AzTv sədrinin məhkəmə işi — DİN əməkdaşı ifadə verdi (YENİLƏNİB)

AzTv sədrinin məhkəmə işi
14:25
23.05.2018
3157
Ölkə
A
Bu gün Bakı Ağır Cinayətlər Məhkəməsində "Azərbaycan Televiziya və Radio Verilişləri” QSC-nin sədri Arif Alışanova qarşı dələduzluq etməkdə və onu öldürməyə cəhddə təqsirləndirilən Şücayət Əkbərov, Qoçəli Cəbiyev, Zöhrab Şirinov və Aqşin Hüseynovun cinayət işi üzrə məhkəmə iclası davam etdirilib.

"Ölkə.Az"ın məlumatına görə, hakim Əfqan Hacıyevin sədrliyi keçirilən prosesdə Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşı Rövşən Camalov ifadə verib. O, A. Alışanovu öldürməyə cəhd epizodu üzrə danışıb: 

"Bir nəfər idarəyə yaxınlaşaraq, Arif Alışanova qarşı sui-qəsdlə bağlı məlumat verib. Daxil olan məlumat dərhal rəisə məruzə olundu. Rəhbərlik dərhal həmin şəxsin müraciəti əsasında araşdırma əmri verdi. Həmin şəxs bildirdi ki, 600 min manat müqabilində Arif Alışanovu öldürmək istəyiblər. Bu isə bizə əvvəlcə inandırıcı gəlmədi. Bunun üçün müraciət edən şəxsə sui-qəsdin təşkil olunacağı yeri əvvəlcədən bizə deməsini tələb etdik, ona əlaqə nömrəsi verdik. Bir müddət keçdikdən sonra o bizə Şamaxıda Arif Alışanovun hovuz kənarında təqsirləndirilən şəxslər tərəfindən güllələnəcəyini dedi. Dərhal hadisə yerinə post patrul əməkdaşları göndərildi və sözügedən cinayət faktı baş tutmadı. Ondan sonra Şamaxıda Arif Alışanova sui-qəsd olunacağı haqqında məlumat aldıq, lakin bu təsdiqini tapmadı. Sonra həmin şəxs başqa bir istiqamətdə Arif Alişanova sui-qəsd olacağını bildirdi. Ağsudan Şamaxı istiqamətində hərəkət edən Şücayət Əkbərovun içində olduğu avtomobilə baxış keçirməyimizi istədi. Bu istək əsasında avtomobil Şamaxı yolunda saxlanıldı. Həmin avtomobilə baxış zamanı xeyli sayda silah-sursat aşkarlandı. Şücayət Əkbərov ifadəsində bu silahları ona deyil, başqasına məxsus olduğunu bildirdi".

Proses mayın 25-də davam etdiriləcək.

 

***

Arif Alışanovun qardaşı məhkəmədə ifadə verib, təqsirləndirilənlər zaldan çıxarılıb

"Ölkə.Az"ın xəbərinə görə, hakim Əfqan Hacıyevin sədrliyi ilə keçirilən prosesdə zərərçəkmiş qismində A.Alışanovun sürücüsü Hacı Babayev təqsirləndirilən şəxsin vəkilinin ona verilən suallarını cavablandırıb.

Bildirib ki, torpaqların alqı-satqı işini təqsirləndirilən Ş.Əkbərov həyata keçirib: "Mən yalnız sənədlərə qol çəkmişəm. Torpaqların alınması üçün Arif Alışanov mənim adıma etibarnamə verməyib. Şücayət torpaqları Arif müəllimin pulu ilə alırdı. Torpaqların alınması məsələsini də Şücayətdən Arif Alışanovun özü xahiş edirdi".

O söyləyib ki, təqsirləndirilən şəxslər tərəfindən sui-qəsd olunan zaman ona heç bir zərər dəyməyib.

