KORONAVİRUSA YOLUXANLARIN SAYI - CANLI STATİSTİKA

Alimlərdən qorxulu xəbərdarlıq — Meteorit yağışı olacaq

Alimlərdən qorxulu xəbərdarlıq
08:08
16.06.2019
3083
Dünya
A
“Beta Taurid” hər il 5 iyun-18 iyul arasında baş verən meteorit yağışıdır.

 “Ölkə.Az” xəbər verir ki, meteorit yağışının ən aktiv dövrü 28-29 iyun arasında baş verəcək. Bu dövrdə dünyamız “Encke” quyruqlu ulduzuna aid qalıntılar arasından keçir.

İngiltərənin “The Mirror” qəzetinin xəbərinə əsasən, alimlər bu dağıntılar arasında dünyadakı bəşəriyyətə təhlükə təşkil edə biləcək böyük kosmik qayalar ola biləcəyinə inanırlar. Hətta bəzi alimlər bu qayalardan birinin müasir dövrlərin ən dağıdıcı meteorit təsirinə səbəb ola biləcəyini düşünür. 1908-ci ildə Sibirin Tunqus çayı yaxınlığında Londondan da böyük bir sahə dümdüz olmuşdu və 80 milyon ağac məhv olmuşdu. Tunqus meteoriti kimi bilinən bu hadisədə insan tələfatı olmamışdı. Alimlər bənzər hadisənin çox yaxın vaxtlarda baş verəcəyinə inanırlar.

“Taurid” səma daşı yağışı 1975-ci ildən bu yana ən aktiv dövrünü yaşayacaq.

Ölkə.Az

ŞƏRH YAZ
0

Bu gün Ümumdünya Qida Təhlükəsizliyi Günüdür

Bu gün Ümumdünya Qida Təhlükəsizliyi Günüdür
10:37
Bu gün
838
Dünya
A
7 iyun Ümumdünya Qida Təhlükəsizliyi Günüdür.

"Ölkə.Az" xəbər verir ki, bu barədə Birləşmiş Millətlər Təşkilatının 2018–ci il 20 dekabr tarixli qərarında qeyd edilir. Bu qərar ərzaq təhlükəsizliyinin qida məhsullarının təhlükəsizliyi ilə sıx bağlı olması, dünyada ərzaq istehsalat-təchizat zəncirinin daha da mürəkkəbləşdiyi, qida məhsullarının təhlükəsizliyi ilə bağlı istənilən xoşagəlməz hadisələrin insanların sağlamlığına, ticarətə, ümumilikdə bütün dünya iqtisadiyyatına mənfi təsiri nəzərə alınaraq təsis edilib.

Dünya Səhiyyə Təşkilatının məlumatına əsasən, dünyada hər il müxtəlif kimyəvi, bakteriya, virus, parazit və toksin kimi maddələrlə çirklənmiş qidaların istehlak edilməsi nəticəsində təxminən milyonlarla insanda qida zəhərlənmələri baş verir. Nəticədə Yer kürəsinin hər 10 sakinindən biri tibbi müayinəyə ehtiyac duyur. Təhlükəsiz qida ilə qidalanmadıqda mədə-bağırsaq infeksiyalarından tutmuş xərçəngə qədər 200-dən artıq xəstəliyə yoluxma halı baş verir.

Ümumdünya Qida Təhlükəsizliyi Günü həmin təhlükələrə diqqət çəkmək üçün Kodeks Alimentarius Komissiyasının, BMT-nin Ərzaq və Kənd Təsərrüfatı Təşkilatının, Dünya Səhiyyə Təşkilatının təşkilatçılığı ilə qeyd edilir.

Qeyd edək ki, Azərbaycanda qida təhlükəsizliyinin təmin olunması məqsədilə Prezident İlham Əliyevin 2017-ci il 10 fevral tarixli “Azərbaycan Respublikasında qida təhlükəsizliyi sisteminin təkmilləşdirilməsi ilə bağlı əlavə tədbirlər haqqında” Fərmanı ilə Azərbaycan Respublikasının Qida Təhlükəsizliyi Agentliyi yaradılıb. 

ŞƏRH YAZ
0

Bill Qeyts iddialara cavab verdi — Peyvəndləşmə adı ilə çip yerləşdiriləcək?

Bill Qeyts iddialara cavab verdi
10:20
Bu gün
1020
Dünya
A
Bir çoxları iddia edir ki, Bill Qeyts insanları COVID-19 əleyhinə peyvəndləşdirmək adı altında çipləşdirmək niyyətindədir. Dünya şöhrətli milyarder nəhayət ki, sui-qəsd nəzəriyyəsi barədə haqqında yayılan şayiələrə aydınlıq gətirib.

"Ölkə.Az" publika.az-a istinadən xəbər verir ki, "Microsoft"un qurucusu aylarla internetdə yayılan şayiələrə münasibət bildirib.

"Heç vaxt mikroçiplərlə məşğul olmamışam. Bu qədər axmaq və ya qəribə olduğu üçün bunu inkar etmək yersizdir", - deyə Qeyts "Business Insider"ə açıqlamasında bildirib.

Bill həmçinin bu cür açıqlamaların insanları bir-birinə qarşı qoyması ilə nəticələndiyini söyləyib:

"Peyvənd hazır olduqda kütləvi immunitetin yaranmasına nail olmalıyıq ki, əhalinin təxminən 80%-i peyvənd olunsun. Ancaq peyvəndlərin vurulmasının hiyləgərlik və ya zərərli olduğunu düşünsələr, xəstəlik insanları öldürməyə davam edəcək. Odur ki, bütün bu çılğın fikirlərin mövcudluğundan bir az narahatam".

Yeri gəlmişkən, "Yahoo News"un sorğusuna görə, amerikalıların 28%-i sui-qəsd nəzəriyyəsinə inanır. Bu, nəhəng bir ölkənin əhalisinin üçdə bir hissəsini təşkil edir.

Qeyd edək ki, dünən "Bill Melinda Gates Foundation" vəqfi yoxsul ölkələrə həyati vacib vaksinlər təqdim etmək üçün növbəti beş il ərzində Peyvəndlənmə və İmmunlaşdırma üzrə Qlobal Alyansa 1,6 milyard dollar göndərəcəyini açıqlayıb, onun 100 milyon dolları koronavirus peyvəndinə xərclənəcək". 

Ölkə.Az

ŞƏRH YAZ
0
BAĞLA