KORONAVİRUSA YOLUXANLARIN SAYI - CANLI STATİSTİKA

"Almaniya hökuməti Müsavat Partiyasının bağlanmasıyla bağlı Azərbaycan hökuməti qarşısında məsələ qaldıra bilər" - Rauf Arifoğlu "siyaci mühacir" biznesinin — GİZLİNLƏRİNDƏN DANIŞDI

16:01
20.11.2019
2761
Siyasət
A
Müsavat Partiyasının başqanı Arif Hacılı Almaniyada mühacir biznesi və bu hadisələrdə partiyanın adının hallanması ilə bağlı keçirdiyi mətbuat konfransında bəzi müxalifət partiyaları ilə yanaşı, “Yeni Müsavat” qəzetini sifarişli kampaniya aparmaqda ittiham edib.

Məsələ ilə bağlı “Yeni Müsavat” media strukturunun rəhbəri, eyni zamanda  20-ci əsrin sonunda Müsavat Partiyasının  yenidən bərpa olunaraq fəaliyyət göstərməsində  müstəsna rola malik şəxslərdən olan Rauf Arifoğlu ilə əlaqə saxlayaraq yaranmış duruma aydınlıq gətirməyə çalışdıq.

 - Rauf bəy, bildirmisiniz ki, faktlar təsdiq olunarsa, Almaniya hökuməti Müsavat Partiyasının bağlanması ilə bağlı Azərbaycan qarşısında tələb qaldıra bilər. Bu nə qədər realdır?

- Saxta siyasi mühacir biznesi ilə bağlı Müsavat Partiyasına qarşı irəli sürülən iddialar təsdiqni taparsa, təbii ki, partiyanın bağlanması ilə Almaniya hökuməti Azərbaycan hökuməti qarşısında belə bir məsələ qaldıra bilər. Artıq ortada sənədlər, faktlar mövcuddur. Çünki Almaniyaya qarşı cinayət işlənilib.  Saxta mühacirət Avropa dövlətləri tərəfindən qəbulolunmaz, ağır  cinayət hesab olunur. Artıq bu faktla bağlı Almaniyada  saxlanınlan Müsavat yetkililəri var. Təşkilatın rəhbərlərindən həbsdə  olanı və istintaqa cəlb olunanları var. Bu faktlar yekunda təsdiqini taparsa, təbii ki, Müsavat Partiyasını bağlanma  təhlükəsi gözləyir.

- Bəs proseslərin bu istiqamətdə inkişaf etdiyi bir zamanda  müsavatçılıq ideologiyasına sadiq insanlar, xüsusən də 1989-cu ildən bu partiyanın yenidən siyasi səhnəsinə qayıdışında  müstəsna rolu olan insan kimi  Siz, bu duruma biganə yanaşacaqsınızmı?  Müsavatı xilas etmək üçün addımlar atmayacaqsınızmı? Burada söhbət  bu gün partiyaya rəhbərlik edən şəxslərdən yox, müsavatçılıq ideologiyasından gedir. Bu ideologiyaya  dəyən mənəvi zərbədən xilas etməyəcəksinizmi?

- Mən Müsavat Partiyasından getsəm də, müsavatçılıqdan getməmişəm. 30 il əvvəl mən “Yeni Müsavat” brendi ilə siyasətə girmişəm, bu  brend  indi də məndədir. Təbii ki, belə bir ehtiyac  yaranacağı təqdirdə addım atacağıq. Artıq müsavatçılığa və Müsavat Partiyasının adının ciddi zərbə altında olduğunu görürük.

Bu gün Arif  Hacılının Müsavat Partiyasına və müsavat  adına vurduğu zərbə təxminən 1920-ci ildə sovet Rusiyasının vurduğu zərbə ilə müqayisə etmək olar. Onlar da partiyanı darmadağın etdilər, Arif Hacılı da qurduğumuz, həyatımızın mənasını qoyduğumuz partiyanı,  onun yaratdığı ulduzları, brendlərin  hamısını darmadağın etdi. Bir qrup adamla Müsavat adından öz məqsədləri, biznesləri üçün istifadə etdilər və etməkdədirlər.  Onu da deyim ki, hazırda müsavatçılıq ideologiyasına sadiq olanlar Müsavat Partiyası ətrafında  yaranan durumdam  narahatdır və yaranmış  durumu müzakirə etməkdəyik. Müzakirələrin hansı nəticəni verəcəyini  bəri başdan deyə bilmərəm. Amma  müdaxilələr olacaq.

-  Yəni yaranmış böhranlı durum müzakirə edilməkdədir?

