Almaniyadan yeni bəyanat

Almaniya NATO-ya qarşı öhdəliklərini saxlayır.

Ölkə.Az xəbər verir ki, bu barədə Almaniyanın müdafiə nazirliyi bəyanat verib. Nazirliyin rəsmi nümayəndəsi Yens Flosdorf bu barədə məlumat verib.

Məlumatda deyilir: "Almaniya NATO ilə münasibətlərdə öhdəliklərini saxlayır. NATO dünyada və Avropada təhlükəsizliyin qorunması üçün böyük əhəmiyyət kəsb edir".

Bir müddət əvvəl ABŞ-ın yeni prezidenti Donald Tramp bəyan etmişdi ki, alyansı yeniləmək lazımdır. O, NATO-nu vacib amma köhnəlmiş təşkilat kimi xarakterizə etmişdi.

Bu bəyanata toxunan xarici işlər nazirliyinin rəsmisi Martin Şefer deyib: "Biz Trampın hər bəyanatını tərəziyə qoymaq fikrində deyilik. Bizi bu bəyanata zidd olan digər bəyanatlar maraqlandırır".

Hikmət
Ölkə.Az