Təqsirləndirilən Ş.Əkbərov zərərçəkmişə etiraz edib. O qeyd edib ki, A.Alışanov H.Babayevin adına 340 hektar torpaq alıb. Həmin torpaqlara 7 milyon manat pul verib, 98 alqı-satqı olub".

Daha sonra şahidlər dindirilib. Şahid qismində ifadə verən Vidadi Cəfərov bildirib ki, A.Alışanov onun qayınıdır: "Kənd təsərüfatı qurmaq üçün 200 min manat pul vermişəm. 2017-ci ildə Arif Alışanovun aldadılmasını eşitdim".

Şahid V.Cəfərov təqsirləndirilən şəxslərə "şərəfsiz" sözü işlədib. Bu zaman onun təqsirləndirilən Ş.Əkbərovla aralarında mübahisə yaranıb.

Hakim şahidi zaldan çıxardıb.

Digər şahid Etibar Bağırov dindirilən zaman A.Alışanova 1 milyon 800 min manat pul verdiyini vurğulayıb: "Arif müəllim də pulu Şucayətə verib. Belarusda biznesim var, özüm də idman müəllimiyəm".

Şahid Kamal Nəbiyev AZTV-də çalışdığını, A.Alışanovun müəyyən işlərini gördüyünü bildirib. O, bir neçə torpaq alqı-satqısında iştirak etdiyini ifadə edib: "Arif müəllim pulu Şücayətə verirdi, o da sayıb götürürdü".

Şahidin dindirilən zaman Ş.Əkbərovla onun arasında mübahisə düşüb. Ş.Əkbərov onu təhqir edib.

Məhkəmə təqsirləndirilən şəxslərin zaldan çıxarılması barədə qərar verib. Yalnız A.Hüseynov məhkəmə zalında saxlanılıb.

Proses onların iştirakı olnadan davam etdirilib.

Şahid qismində A.Alışanovun qardaşı da ifadə verib. O bildirib ki, 2012-ci ildən torpaq alınması ilə bağlı qardaşı A.Alışanovla məsləhətləşib: "200 min manat pul verdim. Özüm Şamaxıya getməmişəm".

İttiham aktına əsasən, Ş.Əkbərov 2013-cü ilin iyulundan 2017-ci ilin yanvarınadək olan dövr ərzində Şamaxı rayonunda və Bakı şəhərində külli miqdarda özgə əmlakını və əmlaka olan hüquqları aldatma və etibardan sui-istifadə yolu ilə ələ keçirmək məqsədilə dələduzluq edərək yaratdığı mütəşəkkil dəstə tərkibində qanunsuz silah, döyüş sursatı əldə edib saxlayaraq, daşıyıb-gəzdirib, başqa cinayəti gizlətmək məqsədilə, tamah niyyətli və sifarişlə iki və daha çox şəxsi təkrarən qəsdən öldürməyə cəhd edib. O, həçinin A.Alışanovun 4 milyon 641 min 696 manatlıq əmlakını da ələ keçirməkdə təqsirli bilinir.

Cinayət materialına əsasən, Ş.Əkbərov həmin pul vəsaitləri və əmlakları geri qaytarmaq məqsədilə yaxın münasibətlərdə olduğu Qoçəli Cəbiyev, Zöhrab Şirinov və Aqşin Hüseynovla dələduzluq cinayət əməlini gizlətmək üçün A.Alışanovu öldürmək istəyiblər. Ş.Əkbərov bunun müqabilində dəstə üzvlərinə 600 min manat pul vəd edib.

Polis əməkdaşları Ş.Əkbərovu, Q.Cəbiyevi, A.Hüseynovu və Z.Şirinovu saxlayıb. Məhkəmənin qərarı ilə Ş.Əkbərov, Q.Cəbiyev, A.Hüseynov və Z.Şirinovun barəsində həbs qətimkan tədbiri seçilib.

