Allergik göz xəstəliklərinin sayı artıb

Allergik göz xəstəliklərinin sayı artıb
21:54
13.06.2018
1984
Hadisə
A
Hazırda gözlərin zədələnməsi ilə gedən allergik xəstəliklərin sayının artmasında nəzərəçarpacaq dərəcədə artım qeyd edilir.

"Ölkə.Az" xəbər verir ki, bunu Trend-ə Akademik Zərifə Əliyeva adına Milli Oftalmologiya Mərkəzinin Elmi təşkilati bölməsinin rəhbəri, tibb üzrə fəlsəfə doktoru Yazgül Abdiyeva bildirib.

Y.Abdiyevanın sözlərinə görə, allergik xəstəliklərin sırasına allergik konyunktivitlər, allergik keratokonyunktivitlər və pollinozu olan pasientlərdə gözlərin mövsümi zədələnməsi daxildir.

Y.Abdiyeva deyib ki, allergik xəstəliklər arasında allergik konyunktivit rastgəlmə tezliyinə görə siyahıda birinci yerdə dayanır.

Mərkəzin bölmə rəhbəri əlavə edib ki, allergik konyunktivit gözün konyunktiva qişasının allergik iltihabi xəstəliyidir:

Y.Abdiyeva allergik konyunktivitin daha çox gənc yaşlı insanlarda rast gəlindiyini də söyləyib.

Həkimin sözlərinə görə, çox saylı tədqiqatlara əsasən, pasientlərin 20-40%-də allergik konyunktivitin simptomları digər allergik patologiyalarla rast gəlinir. Allergik konyunktivit zamanı gözlər toz dənəciklərinə, gül pulcuqlarına va başqa allergenlərə qarşı həssas olaraq qızarır, qaşınır və su axır:

"Allergik konyunktivit gözün allergenə qarşı iltihabi reaksiyasıdır. Konyunktiva qişası göz almasının və göz qapaqlarının daxili qatını örtür. Əsasən mövsümi (toz, gül tozları) allergenlərə qarşı qıcıqlanma baş verə bilər. Bu həmçinin orqanizmin allergenə reaksiyasıdır".

İnsanların bu xəstəliklə bağlı bəzi məlumatları bilməsini vacib sayan Y.Abdiyeva bildirib ki, allergik konyunktivitin formalarından biri olan kəskin allergik konyunktivit əsasən, allergik mövsumlərdə müşahidə edilir. Bu xəstəlik zamanı göz qapağı kəskin şişir, qaşınır və yandırır: "Bu zaman burundan su da gələ bilər. Xroniki allergik konyunktivit dərman, qida, heyvan tüklərinə qarşı reaksiya zamanı müşahidə olunur. Xroniki allergik konyunktivit il ərzində baş verir. Bu zaman simptomplar kəskin allergik konyunktivitdən daha yüngül olur. Simptomlara gözdə qaşınma və işığa həssaslıq aiddir".

Y.Abdiyeva qeyd edib ki, allergik konyunktivit kəskin hiperhəssaslıq mexanizmi ilə, yəni allergen ilə kontaktdan dərhal sona yaranır:

"Göz almasının anatomik quruluşu onun müxtəlif allergenlərlə təmasını asanlaşdırır. Allergenlər məişət (gənə, ev tozu, kitabxana tozu, balış və döşəklərdə olan tüklər), epidermal (heyvani yun və qabıq, tük, lələk, balıq qidaları ), toz (müxtəlif bitkilərin tozu) mənşəli ola bilər. Kosmetika, həmçinin məişət kimyasına qarşı allergiya yarana bilir. Çox nadir hallarda qidaya qarşı allergik konyunktivit müşahidə oluna bilər. Allergik konyunktivit zamanı simptomlar allergenlə kontaktdan dərhal və ya 12-24 saat ərzində baş verə bilər. Simptomlar bir qayda olaraq hər 2 gözdə olur. Bir gözdə allergiyanın olması tipik bir hal deyil, lakin bəzən ola bilər. Əsas simptomlara intensiv qaşınma, qızartı, yaşaxma və qapaq şişkinliyi aiddir. Fəsadlı formada işıqdan qorxma da müşahidə oluna bilər".

Mütəxəssis əlavə edib ki, müalicə düzgün aparılmadıqda və infeksiya prosesə qoşulduqda irinli ifrazat da müşahidə oluna bilər:

"Allergik konyunktivitin müayinəsi ilə 2 mütəxəssis - allerqo-immunoloq və oftalmoloq məşğul olur. İlk olaraq, oftalmoloqa müraciət etmək lazımdır. Xəstəliyin müalicəsi üçün antihistamin göz damcıları, həbləri qəbul edilməlidir. Xəstəyə kəskin formada steroidlər də təyin oluna bilər. Xəstəliyin ev şəraitində müalicəsi üçün pəncərə bağlı qalmalı, ev tozlardan təmiz saxlanılmalı, hava təmizləyicilərdən istifadə edilməli, kimyəvi iylərdən, rənglərdən və parfümdən uzaq dayanılmalı, gözlər qaşınmamalı və sürtülməməlidir. Gözdə qaşınma olduqda soyuq kompresdən istifadə etmək olar, çünki soyuq kompres nəticəsində iltihab və qaşınma azalır".

