Alimlər: “Proksima b planeti həyat üçün əlverişlidir\"

“Ölkə.Az” xəbər verir ki, NASA alimlərinin fikrinə əsasən, bu planet həyat üçün əlverişlidir.

Alimlərin hesablamaları göstərir ki, planetin həyat üçün şərtləri qoruyub saxlamasına aid ən azı bir neçə senari var. Məsələn, əvvəllər planetdə su çox olub. Əgər Proksima b rütubətin 90%-ini itirsə də, böyük bir okeana kifayət edəcək qədər su ehtiyatı var.

Bundan başqa əvvəllər planet hidrogen buludları ilə əhatələnib və bu bulud gənc ulduzların ildırım zərbələrini üzərinə çəkərək buxarlanıb və atmosferi həyat üçün əlverişli edib.

Alimlər planetin müxtəlif atmosfer variantlarına aid üçölçülü modelini hazırlayıblar.

Qeyd edək ki, Proksima b 2016-cı ilin avqust ayında kəşf edilib. Bəzi tədqiqatçıların fikrinə görə isə planetdə günəş aktivliyi həddən artıq çoxdur və planetdə atmosfer və maye halda suyun qalması mümkün deyil.

Hikmət Həsənov
Ölkə.Az