Ş.Əkbərov Cinayət Məcəlləsinin 29,120.2.1-ci (qəsdən adam öldürməyə cəhd, bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 29,120.2.5-ci (tamah məqsədi ilə və ya sifarişlə, habelə zərərçəkmiş şəxsin orqanlarından və ya toxumalarından istifadə etmək məqsədi ilə adam öldürməyə cəhd), 29,120.2.6-cı (başqa cinayəti gizlətmə və ya onun törədilməsini yüngülləşdirmə məqsədi ilə, habelə zorlama və ya seksual xarakterli başqa zorakı hərəkətlərlə əlaqədar adam öldürməyə cəhd), 29,120.2.7-ci (iki və ya daha çox şəxsi öldürməyə cəhd), 29,120.2.10-cu (təkrar adam öldürməyə cəhd), 178.3.2-ci (dələduzluq, külli miqdarda törəldildikdə), 228.3-cü (qanunsuz olaraq odlu silah qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunur.

Digər şəxslərin barəsində isə 29,120.2.1, 29,120.2.5, 29,120.2.6, 29,120.2.7, 29,120.2.10, 228.3-cü maddələrlə ittiham irəli sürülüb.

ŞƏRH YAZ
0

Əlverişsiz hava şəraiti Biləsuvar və Cəlilabadda nəqliyyatın hərəkətini çətinləşdirib — FOTO

Əlverişsiz hava şəraiti Biləsuvar və Cəlilabadda nəqliyyatın hərəkətini çətinləşdirib
00:59
Bu gün
951
Ölkə
A
Biləsuvar və Cəlilabad rayonlarında dumanlı hava şəraiti nəqliyyatın hərəkətini çətinləşdirib.

"Ölkə.Az" report-a istinadən bildirir ki, duman axşam saatlarından etibarən Biləsuvar rayonu ərazisində və yeni Ələt-Astara avtomobil yolunun Cəlilabad rayonundan keçən hissəsində müşahidə edilir. 

Görmə məsafəsi azaldığından nəqliyyat vasitələri aşağı sürətlə hərəkət edir.

Dumanlı hava şəraiti həmçinin Biləsuvar rayonunun kəndlərarası yollarında da nəqliyyatın hərəkətində problem yaradıb.

Qeyd edək ki, dünən səhər saatlarında da oxşar hava şəraiti hökm sürüb.

Ölkə.Az

ŞƏRH YAZ
0

"O aqressiv idi, ailəsindən şikayət edirdi" — MƏHKƏMƏ İŞİ

00:13
Bu gün
1586
Ölkə
A
Bakı Ağır Cinayətlər Məhkəməsində Narkoloji Mərkəzdə baş verən yanğınla bağlı həbs edilənlər - Mərkəzin direktoru Telman Məmmədhəsənov, Mərkəzin təhlükəsizlik üzrə mühəndisi, yanğın təhlükəsizliyinə cavabdeh şəxs Mahir Abdullayev, yanğını törətməkdə təqsirləndirilən Məhəmməd Məmmədov və onun həkimi, şöbə müdiri Afət Məmmədovanın cinayət işi üzrə məhkəmə prosesi davam etdirilib.

"Ölkə.Az" oxu.az-a istinadən bildirir ki, hakim Azər Paşayevin sədrliyi ilə keçirilən prosesdə şahid qismində mərkəzdə tibb bacısı işləyən Leyla Məmmədova ifadə verib.

O deyib ki, təqsirləndirilən şəxslərdən Məhəmmədi tanıyır:

“Məhəmmədin vəziyyəti yaxşı deyildi, çox ağır xəstə idi. Həkimlər onu müayinə edib, evə buraxırdılar, amma Məhəmməd yenə gəlirdi. O biraz aqressiv idi, ailəsindən şikayət edirdi. Axır vaxtlar xəstələrlə də danışmırdı, özünə qapanmışdı”. 

Şahid deyib ki, hadisə günü növbəli rejimdə işlədiyi üçün yanğın barədə ertəsi gün xəbər tutub. 

Proses yanvarın 29-da davam etdiriləcək. 

Ölkə.Az

ŞƏRH YAZ
0
BAĞLA