Alim Qasımov etirazlara cavab VERDİ

Alim Qasımov etirazlara cavab VERDİ
09:50
16.03.2017
280
Maqazin
A
Xalq artisti Alim Qasımov martın 9-10-da Tehranda Homay Pərvaz adlı şəxslə verdiyi konsertdən sonra yaranmış narazılıqdan danışıb.

Sənətkar "Ölkə.Az"-ın əməkdaşıyla söhbətində bildirib ki, birgə konsert verdiyi şəxsi tanımasa da, sənətini bəyənir:

"Güneydəki soydaşlarımız da konsertə gəlməli, Azərbaycan musiqisini eşitməlidirlər. Homay Pərvaz kimdir, nə səviyyədədir, bilmirəm. Amma çalışqan uşaqdır, sözləri yazır, bəstəkarlıq edir. Sənətini də bəyənirəm. Özünə məxsus yolu var, enerjili adamdır".

Konsertin afişasında "İki divanənin cəncəli" yazılmasına güneyli soydaşlarımızın "iki divanənin yox, bir təlxəklə bir divanənin konserti" formasında reaksiyasına isə xalq artisti belə münasibət bildirib:

"Divanə öz sənətinin aşiqi deməkdir. Burada məsələyə hansı yöndən baxmaq önəmlidir. Paxıllıqla baxırsansa, təlxək kimi görürsən, humanist baxırsansa başqa məsələdir". 

Alim Qasımov Homay Pərvazın "muğam farslarındır, azərbaycanlılar onu öz ləhcələrində oxuyurlar" ifadəsinə isə belə reaksiya verib. Maraqlıdır ki, xalq artisti də muğamın bizim olmadığına işarə vurub:

"Elə söz eşitməmişəm. Əgər eşitsəydim, orada cavabını verərdim. Muğam bizimdir, sizindir ola bilməz. Muğam Şərqindir, hərə də öz dilində oxuyur".

Xatırladaq ki, martın 9-10-da Tehranda keçirilmiş konsert İranda yaşayan azərbaycanlılar tərəfindən birmənalı qarşılanmayıb. Onlar mətbuata açıqlamalarında bildiriblər ki, Homay Pərvaz sənəti olmayan və yüksək maliyyə imkanlarına sahib şəxsdir.


İntiqam VALEHOĞLU
Ölkə.Az

ŞƏRH YAZ
0

Firuzə İbadovanın qızı hicab bağladı — Fotolar

Firuzə İbadovanın qızı hicab bağladı
19:02
26.05.2018
3780
Maqazin
A
Əməkdar artist Firuzə İbadova "Zaurla Günaydın" verilişinə qonaq olub.

"Ölkə.Az"ın məlumatına görə, müğənni proqrama 90 yaşlı anası Hökümə xanımla və qızı Hülya ilə birlikdə qatılıb. 

İbadovanın qızı hicaba keçib. O bildirib ki, artıq bir müddətdir hicab bağlayır.

Qeyd edək ki, Hülya bir neçə il əvvəl həyat yoldaşından boşanıb. Onun  Hökumə adında bir qızı var.

"Ölkə.Az"ın əldə etdiyi məlumata görə Hülya ikinci dəfə ərə gedir.

ŞƏRH YAZ
0

Avtoqəzaya düşən əməkdar artist illər sonra efirdə — FOTOLAR

Avtoqəzaya düşən əməkdar artist illər sonra efirdə
15:15
26.05.2018
5501
Maqazin
A
Azərbaycanın ilk skripka ifaçısı, əməkdar artist Natiq Nuriyev illər sonra efirə çıxıb.

"Space" telekanalında Kamran Həsənlinin aparıcısı olduğu "Onda başladıq" verilişində qonaq olan sənətkarın sağlamlığında problem olduğu üzə çıxıb. Bu barədə "Ölkə.Az"a danışan Nuriyev ağır avtoqəzaya düşdüyünü söyləyib:

"Hava limanına gedən yolda ağır qəzaya düşmüşdüm. Şükür ki, indi hər şey yaxşıdır. Amma yeriməyimdə problem var".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU
Ölkə.Az

 

 

 

ŞƏRH YAZ
0
BAĞLA