Almaniyalı nazir Trampı sərt tənqid edib: “Amerika siyasətinə köklü zərbə vurur”
“Ölkə.Az” xəbər verir ki, bu barədə “Der Spiegel” jurnalı məlumat yayıb. Yayılan məlumatda deyilir ki, Ziqmar Qabriel jurnala verdiyi müsahibə zamanı D.Trampı ən pis siyasətçi adlandırıb.
“Tramp Amerika siyasətinə köklü zərbə vurur. Onun hakimiyyətə gəlişi ilə beynəlxalq aləmdə qüvvələr balansı dəyişib. ABŞ dünya lideri statusundan məhrum olub. Vaşinqtonun hazırda yeritdiyi siyasət dünyaya mənfi təsir göstərir”, - deyə Z. Qabriel bildirib.
Almaniya rəsmiri əlavə edib ki, Trampın yürütdüyü siyasət və atdığı addımlar Avropa Birliyində də bəyənilmir:
“Onun miqrasiya sahəsində atdığı addımlar ABŞ-ı sarsıda bilər. Bu sahədə Ağ Evin təşəbbüsləri mövcud problemləri daha da dərinləşdirir. Avropa Birliyində Trampın yürütdüyü siyasət bəyənilmir. Bu da ABŞ ilə Avropa Birliyi arasında dərin uçurum yaradır”.
Ziya Səccad
Ölkə.Az
