KORONAVİRUSA YOLUXANLARIN SAYI - CANLI STATİSTİKA

Alimlər mumiya “fabrik”i kəşf etdilər

Alimlər mumiya “fabrik”i kəşf etdilər
17:30
16.07.2018
1915
Dünya
A
Alimlər Qədim Misirin ərazisində, Sakkara vilayətində “mumiya fabriki” aşkar ediblər.

“Ölkə.Az” xəbər verir ki, bu ərazi müstəqil fironlar sülaləsinə məxsusdur və 30 mumiya aşkar edilib. Eyni zamanda bədəni mumiyalamaq üçün istifadə edilən artefaktlar da tapılıb.

Sakkarada qazıntılar bir neçə ildir ki, aparılır. Alimlər üçölçülü lazer skanerlər və radarlardan da istifadə edirlər. İki il əvvəl fironların 26-cı sülaləsinin sərdabələri olan ərazidə qazıntılara start verilib. Alimlər bildirirlər ki, bu sülalənin nümayəndələri Misirin köhnə qüdrətini və şöhrətini geri qaytarmağa cəhd ediblər. Eyni zamanda köhnə mədəniyyət və dini ayinlər bərpa edilib. Fironlar varlılar üçün nəzərdə tutulan sərdabələr inşa etdirirdilər. Bu tədbirlər ölkəni birləşdirə bilərdi və işğalçı assuriyalıları qovmağa kömək edə bilərdi. Amma yüz il sonra Misiri Əhəmənilər imperiyası işğal edir. 

Əvvəlcə komanda XIX əsrin sonlarında kəşf edilmiş firon sərdabələrini tapmağa başlayır. Sərdabənin yaxınlığında imperiyanın məmurlarından biri, II Amasisin qəbri tapılır. Bu qəbir kvadrat formada idi və tipik sərdabəyə bənzəmirdi. 13 metr dərinlikdə olan qəbirin eni və uzunu 5 metrdir.

Alimlər bu məkana daxil olanda unikal mumiya emalatxanası ilə qarşılaşdılar. Burada 35 hazır mumiya, 5 sarkofaq, bir sıra bahalı və adi artefaktlar var idi. Hazırda alimlər yeni kəşf edilən sərdabənin tədqiqi ilə məşğul olurlar.

Hikmət Həsənov
Ölkə.Az

ŞƏRH YAZ
0

Ermənistan ordusunda koronavirus vahiməsi — İrəvan məcburiyyət qarşısında Rusiyadan yardım istədi

Ermənistan ordusunda koronavirus vahiməsi
18:41
Bu gün
924
Dünya
A

Ermənistan  ordusunda koronavirus pandemiyası vüsət aldığından Rusiyadan yardım istədi. Artıq rusiyalı hərbi mütəxəssislər  dünən axşam Ermənistana gəliblər.

“Ölkə.Az” xəbər verir ki, bu barədə Ermənistan Müdafiə nazirliyinin mətbuat katibi Şuşan Stepanyan öz Facebook səhifəsində yazıb. O bildirib ki, Ermənistanda koronavirus pandemiyasının yayılmasının qarşısını almaq üçün rusiyalı hərbi mütəxəssislər  gəlib.

Hələ martın 26-da  bəyanatla çıxış edən Ermənistan Müdafiə naziri David Tonoyan bəyan edib ki, baxmayaraq Ermənistan ordusunun  koronavirus infeksiyasına yoluxmaması üçün bütün addımlar atıldı, ancaq  qorumaq mümkün olmadı və   ordu da virusa yoluxdu. Erməni nazir hələ martın 26-da bəyan etdi ki, 3 erməni hərbçisi koronavirus infeksiyasına yoluxub.  D. Tonoyan bildirib ki, hərbçilər mülki şəxslərlə təmasda olduğundan ordu virusa yoluxdu: “ Nəticədə martın 25-də 3 hərbçidə koronavirus diaqnozu aşkar edilib. Bununla əlaqədar olaraq  32 hərbçi  nəzarətə götürülərək, onlardan analiz götürülüb və karantinə yerləşdiriliblər”.

 Ermənistanın rəsmi etirafına görə, orduda ilk  koronavirus infeksiyasına yoluxanlar  martın 25-də qeydə alınıb. Ancaq qeyri-rəsmi məlumatlara görə, erməni  hərbçiləri arasında koronavirus infeksiyasına yoluxma halı əvvəldən olub. Lakin ordu rəhbərliyi bunu gizlətməyə çalışıb.  Amma onların bu cəhdləri nəticə verməyib. Qeyri-rəsmi məlumatlara görə, erməni ordusunda koronavirus  infeksiyasına yoluxanların sayə rəsmi rəqəmlərdən qat-qat artıqdır. Bunu Ermənistan  Müdafiə naziri David Tonoyanın martın 26-da verdiyi açıqlamadan bir gün sonra nazirliyin mətbuat katibi Şuşan Stepanyanın açıqlaması sübut edir.
Martın 27-də Ermənistan Müdafiə nazirliyinin mətbuat katibi Şuşan Stepyan bəyan edib ki,  orduda koronavirus infeksiyasına yoluxanların sayı 5-ə yüksəlib. Hansı ki, ondan cəmi bir gün öncə nazir bu sayın 3 nəfər olduğunu bəyan etmişdi. Bu bir daha Ermənistan ordusunda  koronavirus infeksiyasına yoluxanların rəsmi rəqəmlərdən qat-qat artıq olduğunu sübut edən amildir.

