Alimlər Kainatın ən parlaq Pulsarını tapdılar
"Ölkə.Az" xəbər verir ki, astronomlar bu günə qədər bilinən ən parlaq və ən uzaq pulsarı kəşf ediblər.
Kəşfə əsasən, ultra parlaq rentgen şüaları pulsar ola bilər. Əvvəllər alimlər bu şüaların qara dəlik olduğunu düşünürdülər. Ultra parlaq rentgen şüaları 1990-cı illərin sonlarında kəşf edilib. Alimlər bu günə qədər onun məhiyyətini izah edə bilmirdilər.
"NGC 5907 X-1" ultra parlaq rentgen şüalarının pulsar olduğu məlum olub. Bu pulsar neytron ulduzlarıdır və güclü və periodik elektro maqnit şüalanma impulsları buraxır. Uzun illərə dayanan müşahidə zamanı müəyyənləşdirilib ki, bu pulsarın şüaları "M87 X-2" pulsarından 10 dəfə daha parlaqdır. "NGC 5907 X-1" bir saniyə ərzində Günəşin 3.5 il ərzində şüalandırdığı qədər enerji şüalandırır.
Yeni pulsar məlum olanlar arasında ən uzaq məsafədə yerləşir. Onun işığı Yerə 50 milyon il ərzində çatır. Alimlər bildirir ki, pulsar dövretmə sürətini tez-tez dəyişir. 2003-cü ildə onun dövretmə periodu 1.43 saniyə olsa da, 2014-cü ildə bu rəqəm 1.13 saniyə təşkil edib.
Hikmət
Ölkə.Az