Almaniyada azərbaycanlılarla afrikalılar arasında dava — 100 polis yeridildi

Almaniyada azərbaycanlılarla afrikalılar arasında dava
20:28
21.08.2019
6014
Dünya
A
Almaniyanın Deggendorf şəhərində Azərbaycan vətəndaşları seneqallılar və nigeriyalılarla kütləvi davada iştirak ediblər. Nəticədə bir çox insan xəsarət alıb.

“Ölkə.Az” xəbər verir ki, bu barədə Oxu.Az-a Almaniyada yaşayan tanınmış hüquq müdafiəçisi, miqrasiya məsələləri üzrə ekspert Əliövsət Əliyev deyib.

İnsident avqustun 20-si saat 17:00-da miqrantların olduğu düşərgədə baş verib. Burada iki çoxmərtəbəli bina var, birində azərbaycanlılar, digərində isə afrikalılar yaşayır:

"İnternet şəbəkəsi afrikalıların olduğu binadadır və buna görə də həmyerlilərimiz yazışmaq və ünsiyyət saxlamaq üçün onların evinin ətrafında otururlar. Çərşənbə axşamı bir neçə sərxoş nigeriyalı 16 yaşlı azərbaycanlı qıza hücum ediblər. Qız hücum edənlərin əlindən qaça bilib. Azərbaycanlılar bir neçə saatdan sonra afrikalıların olduğu evə gediblər və ədəbsiz nigeriyalıların cavabını veriblər", - Ə.Əliyev bildirib.

Yekunda hər iki tərəfdən xəsarət alanlar olub. Afrikalılar isə, öz növbəsində, bir müddətdən sonra azərbaycanlıların qaldığı evə hücum ediblər. Onlar miqrantlara daş atıb, binadakı bütün pəncərələri sındırıblar. 100 polisdən ibarət xüsusi təyinatlı dəstə hadisə yerinə gəlib. Bir neçə nəfər saxlanılıb, xəsarət alanlar xəstəxanaya yerləşdirilib.

Baş vermiş hadisə barədə Miqrasiya və qaçqınlarla iş üzrə federal idarəyə məlumat verilib. Azərbaycan diasporunun nümayəndələri idarə əməkdaşlarından azərbaycanlılarla afrikalıları ayrı-ayrı ərazilərdə yerləşdirməyi xahiş edib, çünki belə münaqişələrə burada tez-tez rast gəlinir. Əvvəlcədən nigeriyalılar, seneqallılar və azərbaycanlılar arasında pis münasibətlər yaranıb.

Polis düşərgə ərazisini nəzarətdə saxlayır.

Ölkə.Az

ŞƏRH YAZ
1

13 il əvvəl Moskvada azərbaycanlını öldürmüş gürcü Polşada həbs edildi

13 il əvvəl Moskvada azərbaycanlını öldürmüş gürcü Polşada həbs edildi
08:02
Bu gün
15
Dünya
A
13 il əvvəl Moskva məktəblərinin birində azərbaycanlı sinif yoldaşını öldürən gürcü əsilli Rusiya vətəndaşı Polşada həbs olunub.

"Ölkə.Az" bildirir ki, Besik Koçalidze 2006-cı ildə məktəbdə idman dərsi zamanı sinif yoldaşının anasını söyüb. Gürcü dilində təhqir etməsinə baxmayaraq, azərbaycanlı onun nə dediyini başa düşüb və tərəflər arasında mübahisə baş verib.

Həmin zaman məktəbin direktoru hər iki yeniyetməni sakitləşdirib barışdırmaq istəsə də, Koçalidze rəqibinə 14 bıçaq zərbəsi vurub, yaralı isə xəstəxanada ölüb.

Bundan sonra atası tərəfindən əvvəlcə Ukraynaya, ordan da Polşaya qaçırılan Koçalidze nəhayət həbs edilib. Hazırda qatilin Rusiyaya ekstradisiyası üçün sənədlər hazırlanır.

Onu Rusiyada 8 ilə qədər həbs cəzası gözləyir.

Ölkə.Az

ŞƏRH YAZ
0

Deputatın başını kərpiclə yardılar

Deputatın başını kərpiclə yardılar
02:16
Bu gün
291
Dünya
A
Kiyevdə ukraynalı deputatı kərpiclə vurdular.

 "Ölkə.Az" xəbər verir ki, Ukraynanın paytaxtı Kiyev şəhərində bir təcavüzkar şəhər məclisi deputatının başına kərpiclə vurub. Bu barədə UNİAN xəbər verib.

“Polis şöbəsinə şəhər məclisi deputatından qanunsuz tikinti ilə bağlı bir mesaj gəlib. İstintaq-əməliyyat qrupu çağırışa gedib. Hüquq-mühafizə orqanlarının əməkdaşları ilə ünsiyyət zamanı naməlum şəxs deputata yaxınlaşıb və kərpiclə onun başına vurub. Təcavüzə məruz qalmış deputatın kimliyi açıqlanmır.

Cinayətkar tutulub və bütün halları aydınlaşdırmaq və izahat vermək üçün polis şöbəsinə aparılıb. Daha əvvəl Kiyev Şəhər Dövlət Administrasiyası (KSCA) rəhbərinin müavini Vladimir Slonçakın döyülməsi barədə məlumat yayılıb. Kiyev şəhər Dövlət Administrasiyası rəhbərinin müavininə hücum evinin girişində törədilib. Kişi qapalı baş zədəsi, sarsıntı və baş zədəsi ilə xəstəxanaya aparılıb.

Slonçak 12 dekabr 2018-ci ildən etibarən Kiyev Şəhər Dövlət Administrasiyası sədrinin özünüidarəetmənin həyata keçirilməsi üzrə müavini vəzifəsində çalışır. Bundan əlavə, o, özəl səhmdar cəmiyyət holdinq şirkəti "Kyevqorstroy"un müşahidə şurasının rəhbəridir.

Müşfiq Məmmədov
Ölkə.Az

ŞƏRH YAZ
0
BAĞLA