- Əlbəttə. Hətta bu gün təşkilatın özünün içindən artıq bizlərə təpkilər, mesajlar, təkliflər gəlir ki, prosesə müdaxilə edib, Müsavat Partiyasını  üzləşdiyi böhrandan xilas edək. Amma  bunlar hamısı qaydalara uyğun şəkildə olmalıdır. Partiyanın Nizamnaməsi var. Bu yaxınlarda partiyanın qurultayı keçirilib  və rəhbərlik seçilib. Təəssüf ki, Arif Hacılı yenidən  sədr seçilib. Amma  qarşıdakı dönəmdə təhlükəli vəziyyət davam edərsə, prosesə mütləq müdaxilə olunacaq. Baş verənlərə laqeyd və müşahidəçi qismində yanaşılmayacaq.

- Əslində Arif Hacılı keçirdiyi mətbuat konfransında  mühacir biznesini dolayısı ilə etiraf edib. Bununla bağlı əvvəllər də məlumatlar var idi, hətta  prokurorluqda cinayət işi də açılmışdı. Bununla bağlı nə deyə bilərsiniz?

- Biz Müsavatın mühacir biznesi ilə bağlı fəaliyyətini alman polisindən də əvvəl bilirdik. Bu barədə  yazılar, məqalələr dərc olunub.  Bizdə Alman polisinə məlum olmayan  faktlar var. Hatta düşünürük ki, bu faktlar təqdim olunsun-olunmasın. İnanın ki, orta səviyyəli müsavatçılar Arif Hacılının bu biabırçı fəaliyyətindən xəbərdar idilər. Arif  Hacılı bu təşkilatın  sədri seçilməmişdən öncə bu işlə məşğul idi. Avropanın müxtəlif ölkələrinə  saxta arayışlarla heç bir əsas olmadan pul və maddi maraq əsasında  insanları mühacirətə göndərirdilər.  Müsavatçı olsa belə, onlara guya  təhlükədə  olmaları ilə bağlı arayış verilirdi ki,   gedib Avropada  məhkəmələrində rahatca  mühacir  statusu qazana bilsinlər. 

- Əlinizdəki faktları təqdim etmək niyyətiniz varmı?

- Onu düşünürük.  Lakin hesab edirik ki, faktları təqdim etmək Müsavat Partiyasının üzləşdiyi durumu daha da çətinə sala bilər.  Çünki Almaniya hökuməti Arif Hacılını yox, Müsavat Partiyasını tanıyır. 
Müsavat Partiyasının onlarla bu faktı təsdiq edəcək faktlar, məktublar, sənədlər var. Özü də bir deyil. Onların  sayı onlarladır.

- Rauf bəy, deyirsiniz ki, bu cür ciddi faktlar var, digər tərəfdən bununla yanaşı, təşkilatın siyasi iflasını sürətləndirilən siyasət yürüdülür, ciddi addımların atılmasının zamanının yetişməsindən xəbər vermirmi?

-  Belə bir addımı atmaq elə də rahat və asan məsələ deyil. İctimai rəydə fərqli qarşılanması ola bilər. Siz bu insanların necə çığır-bağırçı olduğunu da məndən yaxşı bilirsiniz.  Odur ki, atılan addımlar hesablanmalıdır. Elə etmək lazımdır ki, Müsavat Partiyasına faydası olsun. Proses dalana dirənməsin və ya daha pis vəziyyətə düşməsin. Bir də bizim məqsədimiz Arif Hacılı kimi  təşkilata rəhbərlik etmək deyil, müsavatçılıq ideologiyasına dəyən ziyanı aradan qaldırmaqdır. O məfkurəyə və dəyər yüksəkliklərə qaldırmaqdır.

Bu günkü fakt isə  ondan ibarətdir ki, əmənatə xəyanət olunub. Məmməd Əmin Rəsulzadə adı ləkələnib. Bunu edən də Arif Hacılı və onun dəstəsidir. Bu  həm tarixi, həm hüquqi cinayətdir.  

Hesab edirəm ki, Azərbaycan hökuməti də çox gözləmədən  faktla bağlı hərəkətə keçməlidir. Ortada  Müsavat və Azərbaycan adına ləkə dəyib. Buna eyni zamanda müxalifətin digər düşərgəsi də münasibət bildirməlidirlər. Ona görə ki, bu həm də bütövlükdə müxalifət adına bir ləkədir. Son günlərdə Avropadakı mühacirətin tərkibini görürsünüz. Hamısı saxta yolla  Avropaya  göndərilib və Azərbaycan qarşı istifadə olunmaqdadırlar. Bu biabrıçılıq kimə lazımdır?

