Almaniya prezidenti eynicinslilər nikahını təsdiqlədi
Almaniya prezidenti Frank-Valter Ştaynmayer eynicinslilərin nikahına icazə verən qanunu imzalayıb.
"Ölkə.Az" xəbər verir ki, bu məlumatı prezidentin mətbuat xidməti yayıb. Bildirilir ki, Ştaynmayer bir həftə ərzində eynicinslilərin nikahını qanuniləşdirən qanun layihəsini nəzərdən keçirib.
Bir müddət əvvəl qanun layihəsi parlament tərəfindən təsdiqlənmişdi. 393 deputat lehinə, 226 millət vəkili isə əleyhinə səs vermişdi. 4 nəfər isə bitərəf qalmışdı.
Qanun 2 oktyabr tarixində qüvvəyə minəcək.
Qeyd edək ki, baş nazir Angela Merkel qanun layihəsinin əleyhinə səs verib.
Hikmət Həsənov
Ölkə.Az
