Almaniyada qaçqın düşərgəsində azərbaycanlı qadın özünü öldürdü

Almaniyada qaçqın düşərgəsində azərbaycanlı qadın özünü öldürdü
23:49
21.07.2019
8464
Hadisə
A
Almaniyanın Deggendorf şəhərində qaçqınlar düşərgəsində yaşayan azərbaycanlı Hümail Məmmədova intihar edib.

“Ölkə.Az” Bizimyol.info-ya istinadən xəbər verir ki, bu barədə “Azərbaycan Miqrasiya Mərkəzi” İctimai Birliyinin rəhbəri Əlövsət Əliyev məlumat verib.

Onun sözlərinə görə, 1982-ci il təvəllüdlü Hümail Məmmədova iki gün öncə dərman içərək özünə qəsd edib. Saxlandığı qaçqın düşərgəsində psixoloji təzyiqlərə, Miqrasiya İdarəsində ona qarşı münasibətlərə etiraz olaraq bu addımı atdığını deyən H.Məmmədovanı xəstəxanaya çatdırıblar. Lakin onun həyatını xilas etmək mümkün olmayıb, iyulun 21-də xəstəxanada vəfat edib.

Əlövsət Əliyevin sözlərinə görə, H.Məmmədova xəstəxanaya aparılan zaman 9 yaşlı qızının Almaniyada yaşayan bacısına verilməsini xahiş edib.

Ölkə.Az

ŞƏRH YAZ
0

İşlədiyi yerdən 12 minlik oğurluq edən şəxs saxlanılıb — FOTO

İşlədiyi yerdən 12 minlik oğurluq edən şəxs saxlanılıb
22:01
Bu gün
139
Hadisə
A
Göygöl Rayon Polis Şöbəsinə ərizə ilə müraciət edən rayon sakini Aydın Cəfərov evindən ümumi dəyəri 12 min 520 manat olan müxtəlif növ məişət əşyalarının oğurlandığını bildirib.

"Ölkə.Az" Daxili İşlər Nazirliyinin mətbuat xidmətinin Gəncə regional qrupuna istinadən xəbər verir ki, rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində oğurluğu törətməkdə şübhəli bilinən şəxs - həmin evi təmir edən, Naxçıvan Muxtar Respublikasında qeydiyyatda olan və Gəncədə müvəqqəti yaşayan 29 yaşlı Elvin Abbasov muxtar respublikada saxlanılaraq Göygöl Rayon Polis Şöbəsinə gətirilib.

O, dindirilərkən törətdiyi oğurluq hadisəsini etiraf edərək həmin məişət əşyalarını satdığını bildirib.

Faktla bağlı təhqiqat aparılır.

Ölkə.Az

ŞƏRH YAZ
0

Bakıda 23 yaşlı oğlan itkin düşüb

Bakıda 23 yaşlı oğlan itkin düşüb
21:12
Bu gün
267
Hadisə
A
Azərbaycanda daha bir nəfər itkin düşüb.

"Ölkə.Az" APA-ya istinadən xəbər verir ki, hadisə paytaxtın Binəqədi rayonunda qeydə alınıb.

Rayon sakini, 1977-ci il təvəlüldü Təranə Rəhimova polisə ərizə ilə müraciət edərək oğlu, 1997-ci il təvəllüdlü Röyal Rəhmanzadənin yaşadığı evdən çıxıb getdiyini və bir daha geri qayıtmadığını bildirib.

Daxil olan məlumat əsasında araşdırmalara başlanıb.

Ölkə.Az

ŞƏRH YAZ
0
BAĞLA