mars səthində necə hərəkət etdiyini araşdırırlar.

Son illər alimlər Marsın səthində qədim dövrlərdə çay, göl və okean sularının olduğuna dair işarələr kəşf edirlər. Digər tərəfdən isə, bəzi planetoloqlar düşünürlər ki, qədim dövrdə də Marsın səthi okeanların mövcud olması üçün kifayət qədər soyuq olub və su ancaq vulkanların püskürməsi nəticəsində mayeyə çevrilə bilərdi. Vulkanlar isə milyardlarla il əvvəl püskürüb.

Amma bu yaxınlarda alimlər Marsın ekvatoru yaxınlığında, İstok və Yezero kraterlərində su izləri aşkar edilib. Ehtimal edilir ki, su bir neçə yüz milyon il əvvəl planetin səthi ilə axıb.

Bu kəşf bir çox alimi Marsın səthinə maye suyun necə düşməsi barədə tampacanı çözməyə vadar etdi. Mübahisələr uzun müddət davam etdi. Çünki alimlər kanyonların necə yarandığını bilmirdilər.

Hikmət Həsənov
Ölkə.Az

ŞƏRH YAZ
0
BAĞLA