Alma emalı müəssisələri yaradılır — FOTO

Alma emalı müəssisələri yaradılır
22:32
08.05.2019
729
İqtisadiyyat
A
Artıq super intensiv bağların salınması ənənəvi bağların zamanla səmərə verməməsinə səbəb olub.

"Ölkə.Az" oxu.az-a istinadən bildirir ki, Qubada uzun illərdir almaçılıqla məşğul olan fermerlər satışla bağlı çətinliklər çəkirlər.

Satılmayan məhsul ya çaylara tökülür, ya da bağlarda məhv olur.

Problemin həlli ilə bağlı isə regionda meyvə emalı müəssisələri yaradılır. Alma məhsulundan ilk dəfə çipsi hazırlanaraq xarici bazara göndərilir.

Mütəxəssislər meyvə emalı müəssisələrinin yaradılmasının müsbət nəticələr verəcəyini deyirlər. Yaradılan müəssisələr də alma ilə yanaşı, digər məhsulların da satışındakı çətinlikləri aradan qaldıracaq.

Artıq Qubada meyvə emalı müəssisələrinin sayı artıb. Xüsusən ikinci və üçüncü növ meyvələri alan müəssisələr müxtəlif məhsullar istehsal edərək ölkədaxili ilə yanaşı xarici bazara da məhsul göndərirlər. “Made in Azerbaijan” brendi ilə satışa göndərilən məhsullar ölkənin xaricdə tanınması baxımından əhəmiyyətlidir.

Mütəxəssislər emal müəssisələrinin çox olmasının rəqabət mühiti yaradaraq təsərrüfatçılardan daha yaxşı qiymətlə məhsul almağa şərait yaradacağını deyirlər.

 

ŞƏRH YAZ
0

Gürcüstan elektrik enerjisi çatışmazlığını Azərbaycanın hesabına ödəməyə başlayıb

Gürcüstan elektrik enerjisi çatışmazlığını Azərbaycanın hesabına ödəməyə başlayıb
15:38
Bu gün
702
İqtisadiyyat
A
İyul ayının 1-dən etibarən Gürcüstan Azərbaycandan elektrik enerjisi idxalı həyata keçirir.

“Ölkə.Az" report-a xəbər verir ki, bu barədə “Gürcüstanın elektrik enerjisi sisteminin kommersiya operatoru”nun (ESCO) rəsmi saytında bildirilib.

İyulun əvvəlindən 18-dək qonşu ölkə Azərbaycandan 41,1 mln kilovatt/saat elektrik enerjisi tədarük edib.

Ötən ilin iyul ayında isə Gürcüstanın idxal etdiyi elektrik enerjisinin həcmi 1,16 mln kilovatt/saat təşkil edib. Onun da 1,14 mln kilovatt/saatı Azərbaycanın payına düşür, qalan həcmi isə - 17,73 min kilovatt/saat elektrik enerjisini Gürcüstan Rusiyadan idxal edib.

İyul ayında qonşu ölkə adətən elektrik enerjisi ixrac edir, idxal isə təxminən sıfıra bərabər olur.

Hazırda Azərbaycandan həyata keçirilən idxal Gürcüstandakı SES-lərdə aşağı istehsal və elektrik enerjisinin istehlakının artması ilə əlaqədardır.

Ölkə.Az 

ŞƏRH YAZ
0

SOCAR və ENOC investisiya imkanlarını müzakirə etdi — FOTO

SOCAR və ENOC investisiya imkanlarını müzakirə etdi
14:46
Bu gün
379
İqtisadiyyat
A
Azərbaycan Respublikası Dövlət Neft Şirkətinin (SOCAR) prezidenti Rövnəq Abdullayev Birləşmiş Ərəb Əmirliklərinin ENOC şirkətinin sədr müavini Şeyx Səid Məhəmməd Əl Tayerin rəhbərlik etdiyi nümayəndə heyəti ilə görüş keçirib.

"Ölkə.Az" report-a xəbər verir ki, R.Abdullayev qonaqları salamlayıb, şirkətin həyata keçirdiyi yerli və beynəlxalaq layihələr haqqında ətraflı məlumat verib.

Bildirilib ki, belə görüşlər yeni əməkdaşlıq əlaqələrinin yaradılmasında xüsusi rol oynaya bilər.

ENOC şirkətinin sədr müavini Şeyx Səid Məhəmməd Əl Tayer səmimi qəbul üçün təşəkkür edib, SOCAR-ın fəaliyyətini daim yaxından izlədiklərini qeyd edib. Görüşdə SOCAR və ENOC şirkətləri arasında treydinq üzrə əməkdaşlıq və müxtəlif layihələrə sərmayə yatırımları imkanları, eləcə də perspektivlər müzakirə olunub. 

Görüşdən sonra qonaqlar “SOCAR TOWER”dəki interaktiv neft muzeyi ilə tanış olublar.

Ölkə.Az

ŞƏRH YAZ
0
BAĞLA