Ölkə.Az

ŞƏRH YAZ
0

Kəndlilərin canına və malına qənim kəsilən canavarlar — VİDEO

Kəndlilərin canına və malına qənim kəsilən canavarlar
15:11
Bu gün
636
Hadisə
A
Son zamanlar ayrı-ayrı bölgələrdə canavarların insanlara və onların təsərrüfatlarına hücumu ilə bağlı məlumatlara rast gəlirik.

"Ölkə.Az" ARB TV-yə istinadən xəbər verir ki, havaların soyuq keçməsi ilə əlaqədar kənd yerlərinə hücum etmək istəyən canavarların sayı artıb. Sakinlər meşələrdən qaçan heyvanların onların evlərinə, şəxsi təsərrüfatlarına, mal-qaralarına ziyan vurmasından şikayətlənirlər. Yerli sakinləri ən çox narahat edən məqam isə, canvarların quduz olma ehtimalıdır.

Sakin: “Təmas xətti olduğu üçün burada çaqqal və canavarlar tez-tez görünür. İnsana və heyvana hücum edir”.

Sakin: “Heyvanımıza zərər verir. Kənd camaatı ilə birgə köməkləşib qovuruq gedirlər”.

Goranboyun Boluslu və Eyvazlılar kəndinə canavarların hücum edərək qoyunları parçalaması isə vəziyyəti bir qədər dəyişib. Ekologiya və Təbii Sərvatlər Nazirliyi bununla bağlı işçi qrupu yaradılıb.

Hikmət Əlizadə - ETSN-nin nümayəndəsi: “Vəhşi heyvanların ərazidən qovulması üçün müxtəlif üsullardan istifadə edərək uzaqlaşdırmaq və yaxud ehtiyac olarsa, kənd ərzailərində həmin heyvanların sayının tənzimlənməsi həyata keçiriləcək”.

Ekoloqlar isə canavarları öldürərək təbiətdən kənarlaşdırmağı düzgün hesab etmirlər.

Onların fikrincə, canavarlar nəsli kəsilməkdə olan heyvan növünə daxildir. Hətta ötən illə müqayisədə canavarların sayının kəskin azalması halları da müşahidə olunur.

Sakit Hüseynov – Ekoloq: “Bütün bioloji müxtəliflik qorunmalıdır. Əvvəlki illərlə müqayisədə planetimizdə bioloji müxtəliflik azalır. İstər bitki, istər heyvanat aləmini qorumaq lazımdır”.

Qeyd edək ki, Azərbaycan 1999-cu ildən Avropada vəhşi təbiətin qorunması konvensiyasının üzvüdür. Həmin konvensiyaya görə, canavarların ovlanması qanun pozuntusu hesab edilir. Və inzibati xətalar məcəlləsinin müvafiq maddəsi ilə 1000-2000 manat məbləğində cərimə tətbiq edilir.

Ölkə.Az

ŞƏRH YAZ
0

Sabunçu Rayon Məhkəməsində insident — Hakim və prokurora fiziki təzyiq göstərildi

Sabunçu Rayon Məhkəməsində insident
14:55
Bu gün
606
Hadisə
A
Sabunçu Rayon Məhkəməsində insident baş verib.

"Ölkə.Az"ın Report-a istinadən məlumatına görə, T.Səfərova məhkəmə iclasına sədrlik edən hakim Süleyman Ağayevə qarşı fiziki təzyiq göstərib.

Belə ki, oğurluqda təqsirləndirilən O.Səfərovun anası T.Səfərova dövlət ittihamçısının çıxışından sonra məhkəmə zalına daxil olub.

O, əvvəlcə prosesə sədrlik edən hakimin üzərinə gedib. Qadın hakim S.Ağayevə qarşı fiziki təzyiq edəndən sonra dövlət ittihamçısının yaxasından tutub. Bu zaman məhkəmə iclasında olan nəzarətçilər T.Səfərovanı zaldan çıxarıblar.

Məlumata görə, Sabunçu Rayon Məhkəməsinə hüquq-mühafizə orqanları əməkdaşları çağırılıb.

T.Səfərovanın psixi problemlərinin olduğu bildirilir.

Ölkə.Az

ŞƏRH YAZ
0
BAĞLA