“Allahu-Əkbər” qışqıran 40 yaşlı kişi fransız xalqını təşvişə saldı

“Ölkə.Az” xəbər verir ki, “Depeche” qəzetinin yazdığına görə, həmin şəxs “Allahu-Əkbər” deyə qışqırıb. Hadisə şahidləri deyir ki, həmin şəxsi sakitləşdirmək mümkün olmayıb.

“Biz həmin insanla danışmaq istədik. Lakin onu sakitləşdirmək mümkün olmadı. Əvvəlcə oğluma hücum etdi. Sonra bıçaqla qızımı yaraladı”, - deyə hadisə şahidi bildirib.

Baş verənlərdən qorxuya düşən camaat polisə xəbər veriblər. Hadisə yerinə gələn hüquq-mühafizə orqanlarının əməkdaşları bıçaqla silahlanan şəxsi sakitlşdirməyə çalışıblar. Lakin həmin adam polislərə də hücum edib.

Nəticədə üçü polis əməkdaşı olmaqla 7 nəfər xəsarət alıb. Yaralıların bir neçəsi xəstəxanaya yerləşdirilib.

Hadisəni törədən 1975-ci il təvəllüdlü, şəxsiyyəti açıqlanmayan həmin şəxs polis tərəfindən saxlanılıb. Araşdırmalar zamanı onun ruhi xəstəlikdən əziyyət çəkdiyi və bir müddətdir müalicə aldığı məlum olub.

Ziya Səccad
Ölkə.Az