Ş.Stepanyan onu da bildirib ki, 2 nəfərdə virus aşkar edilsə də, daha 37 hərbçi virusla əlaqədar olaraq testdən keçirilib. Martın 30-da isə Ş. Stepanyan bu sayın 6-ya qalxdığını bəyan edib. 

Ermənistan ordusunda koronavirus infeksiyasəna yoluxma halları genişlənməsi  erməni cəmiyyətində ciddi təşvişə səbəb olub. Artıq erməni ailələri övladlarının taleyindən ciddi narahatlıq keçirir. Ona görə də  Ermənistan Müdafiə Nazirliyi  orduda koronavirus infeksiyasına yoluxan  hərbçilərin sayını maksimum dərəcədə gizlədir.  Ermənistan hakimiyyəti istər orduda, istərsə də ölkədə  koronavirus pandemiyasına qarşı effektiv mübarizə taktikasını seçə bilmədiyindən vəziyyət günü-gündən ağırlaşır. Ermənistan ordusunda koronavirus infeksiyasının genişlənməsi hərbi müttəfiqi Rusiyanı da narahat etməyə başlayıb. Çünki Rusiyanın bu ölkədə böyük sayda hərbçiləri var.Gümrüdə Rusiyaya məxsus 102-ci  hərbi baza,  Erebunidə də rusiyalı hərbçilər yerləşir.  Bundan əlavə olaraq Ermənistan sərhədlərini  rusiyalı hərbçilər  qoruyur.
Ermənistan hökuməti yaranmış durumdan çıxa bilmədiyi və ciddi problemlə üzləşdiyindən Rusiyadan yardım  istəyib. Bu məqsədlə Moskvaya rəsmi müraciət edib. İrəvanın rəsmi müraciətindən sonra Moskva  Ermənistana    koronavirus infeksiyasına qarşı mübarizə üçün mütəxəssislərdən ibarət qrup göndərib.

Ermənistan Müdafiə nazirliyinin mətbuat katibi Şuşan Stepanyan bildirib ki, rusiyalı mütəxəssislər Rusiya Müdafiə naziri Sergey Şoyqu və  erməni naziri David Tonoyan arasında əldə edilən razılıq əsasında gəliblər: “Rusiyalı mütəxəssislər Ermənistana koronavirus pandemiyasının qarşısını almağa yardım etməklə yanaşı,  Rusiya təcrübəsini öyrədəcək və praktik bilgilər verəcəklər”.
 Ş.Stepanyan onu da əlavə edib ki, rusiyalı mütəxəssislər Ermənistan COVİD-19 infeksiyasını  aşakr edən laboratoriya  və dezinfeksiya sistemi gətiriblər.

 Bu bir daha sübut edir ki,  Ermənistan koronavirus pandemiyasına qarşı nəinki  effektiv mübarizə planları var, heç ən elementar avadanlıqlarla təmin olunmayıb. Bunun nəticəsi olaraq vəziyyət getdikcə daha da mürəkkbləşir. Ermənistan rəhbərliyi vəziyyətdən çıxış yolu tapa bilmədiyindən, çıxış yolu kimi ancaq rəsmi rəqəmləri  gizlətməyə çalışır. Ancaq  bunu çox gizlətmək mümkün olmayacaq.

Mürtəza
Ölkə.Az

ŞƏRH YAZ
0

Türkiyədə terrorçular beş dinc sakini öldürdü — Əməliyyat başladı

Türkiyədə terrorçular beş dinc sakini öldürdü
15:17
Bu gün
2161
Dünya
A
Türkiyənin Diyarbəkir vilayətində yerləşən Kulp rayonunda PKK terrorçularının yol kənarında yerləşdirdiyi, kustar üsulla hazırlanmış partlayıcı qurğunun işə düşməsi nəticəsində meşəyə odun toplamağa gedən beş dinc sakin faciəvi şəkildə həlak olub.

“Ölkə.Az” xəbər verir ki, bu barədə məlumatı  “HaberGlobal” yayıb.

Bölgəyə çoxlu sayda jandarm və təcili tibbi yardım dəstələri gəlib.

Təhlükəsizlik orqanları bölgədə genişmiqyaslı əməliyyata başlayıb.

Ölkə.Az

 

ŞƏRH YAZ
0
BAĞLA