Bir qrup adamın cibinə pul girəcək deyibən Azərbaycan niyə, bu, hala salınamlıdır. Bunlar ciddi cinayət əməlidir. 

- Hesab edirsiniz ki, Azərbaycan hökuməti bununla bağlı ciddi addıma atmalıdır?

- Bəli. Artıq kimsə deyə bilməz ki, buna görə müxalifət təqib olunur. Məsələ ilə bağlı Almaniya polisi  prosesə girişib  və iki ciddi adam həbs olunub. Cinayətləri  sübuta yetirilərsə, onları 10 ilədək həbs cəzası gözləyir. Bu ağır  cinayətdir. Daha 6 müsavatçı Almaniyada  istintaqa cəlb olunub. Mən zamanında partiyaya rəhbərlik edən adamlardan biri kimi orada nə baş verdiyini yaxşı bilirəm. Oradakı ən xırda gizli  qruplardan və proseslərdən xəbərdaram. Bunları  sübut edə bilərəm. Alman polisinin apardığı araşdırma yaxın zamanda başa çatacaq və onlar hüquqi  cəhətdən ifşa olunacaq. Odur ki, hazırda Müsavatda bu işlə məşğul olanlar vahimə içərisindədirlər.

 O baxımdan  Azərbaycan hökuməti də gözləməməlidir.  Hüquq-mühafizə orqanları bununla bağlı 3-4 il əvvəl başlatdıqları cinayət işini  cəsarətlə davam etdib yekunlaşdırmalıdırlar. Prokurorluqda bu cinayət işi açılıb faktlar var, sadəcə  olaraq  siyasi tələblərə görə qətiyyətli addım ata bilmirlər. Deyəcəklər ki, Azərbaycan da  müxalifət  təqib olunur. Müxalifətçilər həbs edilir.

Bunlar heç  müxalif lider də deyil, fırıldaqçılarıdr. Fırıldaqçılar   barəsində də tədbir görülməlidir.

Mürtəza
Ölkə.Az

ŞƏRH YAZ
0

Komitə sədri: “İşğalçılıq, faşizm ideologiyası Ermənistanı bir dövlət kimi məhvə sürükləyir”

Komitə sədri: “İşğalçılıq, faşizm ideologiyası Ermənistanı bir dövlət kimi məhvə sürükləyir”
17:49
09.07.2020
2177
Siyasət
A
Bu gün Ermənistan dünyada pandemiyadan ən çox zərər çəkən olduğundan BMT Baş Assambleyasının koronavirusla bağlı xüsusi iclasının keçirilməsində maraqlı olduğu halda, açıq şəkildə bunun əleyhinə çıxması özlərini dünyadan təcrid etməklə, daha pis vəziyyətə salmış oldular.

Bunu “Ölkə.Az” a açıqlamasında Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.

Komitə sədrinin sözlərinə görə,  Ermənistan bir yandan  pandemiya ilə bacarmadıqlarını bəyan edir, digər tərəfdən də qlobal pandemiyaya qarşı  effektiv mübarizənin təşkili məqsədi ilə beynəlxalq həmrəyliyin ayardılması istiqamətindəki təşəbbüslərə də qarşı çıxırlar. “Bu gün Ermənistanın koronavirusla bağlı yardım almaq üçün dilənçi kimi dünyada döymədikləri qapı qalmayıb. Qapı-qapı düşüb yalvar-yaxar edib, oradan-buradan dilənərək  yaşamağa çalışırlar.  Bu gün əslində birinci Ermənistan koronavirusla mübarizədə beynəlxalq həmrəyliyin və əməkdaşlığın yaranmasında maraqlı olmalıdır. İlk növbədə bu əməkdaşlıq onlara lazımdır. Ancaq Ermənistan nə etdi?  Açıqca  belə bir təşəbbüsə qarşı çıxdı. Bununla da bir daha iyrənc simasını dünyaya nümayiş etdirdi. Nədir-nədir belə bir təşəbbüsü Azərbaycan irəli sürüb. Bu Azərbaycanafobiyanın göstəricisidir. Əslində  Ermənistan bu hərəkəti ilə özü-özünü çox pis vəziyyətə qoydu, dünyadan təcrid vəziyyətə saldı. Hansı ki, Ermənistan bundan daha çox fayda götürə bilərdi. Hər zaman olduğu kimi bu dəfə də erməni xisləti onlara imkan vermədi”, - Sadiq Qurbanov vurğulayıb.

