Almaniya-Azərbaycan matçını hansı kanaldan izləmək olar?
Azərbaycan millisi bu gün DÇ-2018-in seçmə mərhələsində son oyununa çıxacaq.
Matçı İctimai Televiziya canlı yayımlayacaq.
Ölkə.az xəbər verir ki, Robert Prosineçkinin komandası səfərdə Almaniyanın qonağı olacaq.
Azərbaycan yığması 9 tur ərzində 10 xal yığıb və Çexiyaya son məğlubiyyətdən sonra qrupda beşinci pilləyə enib. Dünya çempionatına vəsiqəni daha əvvəl təmin edən Bundestim isə seçmə mərhələdə hələ ki xal itirməyən 2 komandadan biridir.
Bakı vaxtı ilə 22:45-də başlayacaq matçı İTV canlı təqdim edəcək.
