Alimlərdən yeni kəşf
Alimlər Marsda su olduğunu bildiriblər.
"Ölkə.Az" xəbər verir ki, ABŞ-ın Con Hopkins universitetinin bir qrup alimi bu qənaətə gəlib. Alimlərdən ibarət qrup "Mars Odyssey" orbital aparatının məlumatlarını yenidən incələyiblər.
Aparat Marsın üzərində 4 min kilometrlik məsafədə uçur. Bu səbəbdən qruntda olan suyun miqdarını müəyyənləşdirə bilmir. Amma aparat kosmik şüaların suyun tərkibinə daxil olan hidrogenlə toqquşması nəticəsində yaranan neytronları qeydə alır. Yeni statistik üsul vasitəsilə müəyyən edilib ki, Qırmızı Planetin daha isti regionlarında torpağın altında buz qismində su qatları var.
Alimlərin fikrinə görə bir neçə milyon il əvvəl Marsın oxu başqa bucaq altında əyilib. Bu səbəbdən ekvatorda çoxlu miqdarda buz toplaşıb.
Hikmət Həsənov
Ölkə.Az
