Almaniya millimizi darmadağın etdi: 7:0!

Almaniya millimizi darmadağın etdi: 7:0!
20:52
09.11.2017
3365
İdman
A
Bu gün 21 yaşadək futbolçular arasında AVRO-2019-un seçmə mərhələsində növbəti oyunlara start verilib

Ölkə.Az apasport.az-a istinadən xəbər verir ki, Azərbaycan millisi bu ay keçirəcəyi ilk qarşılaşmaya çıxıb.

V qrupda mübarizə aparan yığmamız ikinci ev oyununda qüvvəsini sınayıb. Samir Ələkbərovun baş məşqçisi olduğu komandamız Almaniya ilə görüşüb.
 
Bu yaş qrupunda son Avropa çempionu olan Bundestim Bakıya titulun sahibi kimi gəlib. 
 
Keçirdiyi bütün görüşlərdə uduzan və sonuncu pillədə qərarlaşan yığmamız bu dəfə də xoşagəlməz ənənəsinə sadiq qalıb. Oktyabrın 6-da Kotbusda keçirilən matçda 1:6 hesabı ilə uduzan Ələkbərovun yetirmələri "Dalğa Arena"da daha ağır nəticə ilə üzləşib.
 
Komandamız qapısında 7 cavabsız qol görüb.
 
Keçirdiyi ilk üç matçda qol sevinci yaşayan yığmamız bu dəfə bunu bacarmayıb.
 
Qeyd edək ki, qrupun sabah keçiriləcək digər matçında Kosovo İsraili qəbul edəcək.
 
21 yaşadək futbolçular arasında Avropa çempionatı
Seçmə mərhələ, V qrup
9 noyabr
 
Azərbaycan - Almaniya - 0:7
Qollar: Hartel, 2, 46, 58; Amiri, 14, Seydel, 28, Klosterman, 60, Öztunalı, 84

ŞƏRH YAZ
1

Güləşçilərimizdən daha 3 medal

Güləşçilərimizdən daha 3 medal
23:56
14.11.2018
628
İdman
A
Rumıniyanın paytaxtı Buxarestdə 23 yaşadək güləşçilər arasında keçirilən dünya çempionatında Azərbaycan millisi daha 3 medal qazanıb.

"Ölkə.Az" xəbər verir ki, yunan-Roma güləşçilərindən Murad Məmmədov (60 kq) və Kərim Cəfərov (67 kq) gümüş, Orxan Nuriyev (97 kq) isə bürünc medala sahib olub.

Məmmədov finalda yaponiyalı Keniçiro Fumitaya, Cəfərov isə misirli Məhəmməd İbrahim Əlsəyidə uduzub.

Əvəzində Nuriyev bürünc medal görüşündə Əli Əkbər Heydərini sonuncu xal prinsipinə əsasən üstələyib.

İlk yarış günündə Azərbaycanın daha bir yunan-Roma güləşçisi İslam Abbasov (87 kq) bürünc medal qazanıb.

Ölkə.Az

ŞƏRH YAZ
0

Dasayev, Vəli Qasımov, Qazzayev, Nazim Süleymanov, Qurban Qurbanov — Bakıda pulsuz FUTBOL ŞOUSU

Dasayev, Vəli Qasımov, Qazzayev, Nazim Süleymanov, Qurban Qurbanov
09:13
14.11.2018
1984
İdman
A
Noyabrın 15-də "Bayıl arena"da veteran futbolçu Vəli Qasımovun əlli illik yubileyi münasibətilə yoldaşlıq oyunu keçiriləcək.

"Ölkə.Az"ın məlumatına görə, qarşılaşmada Rusiya, Ukrayna, Portuqaliya və ispaniya kimi ölkələrin məşhur futbolçuları iştirak edəcəklər. Azərbaycan futbolunun ulduzları Nazim Süleymanov, Elxan Həsənov, Tərlan Əhmədov, Dmitri Kramarenko, Vəli Qasımov, Qurban Qurbanov, Əsgər Abdullayev, Samir Ələkbərov, Novruz Əzimov, Mahmud Qurbanov, Yaşar Vahabzadə, Vidadi Rzayev və Arif Əsədov əməkdar məşqçi Kazbek Tuayevin rəhbərliyi altında meydana çıxacaqlar. 

Rəqib komandada isə Sergey Kiryakov,  Xoakin Parra, Viktor Losev, Nikolay Pisarev, Adolfo Aldana, İ. Yakubovski, İ.Kolivanov, Raşid Raximov, Rinat Dasayev, Roberto Bordin, Valeriy Şmarov, Cande, Camacho kimi ulduz futbolçular məşhur rusiyalı mütəxəssis Valeri Qazzayevin baş məşqçisi olduğu komandada çıxış edəcəklər. 

Qeyd edək ki, saat 17:00-da start fiti səslənəcək oyuna giriş sərbəstdir.

Ölkə.Az

ŞƏRH YAZ
0
BAĞLA