Komitə sədri sədri əlavə edib ki, onsuz da dünya işğalçı Ermənistanı yaxşı tanıyırdı, amma bu bir daha bu ölkənin işğalçılıq mahiyyətinə  uyğun digər  simalarını görüb, şahid olmaqdadır: “Azərbaycan Prezidenti cənab İlham Əliyevin də bəyan etdiyi kimi Ermənistanın  belə bir təşəbbüsün əleyhinə çıxması ağılsız düşüncənin məhsuludur. Azərbaycan belə bir  təşəbbüslə çıxanda dünya miqyasında pandemiyaya qarşı mübarizədə səylər birləşdirilsin və dahah səmərəli mübarizə aparılıb, beynəlxalq səviyyədə çətin vəziyyətdə olan ölkələrə dəstək verilsin. Yəni bu məsələdə  vahid bir yanaşma forması tətbiq olunsun, ölkələr özlərinə qapanmasın, inkişaf etmiş ölkələr ağır vəziyyətdə olan ölkələrə kömək göstərsinlər. Amma daha çox ehtiyacı olan Ermənistan  belə bir təşəbbüsə qarşı çıxmaqla  özünü gülünc duruma saldı. 

Nəticə nə oldu? Nəticədə Azərbaycan diplomatiyası, cənab Prezidentin uzaqgörən siyasəti qələbə çaldı. 130-dan artıq ölkə Azərbaycanı dəstəklədi. Hansı ki, bunun üçün 97 ölkənin səsi yetərli idi.  Bu bir daha  dünyada Azərbaycana olan münasibətin göstəricisi oldu. Azərbaycanın artan və möhkəmlənən mövqeyinin daha da  möhkəmlənməsinə xidmət etdi. Azərbaycan Prezidentinin dediyi kimi “bizim sözümüz imzamız qədər təsirlidir və bunun təsiri eynidir. Biz sözümüzü tutan ölkəyik”.

Ermənistan ksenofob, irqçi və faşist mahiyyətini ortaya qoymaqla özlərinin simalarını bir daha beynəlxalq aləmə nümayiş etdirdilər. Çünki bu ölkədə faşizm ideologiyası hökm sürür. Ermənistanda rejim dəyişə bilər, müxtəlif insanlar, siyasi qüvvələr hakimiyyətə gələ bilər,  amma bu ölkənin faşist ideologiyası dəyişməz olaraq qalır.  Ermənistanın bu faşist ideologiyasından daha çox özü əziyyət çəkməkdədir. Özləri-özlərini  beynəlxalq aləmdən təcrid etməkdədirlər. Necə ki, işğalçılıq siyasətindən daha çox uduzan Ermənistan oldusa, faşizm ideologiyasından da uduzan tərəf onlar olacaq. Əgər Ermənistanın  Azərbaycabn qarşı işğalçılıq siyasəti olmasaydı, bu gün belə acınacaqlı sosial-iqtisadi böhranla qarşılaşmayacqdılar. Odur ki, işğalçılıq, ksenofobiya, irqçilik, faşizm ideologiyası  Ermənistanı bir dövlət kimi məhvə sürükləyir. Nəticədə qazanan isə Azərbaycan olacaq”.

 Mürtəza
Ölkə.Az

ŞƏRH YAZ
0

Prezident Dövlət Agentliyinin səlahiyyətini azaltdı — FƏRMAN

Prezident Dövlət Agentliyinin səlahiyyətini azaltdı
15:48
09.07.2020
1752
Siyasət
A
Azərbaycan Avtomobil Yolları Dövlət Agentliyinin (AAYDA) Nizamnaməsinə dəyişiklik edilib.

"Ölkə.Az"ın məlumatına görə, bununla bağlı Prezident İlham Əliyev müvafiq fərman imzalayıb.

Bununla Prezidentin 2017-ci il 19 dekabr tarixli 1748 nömrəli fərmanı dəyişdirilib.

Yeni fərmana əsasən, Nizamnamənin 3.1.22-ci yarımbəndi ləğv edilib.

Nizamnamənin 3-cü maddəsi AAYDA-nın hüquq və vəzifələrini özündə ehtiva edir.

Sözügedən yarımbənddə isə göstərilirdi ki, Agentlik avtomobil yollarının, habelə körpülərin, tunellərin, digər yol qurğularının layihələndirilməsi, tikilməsi, idarə olunması, saxlanılması, qorunması, cari, orta və əsaslı təmiri, yenidən qurulması işlərinin yerinə yetirilməsi üçün lisenziya tələb olunduqda, həmin işləri lisenziya alınmadan yerinə yetirir.

Prezidentin fərmanı ilə isə Agentlik bundan sonra həmin səlahiyyətə malik olmayacaq.

ŞƏRH YAZ
0
BAĞLA