Alim Qasımov adını sonradan dəyişib
Ustad xanəndə, xalq artisti Alim Qasımovla bağlı maraqlı fakt üzə çıxıb
"Ölkə.Az"-ın əldə etdiyi məlumata görə, sənətkar uşaqlıq illərində başqa bir adı daşıyıb. Bu barədə əməkdaşımızla söhbətində Alim Qasımov məlumatı təsdiqləyib:
"Bəli, uşaqlıqda adım Pənah olub. Sonradan xəstələnmişəm. Orada bir qadın deyib ki, mənim oğlumun adı Alimdir, siz də Alim qoyun. Amma bu, xəstələndiyimə görə olmayıb. Qohum-qonşuda Pənah adına oxşar adlar olub. Onlar deyiblər ki, bu adı bizim ada oxşatmısız, narazılıq ediblər. Valideynlərim də məcbur qalıb, adımı dəyişiblər".
"Alim adı sizə daha doğmadır, yoxsa Pənah" sualına sənətkar zarafatla belə cavab verib:
"Qulağım öz adımı Alim eşidib də. Ona görə də bu ad daha doğmadır".
İntiqam VALEHOĞLU
Ölkə.Az
