KORONAVİRUSA YOLUXANLARIN SAYI - CANLI STATİSTİKA

Allahşükür Paşazadə Vyanaya səfərə gedir

Allahşükür Paşazadə Vyanaya səfərə gedir
15:45
13.06.2019
1566
Ölkə
A
Qafqaz Müsəlmanları İdarəsinin (QMİ) sədri Şeyxülislamın rəhbərlik etdiyi nümayəndə heyəti 16-21 iyun tarixlərində Avstriya Respublikasında səfərdə olacaq. Səfər müddətində Vyana şəhərində bir sıra görüş və tədbirlər nəzərdə tutulur.

QMİ-nin Mətbuat xidmətindən "Ölkə.Az"a verilən məlumata görə, Şeyxülislam A.Paşazadə iyunun 17-də KAİCİİD Beynəlxalq dinlərarası və mədəniyyətlərarası dialoq Mərkəzinin üzvü olduğu Direktorlar Şurasında BMT Baş Katibinin müavini, Sivilizasiyalar Alyansının Ali nümayəndəsi M.A.Moratinos ilə görüşdə, iyunun 18-də isə Direktorlar Şurasının növbəti sessiyasında iştirak və çıxış edəcəkdir.

19 iyun 2019-cu il tarixində Avstriyanın paytaxtı Vyana şəhərinin “Hofburq” sarayında QMİ nəzdində Bakı Beynəlxalq dinlərarası və sivilizasiyalararası əməkdaşlıq Mərkəzi, KAİCİİD Beynəlxalq dinlərarası və mədəniyyətlərarası dialoq Mərkəzi, Cenevrə İnsan hüquqları və qlobal dialoq Mərkəzi və Azərbaycan Respublikasının Avstriya Respublikasındakı Səfirliyinin birgə təşkilatçılığı ilə "Dinlərarası və sivilizasiyalararası əməkdaşlıqdan bəşəri həmrəyliyə" mövzusunda Beynəlxalq Konfrans keçiriləcək.

Beynəlxalq Konfransın təşkili Azərbaycan Respublikasının Prezidenti İlham Əliyevin irəli sürdüyü Azərbaycanın multikulturalizm modelinin təbliğinin bəşəri önəmindən, dinlər və sivilizasiyalararası dialoq və əməkdaşlığın inkişaf etdirilməsinin müasir dünyanı narahat edən problemlərin aradan qaldırılmasında müstəsna əhəmiyyət kəsb etməsindən irəli gəlir.

Vyana Beynəlxalq Konfransında ümumilikdə 300-ə yaxın nümayəndənin -- dünyanın 30-dan artıq ölkəsini təmsil edən dövlət, ictimaiyyət, elm və din xadimləri, həmçinin, 5 beynəlxalq və 16 qeyri-hökumət təşkilatlarının rəhbərləri, o cümlədən, BMT Baş Katibinin müavinləri - M. A. Moratinos və R.Xalikov, Avstriya tərəfdən Federal Hökumətin və Parlamentinin nümayəndələri, habelə Avstriyada akkreditə olunmuş səfirliklərin və beynəlxalq təşkilatların, dini konfessiyaların nümayəndələri iştirak edəcəklər.

Azərbaycan nümayəndə heyətinə ölkənin tanınmış dövlət, din və elm xadimləri daxildirlər. Səfər çərçivəsində Avstriya rəsmiləri ilə görüşlər planlaşdırılır.

Konfransın əsas müzakirə mövzuları sırasında sivilizasiyalararası və dinlərarası əməkdaşlığın bəşəri həmrəyliyə doğru inkişafı dünyada sülhün bərqərar olmasına xidmət edir; terrorizm, ekstremizm, separatizm və ksenofobiya dinlərarası əməkdaşlığa təhdid kimi; gənclərin maarifləndirilməsində, mədəni və mənəvi irsin qorunmasında sivilizasiyalararası və dinlərarası əməkdaşlığın rolu; İnsan hüquqları sahəsində, qadın və uşaq haqlarının qorunmasında din, dövlət, elm və ictimaiyyət xadimlərinin birgə fəaliyyətinin vacibliyi kimi aktual tematikalar yer alıb.

Ölkə.Az

ŞƏRH YAZ
0

Bakıda qadın qızının 27 yaşlı sevgilisini bıçaqlayıb — MƏHKƏMƏ

Bakıda qadın qızının 27 yaşlı sevgilisini bıçaqlayıb
13:16
Bu gün
635
Ölkə
A
Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Aynurə Qafarovanın cinayət işi üzrə məhkəmə prosesi başlayıb.

"Ölkə.Az" xəbər verir ki, hakim Səbuhi Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

İş üzrə məhkəmənin baxış iclası iyunun 9-na təyin olunub.

İttihama görə, hadisə Xətai rayonunda baş verib. Rayonun Nəsrəddin Tusi küçəsində 27 yaşlı Kənan Binnətov A.Qafarova tərəfindən bıçaqlanıb. Yaralı ağır vəziyyətdə xəstəxanaya çatdırılaran yaralıya qarın boşluğunun kəsilmiş-deşilmiş yarası diaqnozu qoyulub. Dərhal əməliyat olunan Kənan Binnətovun həyatını xilas etmək mümkün olub.

Xətai Rayon Polis İdarəsinin 35-ci Polis Bölməsinin əməkdaşları tərəfindən hadisəni törətməkdə şübhəli bilinən Aynurə Qafarova həbs edilib.

İlkin məlumata görə, Kənan Binnətov hadisəni törədən şəxsin qızı ilə münasibətdə olsa da, sonradan onunla evlənməkdən imtina edib. Nəticədə A.Qafarova K.Binnətovu bıçaqlayıb.

A.Qafarova barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.

Ölkə.Az

ŞƏRH YAZ
0

Bakıda 18 yaşlı gənc yataqxananın zirzəmisində həmyerlisini bıçaqladı — MƏHKƏMƏ

Bakıda 18 yaşlı gənc yataqxananın zirzəmisində həmyerlisini bıçaqladı
12:50
Bu gün
1690
Ölkə
A
Bakı Ağır Ciayətlər Məhkəməsində həmyerlisini bıçaqlamaqda təqsirli bilinən Məhəmmədəli Məmmədzadənin cinayət işi üzrə məhkəmə iclası keçirilib.

"Ölkə.Az" xəbər verir ki, hakim Əhməd Quliyevin sədrliyi ilə keçirilən iclasda təqsirləndirilən şəxsin anket məlumatları dəqqiləşdirilib.

İş üzrə məhkəmə baxış iclası iyun ayının 11-nə təyin olunub.

Qeyd edək ki, cinayət hadisəsi Bakının Binəqədi rayonunda baş verib.

1989-cu il təvəllüdlü Cəbrayıl rayon sakini Orucov İlqar Məhəmmədəli oğlu yaşadığı yataqxananın zirzəmisində Məhəmmədəli Məmmədzadə tərəfindən bıçaqlanıb.

5 bıçaq zərbəsi alan İlqar 1 nömrəli Kliniki Tibbi Mərkəzinə çatdırılıb. Onun həyatını xilas etmək mümkün olub.

İstintaq orqanı tərəfindən 18 yaşlı Məhəmmədəliyə Cinayət Məcəlləsinin 29, 120-ci ( qəsdən adam öldürməyə cəhd) maddəsilə ittiham irəli sürülüb.

Daha sonra onun əməl Cinayət Məcəlləsinin 126.1-ci (qəsdən sağlamlığa ağır zərər vurma” maddəsinə tövsif edilib.

Ölkə.Az

ŞƏRH YAZ
0
BAĞLA