Almaniya millisi növbəti məğlubiyyətlə üzləşib
UEFA Millətlər Liqasında IV tura yekun vurulub.
"Ölkə.Az" xəbər verir ki, günün ən maraqlı matçı A Liqasında keçirilib. Son dünya çempionları Fransa ilə Almaniya üz-üzə gəlib. Hesabı 14-cü dəqiqədə qonaq komandadan penalti zərbəsi ilə Toni Kroos açsa da, meydan sahiblərinin hücumçusu Antuan Qrizmann 63-cü və 80-ci dəqiqələrdə fərqlənərək, komandasına qələbə qazandırıb. Bununla da Almaniya qrup qalibi olma şanslarını tam itirib.
B Liqasında Ukrayna Çexiyaya minimal hesabla qalib gələrək, 9 xalla 1-ci qrupun qalibi olub və A Liqasına yüksəlib. D Liqasında isə Gürcüstan yığması ardıcıl 4-cü qələbəsini səfərdə Latviya üzərində əldə edib - 3:0. Bununla da qonşu ölkə millisi 12 xalla 1-ci qrupun qalibi kimi C Liqasına və 2019-cu ilin iyununda keçiriləcək final mərhələsinə yüksəlib.
Ölkə.Az
