Almaniyada qar çovğunu
Almaniyanın Frankfurt-Mayn şəhərində şiddətli qar yağışı avia reyslərin təxirə salınmasına səbəb olub.
"Ölkə.Az" xəbər verir ki, şəhərin hava limanında 170 avia reys təxirə salınıb.
"Frankfurter Rundschau"dan verilən məlumata əsasən, uyğunsuz hava şəraiti səbəbindən bir sıra avia reyslər digər istiqamətlərə yönləndirilib. Bundan sonra isə bəzi reyslər təxirə düşüb, bəzilərində gecikmələr qeydə alınıb.
Bildirilir ki, həm daxili, həm də beynəlxalq avia reyslər təxirə salınıb. Mütəxəssislər qeyd edirlər ki, axşama doğru hava şəraiti normallaşa bilər.
Hikmət Həsənov
Ölkə.Az
