Almaniyada silahlı sürücü piyadalara hücum etdi

“Ölkə.Az” xəbər verir ki, hadisə barədə “N24” telekanalı məlumat yayıb. Verilən məlumata görə, saat 16 radələrində Heydelberq şəhərində bıçaqla silahlanmış sürücü piyadalara hücum edib. Qəzəbli sürücü 3 nəfəri ağır yaralayıb.

Bu barədə polisə məlumat daxil olub. Hadisə yerinə gələn polis qəzəblənmiş sürücüyə təslim olmağı əmr edib. Polisin ərinə tabe olmayan sürücü hadisə yerindən qaçmaq istəyib. Polis onu zərərsizləşmək üçün atəş açıb. Nəticədə polis həmin sürcünü ayağından yaralayıb.

Yaralı halda ələ keçən şəxs dərhal polis məntəqəsinə aparılıb. Hələlik onun şəxsiyyətini və nə səbəbə belə etdiyini müəyyən edə bilməyib.

Yaralılar isə xəstəxanaya aparılıblar. Onlardan birinin vəziyyəti çox ağırdır. Həmin şəxs reanimasiyaya yerləşdirilib.

Faktla bağlı alman polisi araşdırmalara başlayıb.

Ziya Səccad
Ölkə.Az