Alim Qasımov Türkiyənin məşhur şoumeninin reytinqli proqramında
Xalq artisti Alim Qasımov və Əməkdar artist Fərqanə Qasımova türkiyəli müğənni Yavuz Bingöllə birgə duet oxuyacaq.
"Ölkə.Az" oxu.az -a istinadən xəbər verir ki, duet bu gün Türkiyədə II Beynəlxalq Xalq Musiqisi Festivalı ilə bağlı keçirilən konsertdə səsləndiriləcək.
Hansı mahnıya duet oxunacağı isə açıqlanmayıb.
Eyni zamanda, Alim Qasımov və Fərqanə Qasımova Yavuz Bingöllə birlikdə Türkiyənin məşhur şoumeni və aparıcısı Okan Bayülgenin qonağı olub. Proqramın nə vaxt yayımlanacağı bilinmir.
Qeyd edək ki, Türkiyənin Mədəniyyət Nazirliyi tərəfindən həyata keçirilən festival 24 dekabrdan İstanbulda Bəyoğluda “Grand Pera”da start götürüb.
Ölkə.Az
