Alma emalı müəssisələri yaradılır — FOTO

Alma emalı müəssisələri yaradılır
22:32
08.05.2019
631
İqtisadiyyat
A
Artıq super intensiv bağların salınması ənənəvi bağların zamanla səmərə verməməsinə səbəb olub.

"Ölkə.Az" oxu.az-a istinadən bildirir ki, Qubada uzun illərdir almaçılıqla məşğul olan fermerlər satışla bağlı çətinliklər çəkirlər.

Satılmayan məhsul ya çaylara tökülür, ya da bağlarda məhv olur.

Problemin həlli ilə bağlı isə regionda meyvə emalı müəssisələri yaradılır. Alma məhsulundan ilk dəfə çipsi hazırlanaraq xarici bazara göndərilir.

Mütəxəssislər meyvə emalı müəssisələrinin yaradılmasının müsbət nəticələr verəcəyini deyirlər. Yaradılan müəssisələr də alma ilə yanaşı, digər məhsulların da satışındakı çətinlikləri aradan qaldıracaq.

Artıq Qubada meyvə emalı müəssisələrinin sayı artıb. Xüsusən ikinci və üçüncü növ meyvələri alan müəssisələr müxtəlif məhsullar istehsal edərək ölkədaxili ilə yanaşı xarici bazara da məhsul göndərirlər. “Made in Azerbaijan” brendi ilə satışa göndərilən məhsullar ölkənin xaricdə tanınması baxımından əhəmiyyətlidir.

Mütəxəssislər emal müəssisələrinin çox olmasının rəqabət mühiti yaradaraq təsərrüfatçılardan daha yaxşı qiymətlə məhsul almağa şərait yaradacağını deyirlər.

 

ŞƏRH YAZ
0

Qeyri-neft sektorunda məhsul istehsalı 15 faiz artıb

Qeyri-neft sektorunda məhsul istehsalı 15 faiz artıb
17:06
16.06.2019
589
İqtisadiyyat
A
Sənaye müəssisələri və bu sahədə fəaliyyət göstərən fərdi sahibkarlar tərəfindən 2019-cu ilin yanvar-may aylarında 19,6 milyard manatlıq və ya 2018-ci ilin müvafiq dövrü ilə müqayisədə 2,2 faiz çox sənaye məhsulu istehsal edilib. Sənayenin qeyri-neft sektorunda məhsul istehsalı 15,0 faiz artıb.

"Ölkə.Az"ın məlumatına görə, sənaye məhsulunun 69,9 faizi mədənçıxarma sektorunda, 25,1 faizi emal sektorunda, 4,3 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,7 faizi isə su təchizatı, tullantıların təmizlənməsi və emalı sektorunda istehsal olunub.

Mədənçıxarma sektorunda neft hasilatı 2,9 faiz azalıb, əmtəəlik qaz hasilatı isə 40,4 faiz artıb.

Emal sektorunda ağacın emalı və ağacdan məmulatların istehsalı 92,8 faiz, avtomobil, qoşqu və yarımqoşquların istehsalı 63,9 faiz, içkilərin istehsalı 59,8 faiz, toxuculuq sənayesi məhsullarının istehsalı 47,4 faiz, maşın və avadanlıqların quraşdırılması və təmiri işləri 46,7 faiz, mebel istehsalı 45,8 faiz, rezin və plastik kütlə məmulatlarının, kağız və karton istehsalının hər biri 32,8 faiz, kimya sənayesi məhsullarının istehsalı 30,4 faiz, hazır metal məmulatlarının istehsalı 21,1 faiz, qida məhsullarının istehsalı 20,5 faiz, poliqrafiya məhsullarının istehsalı 19,5 faiz, əczaçılıq məhsullarının istehsalı 16,8 faiz, maşın və avadanlıqların istehsalı 15,8 faiz, tütün məmulatlarının istehsalı 14,9 faiz, tikinti materiallarının istehsalı 5,0 faiz artmış, geyim istehsalı 0,1 faiz, sair nəqliyyat vasitələrinin istehsalı 1,8 faiz, elektrik avadanlıqlarının istehsalı 7,9 faiz, kompüter, elektron və optik məhsulların istehsalı 8,8 faiz, metallurgiya sənayesi məhsullarının istehsalı 18,4 faiz, dəri və dəri məmulatlarının, ayaqqabıların istehsalı isə 27,7 faiz azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 0,4 faiz, su təchizatı, tullantıların təmizlənməsi və emalı sektorunda isə 8,0 faiz artıb.

Ölkə.Az

ŞƏRH YAZ
0

Maliyyə Bazarlarına Nəzarət Palatasına yeni səlahiyyət verilir

Maliyyə Bazarlarına Nəzarət Palatasına yeni səlahiyyət verilir
17:21
14.06.2019
3516
İqtisadiyyat
A
Maliyyə Bazarlarına Nəzarət Palatasına BOKT-lara nəzarətlə bağlı yeni səlahiyyətlər verilir.

“Ölkə.Az” xəbər verir ki,  Milli Məclisin İqtisadi syiasət, sənaye və sahibkalıq komitəsinin bu gün keçirilən iclasında   “Bank olmayan kredit təşkilatları haqqında” qanuna dəyişiklik müzakirəyə çıxarılıb və yuxarıdakı təklif qanuna təklif edilib.

Təklif edilən dəyişiklikərə əsasən, Maliyyə Bazarlarına Nəzarət Palatası bank olmayan kredit təşkilatlarına (BOKT) aşağıdakı nəzarət tədbirlərini tətbiq edə bilər: - fəaliyyətinin ayrı-ayrı növlərinin həyaa keçirilməsinin məhdudlaşdırılması və ya dayandırılması; - inzibatçıların vəzifəsindən müvəqqəti kənarlaşdırılması; - digər hüquqi şəxslərin kapitalında payların alınmasının məhdudlaşdırılması və ya dayandırılması; - yeni filialların açılmasının məhdudlaşdırılması və ya fəaliyyət göstərən filialların işinin dayandırılması və ya fəaliyyələrinə xilam verilməsi; - kredit verilməsi qaydasının və şərtlərinin dəyşdirilməsi; - dividentlərin ödənilməsinin məhdudlaşdırılması və ya dayandırılması; - maliyyələşmə mənbələrininməhdudlaşdırılması və ya dayandırılması; BOKT-ların fəaliyyətinin və daxili nəzarətinin həyaa keçirilməsi qaydasında dəyişikliklər edilməsi. Layihədə qeyd edilib ki, həmin nəzarət tədbrləri ayrılıqda və ya bir neçəsm eyni zamanda tətbq edilə bilər. Qanun layihəsi Milli Məlisin növbədənkənar sessiyasının növbəti iclasına tövsiyə edilib.

Mürtəza
Ölkə.Az

ŞƏRH YAZ
0
BAĞLA