Almaniyalı futbolçu: "Azərbaycan millisi ilə qarşılaşma bizim üçün vacib oyundur"

"Report"un məlumatına görə, bunu Almaniya milli komandasının futbolçusu Sami Xedira Azərbaycan yığması ilə martın 26-da keçirəcəkləri 2018-ci il Dünya çempionatının seçmə qrup matçından öncə düzənlənən mətbuat konfransında deyib.

Daha sonra 30 yaşlı yarımmüdafiəçi jurnalistlərin suallarını cavablandırıb. O, əvvəlki seçmə tsikllərlə müqayisədə bu dəfə nəticələrin rahat olmasının səbəbi nədədir" sualına belə cavab verib: "2014-cü il Dünya çempionatından sonra qarşıdan gələn işə köklənməyin ciddi olmadığını düşünmürəm. Sadəcə, bir çox vacib oyunçularımız zədə ilə üzləşdi və bir çoxu heyətdən getdi. Avropa çempionatında titul qazana bilmədik. Ona görə də DÇ-2018-ə ciddi hazırlaşmaq istəyirik. Hazırlıq təkcə final mərhələsinə deyil, seçmə mərhələdə də lazımdır. Bunun üçün əlimizdən gələnin ən yaxşısını etməyə çalışacağıq".

Bundan sonrakı rolu barədə danışan futbolçu deyib: "Hazırda karyeramın ən yaxşı mərhələsindəyəm. Sağlamlığım yerindədirsə, təcrübəm varsa, işə məsuliyyətlə yanaşıramsa, deməli, komandada boş yerə deyiləm. Görürəm ki, üzərimə müəyyən rol düşür. Komandada vacib olmayan oyunçu deyiləm".

"Karyeranızın müəyyən vacib məqamlarında heyətdən kənarda qaldınız. Son dövrdə isə "Real Madrid"dən "Yuventus"a keçmisiniz. Bunlar karyeranıza nə dərəcədə təsir etdi" sualına Sami Xedira belə cavab verib: "Hər ikisi əla klubdur. Müqayisə etsək, "Yuventus"a gəldikdən sonra hərtərəfli olmağa öyrəşmişəm və davranışa öyrəşmişəm".

O, Bakı ilə bağlı təəssüratlarını da bölüşüb: "2009-cu illə müqayisədə Bakıda dəyişikliklər gördüm. Burada alman vaxtı ilə qalmağı üstün tuturuq. Bakını gəzməyə getmədim. Oteldə qalmağı üstün tutmuşam".

Ölkə.Az