Alimlər yuxusuzluğun səbəbini AÇIQLADILAR

"Ölkə.Az" xəbər verir ki, sadə stresslərdən tutmuş, həyatda baş vermiş qorxuya qədər, ciddi problemlərdən tutmuş, alkoqolizmə qədər bir sıra problem yuxusuluz yarada bilər.

Belə halda problemin həlli çətinləşir və əvvəlcə səbəbləri aydınlaşdırmaq lazım gəlir. Amerikada yuxu akademiyası adlı təşkilat var. Büdcə təşkilatı olsa da, bu qurumun maraqlı tədqiqatları var. Təşkilat yuxunun pozulması və yuxusuzluq vaxtı əqli qabiliyyətin dəyişikliyini araşdırır.

Psixoloqlar 50 nəfər dəvət ediblər və onları iki qrupa ayırıblar. Birinci qrupa heç bir xarici səbəb olmadan yuxusuzluqdan əziyyət çəkənlər daxil edilib. Bu isə o deməkdir ki, nə stres, nə də ağrı bu insanların yuxusuz qalmasına təsir göstərmir.

İkinci qrupa cəlb edilənlər isə normal yuxusu olan, amma xoruldamağı xoşlayanlar olub. 

Qeyd etmək lazımdır ki, əqli və yaş cəhətdən heç bir fərq qoyulmayıb.

Hər iki qrupa getdikcə çətinləşən test sualları verilib. Nəticədə məlum olub ki, hər iki qrup asan sualları rahatlıqla cavablayıb. Amma çətin tapşırıqlarda məsələ dəyişib.

Normal yuxusu olan ikinci qrup yeni təfəkkür vasitəsilə çətin tapşırıqların öhdəsindən gəlib.

Birinci qrup isə, əksinə, beynin əlavə resurslarını işə sala bilməyib və tapşırıqları ya çox çətinliklə həll edib, ya da öhdəsindən gələ bilməyib.

Alimlər belə bir qənaətə gəliblər: "Yata bilməyən beyin ayıla bilməz".

Hikmət Həsənov
Ölkə.Az